Хожение за три моря Афанасия Никитина (другой перевод и текстологическая обработка)

А у бинедарскаго князя 300 слоновъ да 100 000 рати, а коней 50 000. Султан выѣхал из города Бедеря по Белице дни, а с ним выѣхало 26 во- зыревъ бесерменскихъ и индѣйских да двора его 100 000 рати конные, а 200 000 пѣших, да 300 слоновъ в доспѣсех з городки, да 100 лютых звѣрей о двою чѣпях. А з братомъ с султановым вышло двора его ⁶тысячь конных да 100 000 пѣших людей, да 100 слоновъ наряженых в доспѣсех. За Малханомъ вышло двора его 20 000 конных да пѣшихъ 60 000, да 20 слонов. 3 Бедерханом вышло двора его 30 000 конных да 100 000 пѣших, да слоновъ 25 нарядныхъ з городки. С султаномъ вышло 10 000 конных да пѣшихъ 20 000, да слонов 10 з городки. С Возырханом вышло 15 000 конных да 30 000 пѣших, да слоновъ 15 наряжены з городки. С Кутарханом вышло двора его 15 000 конныхъ да 40 000 пѣших, л. 420 да 10 слоновъ. Да со всякимъ возырем по 10 000 конных, II а пѣших по 20 000 и болши. А с ындѣйским авдоном вышло рати конныхъ 40 000, а пѣших 100 000, да 40 слоновъ в доспѣсех наряженых, да по 4 человѣки на слонѣ с пищалми. На индѣян же салтанъ опалился, что мало с ним и с воеырями вышло силы индѣйскыя ^а, и онъ прибавилъ. Такова есть сила султана индѣйскаго бесерменскаго ⁶.

В пятый же Великъ день взмыслился есмь на Русь. Изыдох же из Бедеря града за мѣсяцъ до улу багрима бесерменскаго ³Мамет дени росо- лялъ; а Велика дни християнскаго ^гне вѣдаю, говейно бо говѣхъ з бе- сермены и розговѣхся с ними. Великий день взяхъ в Келберху, от Бедеря 20 ковов.

Султан же пришелъ с ратными людми своими до меликтучара в 15 день по улу багрямѣ, а все Келбергу; и война ся имъ не удала, город единъ индѣйский взялъ, а людей и казны много изгибло. А индѣйской султанъ кадам ратию силенъ, зѣло много у него рати; а сидитъ в горѣ в Бичене

гирѣ, и град его велми великъ; около же его З ^дроги, и сквозѣ его рѣка течет, и едину страну его женгѣль злый, а з другую страну дол и мѣста чюдна и угодна велми, и пройти некуды ни на одну страну, сквозѣ град дорога, а града взяти нѣоткуды, пришла гора велика,да деберь зла ти- кенъ. И стояла рать под градом мѣсяцъ, и людей ⁶з голоду и з безводия погибло много, потому что на воду смотря, а взять нельзѣ. Град же взялъ индѣйский Меликъчанъ, а взялъ его силою, день и нощь бился, стоял под градом 20 дний, и рать ни пила, ни ѣла, и рати ^жизгибло 5000 люду добраго; а стоялъ с пушками и взял градъ, высѣкъ по головам 20 000, а другую 20 000 II полону взялъ, а иной полон продавал дешево, по 10, л. mоб. и по 5, и по 2 тенки; а казны не было ничево; а большаго града не взял.

А от Келберху поидохъ до Курули ^а; ту ⁶же родится ахикъ, и ту его дѣлаютъ на весь свѣтъ, и оттуду его розвозят. В Курыли же алмазниковъ 300 сулях микунѣтъ. Бых же тут 5 мѣсяцъ и поидох оттолѣ х Каликы®, ту есть базар велми великъ. А оттуду поидох до Канаберга, а оттуду к ших Аладину, и оттолѣ ка ^гАминдрие, а оттолѣ к Нарясу, оттуду же к Сури, а оттуду к Дабили, пристанищу великаго^ моря Индѣйскаго ⁶.

Ту был град великъ, и съѣзжается вся помория Индѣйская и Ефиоп- ская. И ту аз, окаянный Афонасие, призвав бога вышняго, творца небу и земли, и устремихся умом поитти на Русь; и внидох в таву, и зговорихъ о нал онѣ корабленем ^ж, от своея головы 2 золотых до Гурмыза града. Внидохом же в корабль в Дабыли граде до Велика дни за 3 мѣсяца бесер- менскаго ³говѣйна; а морем идох мѣсяцъ, и увидѣли ⁰горы ефиопъския.

И ту людие вси воскричаша и ^кглаголюще: «Боже вышний, царю небесный! Здѣ ли нам судилъ еси погибнути?»

И быхом в той земли ^лЕфиопской 5 дний, и божиею благодатию зло ся не учинило; много роздаша брынцу, да перцу, да хлѣбы ^мефиопомъ, и они судна не пограбили. Оттолѣ же вдохомъ 12 дний до Мошката; и ту в Мошкате 6-й Великъ день взяхъ. И вдохом до Гурмыза 9 дний, а в Гурмызѣ быхъ 20 дний. И оттолѣ поидох к Лари и бых 3 дни; и поидохъ к Ширязи, а из Ширяза поидох в Вергу, и ту бых 10 дний; а оттолѣ къ Езди, и" ту идох 9 дний, II а въ Ъзди бых 8 дний; и потом идох къ Испа- л, 42і гани 5 дний, и бых тутъ 6 дний; а оттолѣ идох до Кашани, и быхом 5 дний, а из Кашани вдохъ к Куму, а оттуду в Саву, а из Савы в Султанию, а оттуду в Тевриз. Оттуду же в Орду Асанбѣ, въ Ордѣ же бысть 10 дний, потому что никуды пути нѣтъ. А на Турскавъ посла рати ^асвоей 40 000; и они Севастъ, и Тоханъ, и Амасию взяли, и много селъ пограбили, да пошли на Караманъ, воюючи. И яз изъ Орды пошел къ Арцыцыну, а из Арцыцына пошел есми в Трапизонъ.

И ту взялъ Покровъ пресвятые Богородицы, и был 5 дний. И на корабль приидохъ и сговорих о нал онѣ дати золотой от меня доКафы. В Тра- пезоне же мнѣ шубашь да паша много зла учиниша: хлам мой весь взнесли к собѣ ⁶в город на ^вгору, да обыскали все; а обыскиваютъ грамотъ, что есми пришел из Орды Асанбѣга.

Божиею милостию приидохъ до 3 моря Чермнаго, а парсийским языком дория Стимболская ^г. Идохом же по морю вѣтром 5 дний и доидох до Во- нады. И ту нас встрѣтил вѣтръ великий полунощный и возвратил нас