Том 18 (XVII век, силлабическая поэзия)

Показавши измену мира сего лестну
Тебе, слышателеви нашему пречестну,
За любовныя слухи[1885] всем благодарствуем,
Такожде нарожденным Христом приветствуем!
Здрав и благополучен да долгоденствуешь,
Потом вечно на небе с ним же да царствуешь.
Все едиными усты и сердцы желаем,
Простете согрешивших в действе, умоляем!

<ИНТЕРМЕДИИ> {94}

МЕЖДОСРЕДИЕ 1

О пияницы

Благий обычай у честных бывает,
Кто болши любит, болши испивает
О господина здравии своего,
Нежели и души своей за него.
Такову любовь аз хощу явити,
О твоем здравии сию чашу пити.

Блудный речет

О мой любезный, како ти воздати,
И слово твое мило мне слышати.
На сто червоных в чашу пологают,
Аще испиеш, тебе ся отдают.
Но, мой любезный, потщися испити,
Радости сердцу моему приложити.

Пианица

Здрав, господине, буди многа лета,
Испию до дна ради тебе, света.

Та чаша первие наполнена будет яве, а потом тайно источиться, юже он подъем праздну[1886], аки испиет. Потом взем денги повалится и рече Блудный

Возмите его, спати отведите,
Да целы будут златницы, блюдите.

Слуги возмут пианого и на сторону положат, он начнет аки умирати. Придет демон, возмет душу и отнесет во ад. А слуга един посмотрев мертваго, бежит к Блудному и речет

Честный господине, брат наш умирает,
Напився сладце, душу изрыгает.

Блудный

Земля велика, есть где сохранити,
Испил сто златниц, мощно гроб купити.

Собеседник к тому слузе речет

Слушай, мой брате, шед погреби тело,
Мы с господином поседим весело.

Той слуга поидет, а они далей веселятся.

МЕЖДОСРЕДИЕ 2