Православная энциклопедия

Молитвы на праздник Светлого Воскресения Христова – Пасху

Христос воскресе из мертвых, смертрию смерть поправ, и сущим во гробех живот даровав.

1. Воскресения день, просветимся, людие. Пасха, Господня Пасха! От смерти бо к жизни и от земли к небеси Христос Бог нас преведе, победную поющия.

2. Приидите, пиво Пием новое, не от камене неплодна чудодеемое, но нетления источник из гроба одождивша Христа, в Немже утверждаемся.

3. На божественней стражи Богоглаголивый Аввакум да станет с нами и покажет светоноса на ангела, ясно глаголюща: днесь спасение миру, яко вскресе Христос, яко всесилен.

4. Утренюем утреннюю глубоку, и вместо мира песнь приносим Владыце, и Христа узрим, правды Солнце, всем жизнь возсияюща.

5. Снизошел еси в преисподнея земли и сокрушил еси вереи вечныя, содержащия связаныя, Христе, и тридневен, яко от кита Иона, воскресл еси от гроба.

6. Аще и во гроб снизшел еси, Безсмертне, но адову разрушило силу, и воскресил еси яко Победитель, Христе Боже, женам мироносицам вещавый: радуйтеся! И Твоим апостолом мир даруяй, падшим подаяй воскресение.

7. Отроки от пещи избавивши, быв человек, страждет яко смертен, и страстию смертное в нетления облачит благолепие, един благословен отцев Бог и препрославен.

8. Сей нареченный и святый день, един суббот Царь и Господь, праздников праздник и торжество торжеств, в онь же благословим Христа во веки.

Ангел вопияше Благодатней: чистая Дево, радуйся! И паки реку: радуйся! Твой Сын воскресе тридневен от гроба, и мертвыя воздвигнувый: людие, веселитеся!

9. Светися, светися, новый Иерусалиме! Слава бо Господня на тебе возсия: ликуй ныне и веселисея, Сионе! Ты же, Чистая, красуйся, Богородице, о востании рождества Твоего!

Ексапостиларий

Плотию уснув яко мертв, Царю и Господи, тридневен воскресл еси, Адама воздвигл от тли и упразднив смерть. Пасха нетления, мира спасение.

Стихиры

Да воскреснет Бог, и расточатся врази Его.

Пасха священная нам днесь показася. Пасха новая, святая, Пасха таинственная, Пасха всечестная, Пасха Христос Избавитель, Пасха непорочная, Пасха великая, Пасха верных, Пасха двери райския нам отверзающая, Пасха всех освящающая верных!

Яко исчезает дым, да исчезнут.

Придиите от видения, жены благовестницы, и Сиону рцыте: примиите от нас радсти благовещения Воскресения Христова: красуйся, ликуй и радуйся, Иерусалиме, Царя Христа узрев, из гроба яко жениха происходяща!

Тако да погибнут грешницы от лица Божия, а праведницы да возвеселятся.

Мироносицы жены, утру глубоку, представша гробу Жизнодавца, обретоша ангела на камени седяща, и той провещав им, сице глаголаше: что ищете Живаго с мертвыми? что плачете Нетленнаго во тли? шедше проповедите учеником Его.

Сей день, егоже сотвори Господь, возрадуемся и возвеселимся в онь!

Пасха красная, Пасха, Господня Пасха! Пасха всечестная нам возсия! Пасха! радостию друг друга обымем! О Пасха! избовление скорби: ибо из гроба днеси яко от чертога возсияв Христос, жены радости исполни, глаголя: проповедите апостоло.

Слава Отцу и Сыну и Святому Духу, и ныне, и присно и во веки веков. Аминь.

Воскресения День, и просветимся торжеством, и друг друга обымеем! Рцем: братие! и ненавидящим нас простим вся воскресением и тако возопим: Христос воскресе из мертвых, смертию смерть поправ и сущим во гробех живот даровав.

Тропарь

Запечатану гробу, живот от гроба возсиял еси Христе Боже, и дверием заключенным, учеником прдстал еси, всех вскресение: дух правый теми обновляя нам, по велицей Твоей милости.

Кондак

Любопытною десницею, жизноподателъная Твоя ребра Фома испыта, Христе Боже: созаключенным бо дверем яко вшел еси, с прочими апостолами вопияше Тебе: Господь еси и Бог мой!

Тропарь, Глас 2

Егда снизшел еси к смерти, Животе Безсмертный, тогда ад умертвил еси блистанием Божества. Егда же и умершия от преисподних воскресил еси, вся силы небесныя взываху: Жизнодавче Христе Боже наш, слава Тебе.

Кондак, Глас 2

Радоватися мироносицам повелел еси, плачь праматере Евы утолил еси воскресением Твоим, Христе Боже, апостолом же Твоим проповедати повелел еси: Спас воскресе от гроба.

Кондак, Глас 3

Душу мою, Господи, во гресех всяческих, и безместными деяньми люте разслаблену, воздвигни Божественным Твоим предстательством, якоже и разслабленнаго воздвигл еси древле, да зову Ти спасаемы Щедрый, слава, Христе, державе Твоей.

Тропарь, Глас 8

Преполовившуся празднику, жаждущую душу мою благочестия напой водами, яко всем, Спасе, возопил еси: жаждай да грядет ко Мне и да пиет. Источниче жизни нашея, Христе Боже слава Тебе.

Кондак, Глас 4

Празднику законному преполовляющуся, всех Творче и Владыко, к предстоящим глаголал еси, Христе Боже: приидите и почерпите воду безсмертия. Темже Тебе припадаем, и верно вопием: щедроты Твоя даруй нам, Ты бо еси Источник жизни нашея.

Кондак, Глас 8

Верою пришедшая на кладязь самаряныня, видя Тя премудрости воду, еюже напоишася обильно, Царствие вышнее наследова вечно, яко приснославная.

Тропарь, Глас 8

Препрославлен еси, Христе Боже наш, светила на земли отцы наша основавый, и теми ко истенней вере вся ны наставивый, Многоблагоутробне, слава Тебе.

Кондак, Глас 8

Апостол проповедание, и отец догматы, Церкви едину веру запечатлеша, яже и ризу носящи истины, исткану от еже свыше богословия, исправляет и славит благочестия великое таинство.