Послание Климента, митрополита русского, написанное к смоленскому пресвитеру Фоме, истолкованное монахом Афанасием

Отсел, любимиче, отвта да не сотворяю ти, но на въпрос твое благоумие понужаю. Нсть ли лпо пытати потонку Божественых Писаний? Торчив блаженному Соломону, рекущу въ Притчах: «Аще утвердиши к нему око свое, никакоже сравнить ти ся».[2] Уже и Соломон, славы ища тако пишет? Или: «Премудрость созда себ храм и утверди седмь столпов».[3] А то, славы же ли ища, пишет? Се бо глаголеть Соломон «премудрость созда себ храм»: премудрость есть Божество, а храм — человечьство, аки во храм бо вселися въ плоть, юже приять от пречистыа владычица нашеа Богородица истинный нашъ Христос Богъ. А еже «утвердивъ 7 столпов» — сирч 7 соборов святых и богоносных наших отець.[4]

Что же пакы сего Соломона родивый: «яко благоволиша раби твои камение и персть его ущедрят».[5] Да о каменьи ли Бог Отецъ или о персти глаголеть, то коли ми велиши, любимиче, разумти камение ти персть? Се бо Богъ Отець о апостолхъ глаголет.

Аще ли почитаю Бытийскых книгъ боговидца Моисия: «Рече бо Господь Богъ: Се бысть Адам яко и мы и яко един от нас, и нын да не простеръ руку возмет от дрва жизни».[6] Ни ли того почитати тщеславиа ради? Се исперва лукавый враг диавол и человеконенавстникъ, не могий никакоже прельстити умна и словесна человека, Богомъ почьщена, но едину от скотъ земных обрте себ змию съсуд и ходатаицю и тою испустилъ живый глас въ уши Еввы, поушая ю на прострение рукы ко дрву разумному добру и злу и на вредное то вкушение. И виждь, кацми ти глаголы лстивыи поущает ю, и подвижет ю, и быстру творит на дло вкушениа. Глаголет бо к ней: «Аще снста от дрва, будета, яко Богъ, разумюща злу и добру».[7] Жена же, сущи акы немощна, посл жь мужьжа бывши, въ равеньство возвыситися хотящи Божеско, абие притече къ древу и вкуси скоро и мужеви дасть.[8] Нъ, увы и моей немощи, моя бо праддняя ми снста ми бо и нага быста![9]

И вижь, како ти лукавый уже отскочи, яко побду и натрыжненые улучивь, видя обнажены боготканыя одежда. По семь же пакы Господь, глагола къ Адаму: «Се Адам бысть яко единъ от нас»,[10] поруганиа ему образ дая, рекше: «Гд ти б съвтъ льстиваго диавола, рекшая ти: “Будета акы Богъ”, се уже не токмо нси яко аз, нъ и чьсти моея обнажился еси и смертную язву и суд приимеши, яко земля еси и в землю поидеши», и прочие.[11]

Что же ли мн, брате, Иаковъ и дв жен его, Лия и Рахаль,[12] иже тако почитати, а не искати по духу! Яко образ има Иаков, въ всх благ, якоже бо Богъ двоя люди им, израильтескыя и иже от языкъ, да убо израильтестии людие покров имаху на сердци, се же есть, о невр прилжаху, а еже от языкъ врною облежаху добротою, тако Иаков дв жен им, Лию убо въ образ израильтескых людий, тмь и очима болна б, понеже израильтестии людие покров имаху на сердци, и Рахиль, — иже от языкъ людие, того и красну блаженое Писание его глаголет, яко тм иже от языкъ людие врною добротою приспваху и, Спасу вровавше правдою, ис корене исторгоша лесть, образ же сему бяше Рахиль, того ради и отча идолы окраде.[13]

Что ми хромота Иаковля, еда печаль ми, аще храмлет! Иаков бояшеся Исава, брата своего. Дерза убо творя Богъ Иакова, брася с ним, яко «съ Богомъ укрпился еси, а съ человеком не можеши». Пакы же образ бяше Иаков Божиа Слова въплощению. Сего ради и стегну ему утерп,[14] понеже Божие естество крпчаи человеча естества бяше.

Что же ми Зарою и Фаресом! Но нуждюся и увдти прводн. Егда тщеславие и тои есть? Провозвщениа бо яже о Зар и Фарес, двоих людии: Форесъ убо — израильскых, Зара же — тх, ижо от языкъ. Того ради убо Зара прежде выложи руку, иже преже Закона житие показа. Преже бо Закона баху нции богочестиемъ облежаще, не по Закону, но по вр живуще. Червленаа же вервь — възвщение то баше преже Закона бывших жертвъ, яже сотвори Авель, Енох, Ной, Аврам. Тако оному руку въвлекшю, се же есть — оному отшедшу благочестиа, изыде Фаресъ.[15] Среда бо есть Закон тм же и бяше прежде Закона. Иже по Закон положим Лию, яко несовершену по благочестии рещи, и да како списатель, ясно пиша, рече: «Б мужь вазнив»?[16] Почти предлежащее речение и обрящеши истинну, рече бо: «и б Господь с нимъ».[17]