Хожение за три моря

Мызамыллкъ, да Мекханъ, да Фаратханъ^е[1330], и тѣ взяли три городы великих, а с нимъ рати своей 100 000, да 50 слоновъ, да камени всякого^ж[1331] || дорогово много множество; покупали бо на меликтучара, и заповѣдал гостем не продати.

Султанъ выѣзжаетъ на потѣху во вторникъ^а[1332] да в четвергъ, а с ним выѣзжаютъ 3 возыри; а брат султанов в понедѣлникъ, а с нимъ такоже множество конных и пѣших урядно и слоны, велми чюдно выѣздъ ихъ въ утварех золотых.

Меликтучар выѣхал воевати индиян^б[1333] на память шиха Иладина, а по-русски^в[1334] на Покров святыя Богородица^г[1335]. А рати вышло^д[1336] с ним 50 000; а султанъ послал рати своей 50 000, да 3 возыри, а с ними 30 000 да 100 слоновъ пошло з городки в доспѣсех, а на всяком слонѣ по 4 человѣка с пищалми. Меликтучар пошелъ воевати Чюнедара, великое княжение индѣйское.

л. 420

А у бинедарскаго князя 300 слоновъ да 100 000 рати, а коней 50 000. Султан выѣхал из города Бедеря по Белице дни, а с ним выѣхало 26 возыревъ бесерменскихъ и индѣйских да двора его 100 000 рати конные, а 200 000 пѣших, да 300 слоновъ в доспѣсех з городки, да 100 лютых звѣрей о двою чѣпях. А з братомъ с султановым вышло двора его^е[1337] тысячь конных да 100 000 пѣших людей, да 100 слоновъ наряженых в доспѣсех. За Малханомъ вышло двора его 20 000 конных да пѣшихъ 60 000, да 20 слонов. 3 Бедерханом вышло двора его 30 000 конных да 100 000 пѣших, да слоновъ 25 нарядныхъ з городки. С султаномъ вышло 10 000 конных да пѣшихъ 20 000, да слонов 10 з городки. С Возырханом вышло 15 000 конных да 30 000 пѣших, да слоновъ 15 наряжены з городки. С Кутарханом вышло двора его 15 000 конныхъ да 40 000 пѣших, да 10 слоновъ. Да со всякимъ возырем по 10 000 конных, || а пѣших по 20 000 и болши. А с ындѣйским авдоном вышло рати конныхъ 40 000, а пѣших 100 000, да 40 слоновъ в доспѣсех наряженых, да по 4 человѣки на слонѣ с пищалми. На индѣян же салтанъ опалился, что мало с ним и с воеырями вышло силы индѣйскыя^а[1338], и онъ прибавилъ. Такова есть сила султана индѣйскаго бесерменскаго^б[1339].

В пятый же Великъ день взмыслился есмь на Русь. Изыдох же из Бедеря града за мѣсяцъ до улу багрима бесерменскаго^в[1340] Мамет дени росолялъ; а Велика дни християнскаго^г[1341] не вѣдаю, говейно бо говѣхъ з бесермены и розговѣхся с ними. Великий день взяхъ в Келберху, от Бедеря 20 ковов.

л. 420 об.

Султан же пришелъ с ратными людми своими до меликтучара в 15 день по улу багрямѣ, а все Келбергу; и война ся имъ не удала, город единъ индѣйский взялъ, а людей и казны много изгибло. А индѣйской султанъ кадам ратию силенъ, зѣло много у него рати; а сидитъ в горѣ в Биченегирѣ, и град его велми великъ; около же его 3^д[1342] роги, и сквозѣ его рѣка течет, и едину страну его женгѣль злый, а з другую страну дол и мѣста чюдна и угодна велми, и пройти некуды ни на одну страну, сквозѣ град дорога, а града взяти нѣоткуды, пришла гора велика, да деберь зла тикенъ. И стояла рать под градом мѣсяцъ, и людей^е[1343] з голоду и з безводия погибло много, потому что на воду смотря, а взять нельзѣ. Град же взялъ индѣйский Меликъчанъ, а взялъ его силою, день и нощь бился, стоял под градом 20 дний, и рать ни пила, ни ѣла, и рати^ж[1344] изгибло 5000 люду добраго; а стоялъ с пушками и взял градъ, высѣкъ по головам 20 000, а другую 20 000 ||полону взялъ, а иной полон продавал дешево, по 10 и по 5, и по 2 тенки; а казны не было ничево; а большаго града не взял.

А от Келберху поидохъ до Курули^а[1345]; ту^б[1346] же родится ахикъ, и ту его дѣлаютъ на весь свѣтъ, и оттуду его розвозят. В Курыли же алмазниковъ 300 сулях микунѣтъ. Бых же тут 5 мѣсяцъ и поидох оттолѣ х Каликы^в[1347], ту есть базар велми великъ. А оттуду поидох до Канаберга, а оттуду к ших Аладину, и оттолѣ ка^г[1348] Аминдрие, а оттолѣ к Нарясу, оттуду же к Сури, а оттуду к Дабили, пристанищу великаго^д[1349] моря Индѣйскаго^е[1350].

Ту был град великъ, и съѣзжается вся помория Индѣйская и Ефиопская. И ту аз, окаянный Афонасие, призвав бога вышняго, творца небу и земли, и устремихся умом поитти на Русь; и внидох в таву, и зговорихъ о нал онѣ корабленем^ж[1351], от своея головы 2 золотых до Гурмыза града. Внидохом же в корабль в Дабыли граде до Велика дни за 3 мѣсяца бесерменскаго^з[1352] говѣйна; а морем идох мѣсяцъ, и увидѣли^и[1353] горы ефиопъския. И ту людие вси воскричаша и^к[1354] глаголюще: «Боже вышний, царю небесный! Здѣ ли нам судилъ еси погибнути?»

л. 421