Том 11 (XVI век, сочинения Ивана Грозного и Андрея Курбского)

А повесть ону прочтох, глаголему Никодимову.[1033] И не суть от пророк умолчанна, ото апостолъ не слышано, еуаглистом сопротивну, от учитель вселенских во сведительство не приемлемо. А слышах от Езекеиля колесницу четырьма колы составлену, скрыпение колес ея гелгел,[1034] глас испущающи. А навыкох от Давида во Псалмех[1035] о колеснице же оной предглаголемо, на нейже тмами тем верных седяще, к небесным обителем тысящами учитель правима. И по летех предреченная, збысться сия колесница, четырьмя художники предивное составленна, паче же от божествена параклита укреплена. Аще и в различных местех и градех кола составляемы, но по всему равное согласие имуща, яко от самого Бога и от гор небесных на землю пущаема. И от ея звука вселенная потрясеся, демони разбегошася, идоли изтребишася, нечестия исчезоша, велиар[1036] посрамися, истинна проповедася, трисияннаго Божества разум в конца вселенныя водрузися, человеки аггеломъ подобни быша, небеси земля образна явися. От гласа глаголъ ея предивнаго царие умолкоша, и на уста персты положиша, и наруганному и оплеванному, и разпятому нас ради сильныя и владеющая землями с радостию усердне вероваша, и со страхом и с трепятом поклонишася, а не Корсурова ради почтения и по плату ступание.[1037] Довольно, мню, четыре кола[1038] небесному восхождению, не надобе пятое. «И не суть то речи и словеса, иже не слыхали гласи их. Есть то речи и словеса, иже во всю землю изыдоша вещания их и в конца вселенныя глаголы их».

По премногой чести и по вверении ключ небесных от Христа Петръ привеликий верою зелне взущен бысть, яко и Сатана поречен,[1039] пререцающе поношение и безчестие, и смерть Господню. А от хотящего народа поставити его царемъ Господь мой отходит[1040]: паче же бы во время самыя страсти сего отвратился, аще от некоих и почтен бы был.

Но воистинну лож есть сие писание и неправда, и от некоего неискусна и лукава написана. А се лжеплетение и прежде аз видах, полским языком написана. Смотри сам со прилежанием сего суесловия: не токмо хватая Священная во свидетельство словесем своим развращене полагает, но и во множайших, и межи собя сопротивная и неслыханная глаголетъ. А о нощи страстей Христовых и о спасенной муке всей зри со опасением во благовестие Матфееве. Аще ли будет где сокращенно, и ты в Марке и Луке, и во благовестие Громова Сына,[1041] последи мало не всю повесть о наветех и бранех жидовских со Христомъ написавше, и тремя неявленная возвестивше. Якоже и Хрисостомос сказает.

Не прогневайся, молюся вамъ, по кротости[1042] святаго отца и твоей любви. От худаго ума и дебелаго сердца дерзнух написати сия, яко воистинну къ премудрым отцемъ по слове сына Вирсавиина и правнука Седекова.[1043] Аще и бритостны ти строки сия явится, и ты раздери и огню предай их. И всяк разумеваяй разумеет, яко же хощет, в настоящем. А уклоняющихся в развращенная[1044] поведет Господь с творящими безаконие. И не буди се, Господи, всем православным, паче же очиствованных и премудрых жительству подобящеся. Аминь.

А хотех и иная повести сея слогни ложная обличити, но устыдехся и сопрятохся высоты ради преподобныя и светлости отца и твоей ради честности и святыни. И можете попремногу паче нас разумети, обращаяся в воинъстве безтелесных, искушати седмерицею словеса, паче миролюбцев. И многажды много вамъ челом бью, помолитеся обо мне, окаянном, понеже паки напасти и беды от Вавилова на нас кипети многи начинают.

Зри в концы писания сего, что глаголет, слыша бо о себе благочестивый сей муж наветы и умышления великого князя, еже хотяще убити, и сего ради сице пишет, и помышляше, како бы избегнути неправеднаго убиения.[1045]

ПЕРЕВОД

ПОСЛАНИЕ КНЯЗЯ АНДРЕЯ КУРБСКОГО В ПЕЧЕРСКИЙ МОНАСТЫРЬ К НЕКОЕМУ СТАРЦУ ОБ ОТРЕЧЕННЫХ ПИСАНИЯХ, «КОТОРЫЕ ВСТРЕЧАЮТСЯ СРЕДИ БОЖЕСТВЕННЫХ ПИСАНИЙ»

Подобному бесплотным ангелам, искуснейшему среди равных радоваться.

Уже просмотрел я некоторые слова из книги Рай, которая встречается в Божьих церквях и послана ко мне вашей святостью, и думаю, что это название даже не вполне достаточно, потому что она не только уподоблена небесной красоте, но и украшена различными прекраснейшими словами, и укреплена священными догматами.