Изборник. Памятники литературы Древней Руси

В лто 6553. Заложи Володимиръ святую Софью в Новгород.

В лто 6554. В се же лто бысть тишина велика.

В лто 6555. Ярославъ иде на мазовшаны, и побди я, и князя ихъ уби Моислава, и покори я Казимеру.

В лто 6556. В лто 6557.

В лто 6558. Преставися жена Ярославля княгини февраля вь 10.[359]

В лто 6559. Постави Ярославъ Лариона митрополитомъ Руси въ святй Софьи, собравъ епископы.[360]

И се да скажемъ, чего ради прозвася Печерьскый манастырь.

Боголюбивому князю Ярославу любяще Берестовое и церковь ту сущую Святыхъ апостолъ и попы многы набдящю, и в них же б прозвутерь, именемь Ларионъ, мужь благъ, и книженъ и постникъ, и хожаше с Берестового на Дьнпръ, на холмъ, кде нын ветхый манастырь Печерьскый, и ту молитвы творяше, б бо лсъ ту великъ. Иськопа ту печеръку малу, 2-саженю, и приходя с Берестового, отпеваше часы и моляшеся ту Богу втайн. Посем же возложи Богъ князю въ сердце, и постави его митрополитомъ святй Софьи, а си печерка тако ста. И не по мнозхъ днхъ б нкий человкъ, именемь мирьскимь,[361] от града Любча; и вьзложи сему Богъ в сердце вь страну ити. Онъ же устремися вь Святую Гору[362] ити. И вид манастыря сущая ту, и вьзлюби чернцьскый образъ, и приде вь единъ манастырь от сущихъ ту манастыревъ, и моли игумена того, дабы на нь възложилъ образъ мнишьскый. И онъ же, послушавъ его, постриже его и нарче имя ему Аньтоний, и наказавъ его и научивъ его чернцкому образу, и рече ему: «Да иди опять вь Русь, и буди благословение от Святыя Горы, и мнози от тебе чернорисци будуть». И благослови его, отпусти, рекъ ему: «Иди сь миромъ». Антоний же приде Кыеву и мышляше, кд жити; и походи по манастыремь и не возлюби, Богу не хотящу. И поча ходити по дебремь и по горамъ, ища, кде бы ему Богъ показалъ. И приде на холмъ, идеже б Ларионъ печеру ископалъ, и вьзлюби мьстьце се и вселися во нь, и нача молитися Богу со слезами, глаголя: «Господи! Утверди мя в мстьц семь, и да будеть на мстьци семь благословение Святые Горы и моего игумена, иже мя постриглъ». И поча жити ту, моля Бога, яды хлбъ сухий и того чересъ день, и воды в мру вкушая, и копая печеру, и не дадя соб покоя ни день, ни нощь, вь трудхъ пребывая, вь бьдни и вь молитвахъ. По сем же уведавше добри человц и приходяху к нему, приносяще ему на потребу. И прослу же <…> великий Антоний, и приходяще к нему, просяху от него благословения. По сем же, преставлешюся великому кьнязю Ярославу, и прия власть его сынъ Изяславъ и сде Кыев. Антоний же прославленъ бысть в Руской земли. Изяславъ же, увдавъ житие его, и приде с дружиною своею, прося у него благословения и молитвы. И увданъ бысть всими великий Антоний и честимъ, и начаша приходити к нему братья, и нача приимати и постригати я, и собрашася братья к нему яко числомъ 12, иськопаша печеру велику, и церковь, и клья, яже суть и до сего дни в печер подъ ветхымъ манастыремь.

Совокуплени же братьи, рече имъ Антоний: «Се Богъ васъ съвокупи, братье, от благословения есте Святыя Горы, иже постриже мене игуменъ Святыя Горы, а я васъ постригалъ; да буди на васъ благословение первое от Бога, а второе от Святыя Горы». И се рекъ имъ <…>: «Живете о соб, поставлю вы игумена, и самъ хощю вь ину гору ссти одинъ, якоже и преже бяхъ обыклъ, уединився». И постави имъ игумена именемь Варламъ, а самъ иде в гору, ископа печеру, яже есть под новымъ манастыремь, в ней же и сконча животъ свой, живъ вь добродтели и не выходя ис печеры лт 40 николиже никаможе,[363] в нейже лежать мощи его и до сего дни. Братья же и игуменъ живяху в печер. И умножившимся братьи и не могущимъ имъ вмститися в печеру, и помыслиша поставити вн печеры манастырь. И приде игуменъ и братья ко Аньтонию и рекоша ему: «Отче! Умножилося братьи, а не можем ся въмстити в печер. Да бы Богъ повеллъ и твоя молитва, да быхомъ поставил церквицю малу вн печеры». И повел имъ Аньтоний. Они же поклонишася ему и поставиша церьквицю малу надъ печерою во имя святыя Богородица Успение. И нача Богъ умножати черноризць молитвами святыя Богородица, и свтъ створиша братья съ игуменомъ поставити манастырь. И рша братья <…> къ Антонию: «Отче! Братья умножаеться, а хотл быхомъ поставити манастырь». Антоний же, рад бывъ, рче: «Благословенъ Богь о всемь, и молитвами святыя Богородица и сущихъ отець, иже вь Святй Гор, да будеть с вами». И се рекъ, посла единаго от братья къ Изяславу князю, река тако: «Княже мой! Се Богъ умножаеть братью, а мстце мало; да бы ны вдалъ гору ту, яже есть надъ печерою». Изяславъ же, се слышавъ, радъ бывъ и мужи свои посла и дасть имъ гору ту. Игуменъ же и братья заложиша церковь велику, и манастырь оградиша столпъемь, и клья поставиша многы, и церковь свршиша и украсиша ю иконами. И оттол начаша звати манастырь Печерьскый, имже бша жили черньци преже в печер, и от того прозвася Печерьскый манастырь. Есть же Печерьскы манастырь от благословения Святыя Горы пошелъ.