Хожение за три моря Афанасия Никитина 1466-1472 гг.

А от Кельбергу поидох до Курули{319}; а в Курули же родится ахик{320}; и ту его делають и на весь свет откудыва его розвозят; а в Курыли же алмазъников триста, сулях микунет{321}. И ту[83] бых 5 месяць, а оттуды же поидох Калики{322}, и ту же бозар велми велик; а оттуды поидох Конаберга{323}[84]; а от Канаберга поидох ших Аладину; а от ших Аладина поидох ка Аминдрие; а от Камендрея к Нарясу; а от Кынарясу к Сури{324}; а от Сури поидох к Дабили{325}, пристанище великого моря Индейского.

Дабыл же есть град велми велик, а х тому жь Дабили съежщается вся поморья /л. 391/ Индейскаа и Ефиопьскаа. И ту аканный и яз, рабище Афанасие, бога вышнего, творца небу и земли, възмыслихся по вере по христианьской, и по крещение Христове, и по говейнех святых отець устроеных и по заповедех апостольскых, и устремихся ум поити на Русь; внидох же в таву{326} и съговорих о налоне{327} корабленем, а от своея головы 2 золотых до Гурмыза града дати.

И внидох же в корабль из Дабыля града до Велика дни за 3 месяци, бесерьменьского говейна; идох же в таве по морю месяць, а не видах ничево; на другый же месяць увидех горы Ефиопскые{328}[85]. И ту людие вси въскличаша «олло бервогыдирь{329}, олло конъкар, бизим баши мудна насип болмышьти», а по-рускы языком молвят: «Боже государю, боже, боже вышний, царю небесный! Зде ли[86] нам судил еси погыбнути?»

И в той же земли Ефиопьской бых 5 дни, божиею благодатию зло ся не учинило, много раздаша брынцу, да перцу, да хлебы ефиопом, ины судна не пограбили.[87] А оттудова же[88] /л. 391 об./ поидох 12 дни до Мошьката{330}, и в Мошкате же шестый Великый день взях, и поидох до Гурмыза{331} 9 дни, и в Гурмызе бых 20 дни. И з Гурмыза поидох к Лари{332}, и бых 3 дни. Из Лари поидох к Ширязи{333} 12 дни, а в Ширязи бых 7 дни. А из Ширяза поидох к Верху{334}[89] 15, а в Вергу бых 10 дни. А из Вергу поидох к Езъди{335} 9 дни, а в Езди бых 8 дни. А из Езди поидох к Спагани{336} 5 дни, а в Спагани 6 дни. А ис Спагани[90] поидох Кашани{337}, а в Кашани бых 5 дни. А ис Кошани поидох к Куму{338}. А ис Кума поидох в Саву{339}. А ис Савы поидох в Султанию{340}. А ис Султании[91] поидох до Терьвиза{341}. А ис Тервиза поидох в орду[92] Асанбе{342}, в-ърде же бых 10 дни, ано пути нету никуды. А на Турьскав{343} послал рати своей 40 тысяч, ины Севасть{344} взяли, а Тохан{345} взяли да и пожьгли, Амасию{346} взяли, и много пограбили сел, да опошли на Караман{347} воюючи. И яз из орды пошел к /л. 392/ Арцицину{348}; а из Ръцана{349} пошел есми в Трепизон.

И в Трепизон{350} же приидох на Покров святыя богородица и приснодевыя Мария, и бых же в Трипизони 5 дни, и на карабль приидох и сговорих о налоне{351} дати золотой от своея головы до Кафы, а золото семи взял на харчь{352}[93], а дати в Кафе{353}. А в Трепизони же ми шубашь{354} да паша{355} много зла ми учиниша{356}, хлам мой весь к собе взнесли в город на гору{357}, да обыскало все[94]; а обыскывають грамот, что есми пришел из орды Асанъбега.

Божиею милостью приидох до третього моря до Чермного{358}, а парьсьискым языком дория Стимъбольскаа{359}. Идох же по морю ветром пять дни, и доидох до Вонады{360}; и ту нас стретил великый ветр полунощь, и възврати нас к Трипизону; и стояли есми в Платане{361}[95] 15 дни, ветру велику и злу бывпиу. И с Платаны есмя пошли на море двожды, п вйтр нас стречаеть злы, не дасть нам по морю ходитп; олло ак олло худо /л. 392 об./ перводегерь{362}, развее бо того иного бога не знаем. И море же преидох да занесе нас сык Балыкаее{363}, а оттудова Тъкъръзофу{364}, и ту стоали есмя 5 дни.

Божиею милостью придох в Кафе за 9 дни до Филипова зоговейна, олло перводигырь. Милостию же божиею преидох же три моря; дигырь худо доно, олло перводигирь доно, аминь{365}; смилна рахмам рагым, олло акберь{366}, акши худо илелло акши ходо, иса рухолло{367} заликсолом; олло акберь аилягяиля иллелло, олло перводигерь ахамду лилло шукур худо афатад; бисмилна гирахмам ррагым: хувомугулези ляиляга ильлягуя алимул гяиби вашагадити; хуарахману рагыму хувомогулязи ля иляга ильляхуя альмелику алакудосу асалому альмумину альмугамину альазизу альчебару альмутакан биру альхалику альбариюу альмусавирю алькафару алькахару альвахаду альрязаку альфатагу альалиму алькабизу альбасуту альхафизу алъррафию альмавифу альмузилю альсемию альвасирю альакаму альадьюлю альлятуфу{368}.

ЭТТЕРОВ СПИСОК XVI В.