Том 11 (XVI век, сочинения Ивана Грозного и Андрея Курбского)

Зла же гонения безлепа от мене не приялъ еси, и бедъ и напастей на тебе не подвигли есмя; а кое наказание малое бывало на тебе, ино то за твое преступление, понеже согласился еси с нашими изменники. А лжей и изменъ, ихже не сотворилъ еси, на тебя не взваживали есмя; а которые свои преступки делалъ, и мы по темъ твоимъ винамъ по томъ и наказание тебе чинили. Аще ты нашихъ опалъ, за множество ихъ, не можеши изрещи, како же убо вся вселенная исписати можетъ вашихъ изменъ и утеснений, земскихъ и особныхъ, еже вы злобесовскимъ умышлениемъ сотвористе на мя? (...) Злую же и непримирителную ненависть кою воздахомъ тебе? Видящи тя отовсюду от юности твоей и во дворении нашемъ, и в синклитстве, и до нынечния твоей измены всячески дышуще на пагубу нашу, и достойныхъ мукъ по твоему злоумию не воздахомъ. Се ли убо зло и непримирителная ненависть, еже видяще тя о главе нашей злая советующа и в какове приближении и чести и многоимстве держахомъ, выше отца твоего. Еже вси ведятъ, в какове чести и богатстве родители твои жили и како убо отецъ твой, князь Михайло, в каковемъ жаловании и в богатстве и чести былъ. Се вси ведятъ, како же пред нимъ ты и сколко у отца твоего началниковъ поселяномъ, колико же у тебя. Отецъ твой былъ князя Михайла Кубенского бояринъ, понеже онъ ему дядя,[159] ты же нашъ — мы тебя сие чести сподобихомъ. Се ли убо не доволно чести и имения и воздания? Всемъ еси былъ лутчи отца своего нашимъ жалованиемъ, а храброваниемъ его хуждьши еси, изменою прешелъ еси. И аще таковъ еси, почему недоволенъ еси? Се ли убо твое благое возлюбление, еже повсегда сети и претыкания намъ поляцалъ еси, конечнее же подобно Иуде на пагубу нашу поучался еси?

И аще кровь твоя, пролитая от иноплеменныхъ за насъ, по твоему безумию, вопиетъ на насъ к Богу, и еже убо не от насъ пролитая, темъ же убо смеху подлежитъ сия; еже убо от иного пролитая и на иного вопиетъ, паче же и должная отечеству сие совершилъ еси, аще бы сего не сотворил еси, то не бы еси былъ християнинъ, но варваръ; и сие к намъ неприлично. Колми же паче наша кровь на васъ вопиетъ к Богу, от васъ самехъ пролитая: не ранами же, ниже кровными потоки, но многими поты, и трудовъ множества от васъ прияхъ и отягчения безлепа, яко по премногу от васъ отяготихомся паче силы! От многаго вашего озлобления и оскорбления и утеснения, вместо крови, много излияшася нашихъ слезъ и воздыхания и стенания сердечная, и от сего бо пречреслие прияхъ, еже убо и конечному люблению не сподобисте мя, еже о царице нашей и о чадехъ нашихъ не поскорбесте со мною. Се убо все на вы вопиетъ к Богу моему; паче вашего безумия, понеже убо иное за православие пролияли есте кровь свою, ина же, желая чести и богатства. И сие убо Богови неприятно есть; паче же удавлению вменяется, еже славы ради умрети. Мое же утеснение — вместо крови пролитыя от васъ самехъ прияхъ всякое оскорбление и озлобление, еже вашимъ злымъ сеяниемъ оскорбления строптиваго жития не престанетъ, се убо наипаче на васъ безпрестани вопиетъ къ Богу! Совесть же свою испыталъ еси не истинно, но лестно, сего ради истинны не обрелъ еси, понеже о единомъ войсце испыталъ еси, а еже убо о нашей главе твоего нечестия, се презрелъ еси; по сему мнишся и неповиненъ быти.

«Победы же пресветлые и одоление преславное» когда сотворилъ еси? Егда убо послахомъ тя въ свою вотчину, в Казань, непослушныхъ намъ повинити,[160] ты же, в повинныхъ место, неповинныхъ к намъ привелъ еси, измену на нихъ возложа, а на нихже послахомъ тя, никоегоже имъ зла сотворилъ еси. Егда же в нашу вотчину, на Тулу, недругъ нашъ приходилъ, крымской царь,[161] и мы тогда васъ послахомъ, оному же устрашившуся и во своя возвратившуся, воеводамъ же его, Ак-магметъ-улану не со многими людми оставшуся; вы же поехасте ясти и пити к воеводе нашему, ко князю Григорию Темкину, и едши, поидосте за ними, они же от васъ отоидоша здравы. Аще убо вы раны многи претерпесте, но обаче победы благи никоеяже сотвористе. Како же убо под градомъ нашимъ Невлемъ пятьюнадесятъ тысящъ четырехъ тысящъ не могосте побити,[162] и не токмо убо победисте, но и сами от нихъ язвлени едва возвратистеся, симъ ничтоже успевшимъ? Се ли убо пресветлая победа и одоление преславно и похвално и честно? Иная же убо не твоей власти бяху — сия убо тебе на похвалу и не вписуется!