История татар. Том IV. Татарские государства XV-XVIII вв.

Да память воеводе ж князю Федору Борисовичю Елецкому. Писал ко государю царю и великому князю Федору Ивановичю всеа Русии из Тобольсково воевода князь Федор Лобанов Ростовской с товарыщи, чтоб прислать в Сибирь 5 скорострельных пищалей, чем промышлять над. Кучюмом царем, как царь будет в городкех; и ныне послано до Лозвы с Прокофьем да с Иваном с Воейковыми 5 скорострельных пишалей, а к ним по штисот ядер железных и со всякими пишальными запасы. И воеводе князю Федору Борисовичю, приехав на Лозву, взяти у Прокофья да у Ивана (л. 163) у Воейковых тот государев наряд и всякие пушечные запасы, и пушкарей, и зелье и свинец по росписи, и устроить в судех и отвести с собою в новой город на Тару и, пришел на Тару, держать тот наряд в государеве казне для походу на Кучюма царя.

Да память воеводе ж князю Федору Борисовичю. Приехав им в новой город на Тару, пересмотрить и переискати у князя Ондрея у Елецкого, и у голов у Бориса у Доможирова и у Григорья у Елизарова, и у сотников стрелецких, и у всех детей боярских на их дворех Сибирские мяхкие всякие рухляди, приносных и поминочных и купленых соболей, и лисиц черных, и шуб собольих и бельих и горностальных, и бобров; а у ково что найдут, и тое все, рухляди переписати имянно, у ково что найдут, и запечатать своими печатьми. Да и служилыми и торговыми людьми всякими про то сыскать накрепко, у ково они какие рухляди купили, и сколько они мяхкие рухляди из Сибири живучи посылали к себе, и с кем имянем, и в котором году послали, да тот весь сыск и тое всее рухлядь и той рухляди роспись прислали ко государю царю и великому князю Федору Ивановичю всеа Русии к Москве с государевою казною вместе в Посольской в четвертной приказ к дьяку Василью Шелкалову.

ГАФКЭ, Сиб. прик., кн. № 11, лл. 3–8 об. Список XVII в. — Отсутствующие в нем «памяти» печатаются по списку XVII в. в Архиве Акад. Наук, ф. 21, оп. 4, № 15, л. 163, № 68.

Подготовил к публикации Сергей Татауров

.

44. Грамота хана Большой Орды Шейх-Ахмеда великому князю литовскому Александру (1492, 20 июля — 1494)

Брату нашому, великому князю Алекъсандру, от Ши Ахъмата цара поклон.

После поклона слово то есть.

Мы с вами еще от великого цара Батыя в братстве и в приязни живемъ. Ино тое братство з вашимъ отцомъ, Казимерем королемъ, нащ отец, Ахъмат царъ, межи собою поновили и добрыми послы межи собою сослали ся, и роки межи собою положили. На Ивана гневаючи ся, царъ нашъ всел на конь, а вашъ отец, король, на тот рок не пошол. Ино наши вланы и князи отцу нашому мовили: «Иванъ твои холопъ и королевъ естъ, ино король на тот рокъ не пошол с тобою, и ты верни ся». И възяли отца моего за повод и верънули. А потом на отца нашого божея се воля стала. И мы со старшим братом нашимъ, Сид Ихматомъ царем, покочевали к Днепру. А в то пору Довълеш солтан к нам пришол и, нас воземъши, на Мендли Кгирея, цара перекопъского, пошол, и мы несколько вланов его повоевали. А потомъ Сид Ихматъ цар на божею волю пошол, а я сам не моцонъ был, а въ том Довлешъ солтаново дело стало ся. Ино вы, жалованье свое делаючи для Здемира солтана, што быхмо, шедши на Мендли Кгирея, валчили, и до мене есте всказали. И я рад вельми со въсею волею своею, только по вас року жадаю, на которыи быхмо рокъ потягнули, на весну ль, чи ль на осень. Ино мне ся видит такъ: потягнути бы на них от очин, какъ они будутъ житя свои жати, а налепеи вы ведаете, как ся вам увидит. Сии слова упевниваючи, справедливе, тверъдо вмовляючи, своего любовного слугу, князя Объдулу Богатыра, к вамъ послали есмо, ино божим жалованьемъ нашо полное здоровье вашои светлои ясности узъявити, а вашо полное здоровье намъ отказати и въ томъ насъ узвеселити, какъ и перъво межи вашими и нашими отцы правъда и приязнь и братство бывало, а в томъ приятель бы радовал ся, а неприятель бы боял ся. На то з легьким поминъкомъ а с тяжъким поклономъ съ синимъ нишаном листъ писали есмо.

Великому князю Алекъсандру от Ши Ахмата цара поклон.

Ино наши предки з вашими предки братъство и приязнь мевали и полного здоровъя межи собою отъведывали. И мы по тому жъ противъ приятеля вашого хочемъ приятелем быти, а против неприятеля неприятелем, нехаи бы то приятель, слышавъши, радовал ся, а неприятель боял се. А послал есми до вашеи милости у гонъцох слугу своего и дьяка на имя князя Дану, ваше полное здоровъе отведывая. И ваша милость жалованье свое вделаете, бордзеи к нам его отпустите. На то с синим нышаномъ листъ послали есмо.

Великому князю Алекъсандру от Ши Ахмата цара поклон.