Житие протопопа Аввакума, им самим написанное

Он же Дионисий пишет о небесныхъ силах, возвщая, како хвалу приносят Богу раздляяся деветь чинов на три троицы¹⁸. Престоли, херувими и серафими, освящение от Бога приемля, сице восклицают: «Благословена слава от мста Господня!» И чрез ихъ преходит освящение на вторую троицу, еже есть господьства, начала, власти. Сия троица, славословя Бога, восклицаютъ: «Аллилуия, аллилуия, аллилуия!» По алъфавиту, «аль» – Отцу, «иль» – Сыну, «уия» – Духу Святому. Григорий Низский толкует: «Аллилуия – хвала Богу». А Василий Великий пишет: «Аллилуия – ангельская рчь, человчески рещи: слава тб, Боже»¹⁹. До Василия пояху во церкви ангельския рчи: «Аллилуия, аллилуия, аллилуия!» Егда же бысть Василий, и повел пти дв ангельския рчи, а третьюю – человческую, сице: «Аллилуия, аллилуия, слава теб, Боже!» У святых согласно, у Дионисия и у Василия: трижды воспвающе, со ангелы славим Бога, а не четырежи по римской бляди. Мерско Богу четверичное воспвание сицевое: «Аллилуия, аллилуия, аллилуия, слава теб, Боже». Да будет проклят сице поюще, с Никоном и с костелом римским!

Паки на первое возвратимся. Третьяя троица: силы, архангели, ангели, чрез среднюю троицу освящение приемля, поют: «Святъ, святъ, святъ Господь Саваофъ, исполнь небо и земля славы его!»²⁰. Зри: тричислено и се воспвание. Пространно Прчистая Богородица протолковала о аллилуии, явилась Василию, ученику Ефросина Псковскаго²¹. Велика во «аллилуии» хвала Богу, а от зломудръствующих досада велика, – по-римски Троицу Святую в четверицу глаголютъ, Духу и от Сына исхождение являютъ²². Зло и проклято се мудрование Богом и святыми! Правоврных избави, Боже, сего начинания злаго о Христ Исус, Господ нашем, емуже слава нын и присно и во вки вком. Аминь.

Афонасий Великий рече: «Иже хощетъ спастися, прежде всхъ подобаетъ ему держати кафолическая вра, еяже аще кто целы и непорочны не соблюдает, кром всякаго недоумния, во вки погибнетъ. Вра же кафолическая сия есть: да единаго Бога в Троиц и Троицу во единице почитаем, ниже сливающе составы, ниже существо раздляюще. Инъ бо есть составъ Отечь, инъ – Сыновей, инъ – Святаго Духа. Но Отчее, и Сыновнее, и Святаго Духа едино Божество, равна слава, соприсносущно величество. Яковъ Отецъ, таковъ Сынъ, таковъ и Духъ Святый». Вченъ Отецъ, вченъ Сынъ, вченъ и Духъ Святый. Не созданъ Отецъ, не созданъ Сынъ, не создан и Духъ Святый. Богъ – Отецъ, Богъ – Сынъ, Богъ – и Духъ Святый. Не три Бози, но един Богъ, не три Несозданнии, но един Несозданный. Равн: Вседержитель – Отецъ, Вседержитель – Сынъ, Вседержитель – и Духъ Святый. По-добн: Непостижимъ Отецъ, Непостижим Сынъ, Непостижим и Духъ Святый. Не три Вседержители, но единъ Вседержитель, един Непостижимый. «И в сей Святй Троице ничто-же первое или послднее, ничтоже более или мне, но цлы три составы и соприсносущны суть себ и равны»²³. «Особно бо есть Отцу нерождение, Сыну же – рождение, а Духу Святому – исхождение, обще же им Божество и Царство»²⁴.

Нужно бо есть побесдовати и о вочеловчении Бога Слова к вашему спасению. За благость щедрот излия себе от отеческих ндр Сынъ, Слово Божие, в Дву чисту богоотроковицу, егда время наставало, и воплотився от Духа Свята и Марии двы вочеловчився, нас ради пострадал, и воскресе в третий день, и на небо вознесеся, и сде одесную Величествия на высоких, и хощет паки приити судити и воздати комуждо по длом его, его же Царствию нсть конца.

И сие смотрение в Боз бысть прежде, да же не создатися Адаму; прежде, да же не вообразитися. Рече Отец Сынови: «Сотворим человка по образу нашему и по подобию». И отвща другий: «‘Сотворим, Отче, и преступит бо». И паки рече: «О, единородный мой! О, свте мой! О, Сын и Слове! О, сияние славы моея! Аще промышляеши созданием своим, подобает ти облещися в тлимаго человка, подобает ти по земли ходити, апостолы восприяти, пострадати и вся совершити». И отвща другий: «Буди, Отче, воля твоя!» Посем создася Адам, и прочая. Аще хощеши пространно разумти, чти «Маргарит», «Слово о вочеловчении»²⁵. тамо обращеніи. Аз кратко помянул, смотрение показуя. Сице всяк вруяй во нь не постыдится, а не вруяй осужден будет и во вки погибнет, по вышереченному Афонасию.

Сице аз, протопоп Аввакумъ, врую, сице исповдаю, с симъ живу и умираю.

Рождение же мое в нижегороцкихъ предлех, за Кудмою рекою, в сел Григоров²⁶. Отецъ ми бысть священникъ Петръ²⁷, мати – Мария, инока Марфа. Отецъ мой прилжаше пития хмельнова, мати же моя постница и молитвеница бысть, всегда учаше мя страху Божию. Аз же, нкогда видвъ у сосда скотину умершу, в той нощи, воставше, предъ образом плакався довольно о душе своей, поминая смерть, яко и мн умереть, и с тхъ мстъ обыкох по вся нощи молитися.

Потом мати моя овдовла, а я осиротлъ молод, и от своих соплеменник во изгнании быхом.