Том 11 (XVI век, сочинения Ивана Грозного и Андрея Курбского)

О беда! О горе! Еще и горшее слышахъ, глаголющыхъ ихъ: «Не треба, — рече, — ниевозможно ныне по евангельскому закону жыти, бо ныне родъ человеческий слабъ есть». Аки бы рекли: «Треба намъ легчайшый законодавецъ, нежели Христосъ». А сего ради, и не хотяще, принуждаются согласовати Антихристу — слабому[1284] законодавцу, и того повиноватися закону широкому и пространному, а не Христову, тесному и прискорбному. И, претворя образъ во дряхлость смирения лицемернаго, глаголют: «Дай, рече, имения къ монастырю, а сего ради муки вечные избудешь». И иные таковые басни, якобы пияныхъ бабъ, смеху достойные, слышахъ. А того ради не подобаетъ таковымъ прелесникомъ внимати, и о таковыхъ бо Златоустый въ беседе 23 толкований своихъ, еже от Матфея, глаголетъ: «Внемлите же! — рече. — Отъ лживыхъ пророковъ приидутъ бо къ вамъ во одеждахъ овчихъ, внутрь же суть волцы хищныцы. Се, со псы и со свиньями ныне видъ ловления, и наветъ онъ много лютейшь онаго. Овыи бо (сиречь псы и свиньи) исповедуеми и явствени, сии же прикровенни». Темъ же и онехъ убо отлучатися повелелъ, сихъ же разсмотряти со опасениемъ, понеже невозможно есть отъ перваго ихъ уведети прихождения, лицемерия ихъ ради. Того ради реклъ: «Внемлите!» И паки мало ниже, полагающе ихъ горше, нежели псов и свиней, сице глаголетъ: «Не токмо свиней хранитися и псовъ подобаетъ, но съ сими и другаго лукавнейшаго рода сего, еже есть волковъ».

А того ради, яко рехом,[1285] прилежати намъ подобаетъ трудолюбне ко прочитанию Священных Писаний, послушающе паче Христа и святыхъ его, яко Павелъ советуетъ Фимофею[1286] внимати чтению и учению, нежели оныхъ глупства предреченныхъ волковъ. И не токмо священнымъ, но и внешнымъ учитися потщимся, яко Григорий Богословъ во слове глаголетъ, еже писалъ о нищелюбию,[1287] сице глаголюще: «Но и внешное, егоже мнози отъ христианъ отплеваютъ, аки наветно и пакостно, и отъ Бога далече мечуще, зле ведяще», и прочая. И по малехъ: «Сице убо, сихъ, елико взыскательно же и зрительно — приемлемъ, а елико ко бесомъ приводитъ и въ прелесть, въ пагубы глубину — отвергохомъ». И по малехъ: «Не укорно убо наказание внешьное, зане сице мнится некимъ, но ненаказанныхъ и лукавыхъ мнение (рекше, неискусныхъ и лихорадныхъ, иже хотятъ всемъ быти по нихъ самыхъ, до во общине ихъ злость крыется, и наказанию своему обличителей избегаютъ». Сие Григорий. Се, слышите, возлюбленные, ижъ многажды того ради Писаний возбраняютъ намъ читати и навыкати внешныхъ, иже бы прелесть ихъ самыхъ не открылася и всемъ явственна не была, еюже незлобивыхъ души прельщаютъ, сопротивъ евангельскаго закона и святыхъ седмостолпныхъ правилъ ходяще, и по своему самочинию живуще, ризами точию украшающеся, а не делы, яко словеса глаголютъ: «Сами не входятъ, и хотящимъ внити возбраняютъ», и царемъ, и властителемъ угождающе ласкательнми слухи.

Кътому да будетъ сие вам ведомо: еще не будемъ со прилежаниемъ прочитати и учитися, не будемъ учителей нашыхъ книгъ и разумети, ибо они были мудры и искусны, мудре и прекрасне, подъ мерами и чины грамотическими и риторскими, философскимъ обычаемъ писали. И якобы градъ твердый на превысочайшей горе, догматы благочестия намъ оставили со бещисленными различными обронении, сиречь, непреодолимыми свидетельствы, яко с пращами огнистыми направили и яко луки крепкие, и стрелы въ тулехъ готовые положили, и уготовали писания свои, по потребастеехъ таковыхъ кому действовати и стреляти.

Чего жъ ради мы боимся и ленимся уже уготованнымъ действовати? Того ради, ижь есмя глупы и неискусны, а кътому ленивы и гнюсны, и потакаемъ, и слухаемъ паче таковыхъ предреченныхъ учителей, и того ради избираемъ ихъ на власти духовные, ижь ласкательными намъ слухи человекоугодне во всемъ согласуютъ и ни въ чесомъже насъ обличаютъ,[1288] а ни исправляти умеютъ, аще въ чемъ совращаемъся и заблужаемъ от пути Господня. А того деля и царства[1289] многие христианские уже погибли, а иные погибаютъ. А въ которыхъ царствахъ Священные Писания прилежне прочитаеми бываютъ и искуствамъ философскимъ навыкаютъ, те и ныне за благодатию Христовою непоколеблемы стоятъ. И не токмо сами стоятъ вцеле, но и многие краины поседаютъ и границы свои далечайше разширяютъ, ажь до конецъ вселенные подо власти послушенствъ своихъ покоряютъ, и злата, и сребра, и драгоценнаго камения многие корысти бещисленные обретаютъ. И что еще кътому наилепшаго и напохвалнейшаго — людъ глубокихъ варваровъ, подобию зверей дубравныхъ живущихъ, ко богопознанию приводятъ трисияннаго Божества и святымъ крещениемъ просвещаютъ. А иже бы не виделося намъ сие празно глаголати, да прочтется книга, глаголемая «Кроника о новом свете»,[1290] яко короли шпанский и португальский, недавными леты во Индие многие земли подъ свои власти покорили, и научивъ ихъ христианскимъ обычаемъ, и святымъ крещениемъ просветили.