Губернскі дэтэктыў. Справа аб крывавых дукатах

..... .................. ........ ............. ........ ..... .................. ........ ............. ........, ..... .................. ........ ............. ........, ..... .................. ........ ............. ........ ..... .................. ........ ............. ........ ..... .................. ........ ............. ........ . Анд.... Ві.......... ..... .................. ........ ............. ........, ..... .................. ........ ............. ........: ..... .................. ........ ............. ........ ..... .................. ........ ............. ........ . ..... .................. ........ ............. ........ ..рца ..... .................. ........ ............. ........, ..... .................. ........ ............. ........ . ..... .................. ........ ............. ........ ..... .................. ........ ............. ........ ..... .................. ........ ............. ........, ..... .................. ........ ............. ........ . ..... .................. ........ ............. ........: ..... .................. ........ ............. ........, ..... .................. ........ ............. ........ ..... .................. ........ ............. ......... ..... .................. ........ ............. ........ ..... .................. ........ ............. ........ ..... .................. ........ ............. ........ fee..ngs[112] ..... .................. ........ ............. ........ . ..... .................. ........ ............. ........ ..... .................. ........ ............. ......... .

НЕКАЛЬКІ НАСТУПНЫХ ЗАПІСАЎ ТАКСАМА ДБАЙНЫМ ЧЫНАМ ВЫКРАСЛЕНЫЯ І НЕ ПАДЛЯГАЮЦЬ РАСШЫФРОЎЦЫ, ДАЛЕЙ ЗАЎВАЖНЫЯ СЛЯДЫ ВЫДРАНЫХ СТАРОНАК.

* * *

Велькі, 17 верасня 1875 года, чацвер.

Вось так нехта выштукоўвае дзеля шчасця фабрыкаваны скарб, а нехта – фабрыкуе ўласна каханне. Аднак здараюцца і шчырыя рухі сэрца, што ініцыююць супаданне душаў. Ці ж не з’яўляецца ў такім выпадку каханне скарбам? А таксама ці могуць гэтыя дзве катэгорыі ўзаемна замяняць адна адну? Па шчырасці, я б зараз не адмовілася знайсці Файнава золата, каб толькі атрымалася праз гэта ў сына яго здзейсніць іншае намаганне ды быць нарэшце з adorable[113] Рахель. Ды дзе шукаць? Да таго ж мяне трохі бянтэжыць тое, наколькі ўсё ў жыцці адносна. Розныя людзі будуць адрозна меркаваць пра адно і тое ж здарэнне. Атрымліваецца, фактаў не існуе ды ўсё залежыць ад нашых вытлумачэнняў? Цікава, раней пра гэта хтось пісаў?

ДАЛЕЙ ЗА ГЭТАЙ ЖА ДАТАЙ ТРЫ СТАРОНКІ ШЧЫЛЬНА СПІСАНЫЯ АДНАСТАЙНЫМІ ФРАЗАМІ З НЯЗНАЧНЫМІ ВАРЫЯЦЫЯМІ, НАЙБОЛЬШ ЧАСТА ЎЖЫВАЮЦЦА СЛОВЫ «ДУКАТ» І «КРЫВАВЫ», А ТАКСАМА ВЫТВОРНЫЯ АД ІХ.

* * *

УКЛАДЗЕНА ПАМІЖ СТАРОНАК ЖУРНАЛУ.

20 верасня, Менск.

Літасцівы спадар Канстанцін Мікалаевіч!

Выбачэнні вашыя з усёй шчырасцю прымаю, але ж мушу адзначыць, што ніякай крыўды на вас не трымаю і трымаць не магу, а таксама не магу сабе дазволіць і вінаваціць хаця б у чымсьці панну Пракшыну праз зразумелы Вам збег акалічнасцяў. Вядома ж, разуменне справы гонару па-за межамі ўражлівай натуры, уласцівай маладым жанчынам, але ж каб я быў чалавекам цалкам чужым і меркаваў з выключна халоднай галавой, я б ніколі і думаць не смеў бы, што меўся ў яе на мэце намер мяне пакрыўдзіць. Але ж стойваць не буду: сэрцу майму балюча.

Збіраюся ад заўтра пакінуць Менск, выпраўляюся ў Вільню, а далей, хутчэй за ўсё, рушу на неазначаны тэрмін у Эўропу – трэба паправіць некаторыя справы, якія за апошнім часам заставаліся без належнага дагляду.