Первая Ливонская война, 1480–1481 годы. Документы

Vruntlike unses vormoges irbedinge stets vorscreven. Ersamen unde vorsichtigen leven vrunde unde gunre. Wu mennighande scade, ungelove, moye unde vorderff bynnen Lifflande geresen unde enstan ys buten unsen sculden, ys wol landtkundlich unde juwer aller leve doch den varenden manne untwievelafftich vorlutbaret unde leyder noch vor ogen, nicht angeszen, dat wy alle tyd to des lands beste deme werdigen orden syn gutwillich gewesen bynnen unde buten lands, deshalven noch geld noch gud noch moye schuwende unde sparende, umme deswillen, dat wy pawestliken gebaden, dar to wy vorpflichtet syn, uns warafftich transsumeret unde besegelt van deme erwerdigen vadere unde heren auditore der pawestliken camera, dar wy nicht vorby konen, to vormicende pawestliken ban unde de ewige vormalediginge, uns am sonavende des sondages vocem jocunditatis na rechtes forme benalet, cristliken horsam dhon unde uns nicht hebben willen uncristlick setten jegen gewunnen pawestlike affgespraken ordele Innocentii, Martini unde Sixti des vierden, nu dorch godlike vorsichticheyt wesende unde regirende. Ys uns unse meyster ungenedich unde to wedder geworden unde heft in veyligen rede syne hovetbussen unde bussenscutten laten kamen unde voren to water unde lande in nachtslapender tydt nicht upp de Russen den upped at slodt Rige, des syn huskumpthur twen uth unseme rade apenbar gesecht heft, he myr den bussen mennigen scalke in der stadt de mundt stoppen wolde, de unde andere syne bussen upp unse stadt gerichtet unde gelecht, stormcorve, bucke,scherme und bolwerke geslagen sunder sake, nicht jegen de Russen, den jegen unse stadt, de slote Rige, Dunemunde, Niemolen unde Kerckholm bemannet unde des werdigen ordens bure unde denere allenthalven laten her körnen na synen willen, dar to vorsamelinge unde malven gelecht, nicht upp de Russen, den uppe unde jegen unse stadt, des acht to hebbende uns van noden ys etc. Der puncte unde articule noch drepliker unde swarer, de veele to langk veilen to scrivende, uns unde deme varende copmanne sunder scult jegen Privilegien unde synes sulves segele unde breve van deme heren meystr unde den synen bejegent, late wy uppe dyt pasz anstan, wy en hebbens yo, dat men myt uns so varen szal, God kennet, an syner herlicheit nicht vordenet, unde у suns van herten leyd, de Russen villichte deshalven in eren vornemende gesterket werden buten unsen sculden; unde vor averval, szo vor ogen ys, late wy ock gelick unse here meyster int erste gedan heft upp den un sen, unse stadt myt bolwerken unde bussen bevesten. Ersamen leven vrunde unde holde gunre, angeszeen God, ere unde recht, willet den rechten nicht twivelende bival doen, szo wy des unde alles guden in sekerheyt vortrosten to juwer aller leve semplick unde besunderen, gudlick myt unsen ersamen unde wisen heren des rades to Lubic, dar wy sze ock denstlick, szo wy hogest scalen unde mögen, dorch unse scriffte umme bidden, willen vorfogen, nicht to stedende, deme heren meyster uns unde den juwen myt uns residerende to moye unde scaden ennich volk edder were mer den rede gescheen ys uth Lubic unde anderen by gelegen Steden hir inth landt to kamende umme des gemeynen besten willen etc. uns dunket yth gantzs vrommede, gy, leven vrunde, sodane volk myt juwen unde unsen guderen dorch de szee senden, der wy myt uppsate lichtlick mochten entvrommedet warden etc. des vruntlick biddende juwe vruntlike rechtige scrifftlicke unvortogerde antwerde yo er yo beter. Gade alle luckselichliken lange bevalen. Gegeven unde gescreven myt der hast under unseme secreto anno etc. 81 am avende sancti Laurencii.

Burgermeystere unde radmanne der stadt Rige.

79

Письмо городского совета Любека в Ревель с выражением опасения, что конфликт ливонского магистра с Ригой спровоцирует новое нападение русских; просят содействовать его урегулированию с помощью ливонских сословий. 11 августа 1481 года.

ТLА, ВВ 40 III, f. 7.

Аннот.: HR 3. Bd. 1. № 331.

Почтенным и разумным мужам, господам бургомистрам и ратманам Ревеля, нашим особенным, добрым друзьям.