Изборник. Памятники литературы Древней Руси

В лто 6569. Придоша половци первое на Руськую землю воеватъ. Всеволодъ же изыиде противу имъ мсяца февраля вь 2 день, и бившимъся имъ, побдиша Всеволода и, воевавше отъидоша. Се бысть первое зло на Руськую землю от поганыхъ безбожныхъ врагъ. Бысть же князь ихъ Сокалъ.[372]

В лто 6570.

В лто 6571. Преставися Судиславъ, братъ Ярославль, и погребоша и во церкви святаго Георгия. Того же лта в Новгород иде Волхово вьспять дний 5. Се же знамение недобро бысть: на 4-е лто погор весь городъ.[373]

В лто 6572. Бжа Ростиславъ кь Тмутороканю, сынъ Володимирь, внукъ Ярославль, и с нимъ бжа Порй и Вышата, сынь Остромирь, воеводы новгородьского. И, пришедъ, выгна Глба изь Тмуторокана, а самъ сде в него мсто.[374]

В лто 6573. Иде Святославъ на Ростислава кь Тмутороканю. Ростиславъ же отступи прочь из града, не убоявься его, не не хотя противу строеви своему оружья взяти. Святослав же, пришедъ кь Тмутороканю, посади сына своего пакы Глба и вьзвратися вьсвояси. Пришедъ пакы опять Ростиславъ и выгна Глба, и приде Глбъ кь отцю своему, Ростиславъ же, пришедъ, сде вь Тмуторокан. В то же лто Всеславъ <…> рать почалъ.

В та же времена бысть знамение на запад: звзда превелика, луч имущи акы кровав, вьсходящи с вечера по заход солънечнемь, и бысть за 7 дний.[375] Се же проявляющи не на добро. По сем же быша усобиц многы и нашествие поганыхъ на Руськую землю, си бо звзда, акы кровава, проявьляющи крови пролитье. В та же времена бысть дтище вьвержено вь Стомле. Сего же дтища выволокоша рыболов в невод, его же позоровахомъ и до вечера, и пакы вывргоша и вь воду. Бяше бо на лиц его сице срамнии удове, а иного нльз казати срама ради. Пред сим же временемь солнце прменися,[376] не бысть свтло, но акы мсяць бысть. Его же невегласии глаголють сндаему сущю.

Се же бывають сия знамения не на добро, мы бо по сему разумхом. Якоже древле, при Антиос, вь Ерусалим ключися внезапу по всему граду за 40 дний являтися на вьздус на конихъ рищющимъ, вь оружьи, златыя одежа имущи, и полкы обоямо являемы, и оружью движащюся. Се же являше нахожение Антиохово, нашествие рати на Ерусалимъ.[377] По сем же при Нерон цесар в том же Ерусалим въсия звзда вь образъ копийный надъ городомъ: се же проявляше нахожение рати от римлянъ.[378] И пакы сице бысть при Устиян цесар, звзда вьсия на запад, испущающи луча, юже прозываху блисталницю. И бысть сияющи за 20 дний. По сем же бысть звздамъ течение с вечера до утрия, яко мнти всимъ, яко падають звзды. И пакы солнце без лучь сияше. Се же проявляше крамолы, недузи, человкомъ умертвие бяше.[379] Пакы же при Маврикии цесари бысть се: жена дтище роди безъ очью, безъ руку, вь чресла б ему рыбьий хвостъ прирослъ. И песъ родися шестоногъ. Въ Африкии же 2 дтища родистася, единъ о 4 ногах, а другий о двое главу.[380] По сем же бысть при Костянтин иконоборци, сына Леонова: течение звздьное бысть на небесх, оттергаху бо ся на землю, и яко видящимъ мнти кончину. Тогда же вьздух вьзлияся повелику. В Сурии же бысть трусъ велий, земл расдшися трий поприщь, изииде дивно изь земли мьска, человцскымъ гласомъ глаголющи, проповдающи наитье языка, еже и бысть: наидоша бо срацини на Палестинскую землю.[381] Знаменья бо вь небеси, или вь звздах, или вь солнци, или птицами, или етеромъ чимъ не благо бывають, но знамения сица на зло бывають, или проявление рати, или гладу, или на смерть проявьляеть.

В лто 6574. Ростиславу сдящу вь Тмуторокани и емлющи дань у касогъ и в ыных странахъ, сего же убоявъ же ся грци, послаша с лестью котопана.[382] Оному же пришедшю кь Ростиславу и уврившюся ему, и чьтяше и Ростиславъ. Единою же пьющу Ростиславу с дружиною своею, рече котопанъ: «Княже! Хощю на тя пити». Оному же рекшу: «Пий». Онъ же, испивъ половину чаши, а половину вдасть князю пити, дотиснувься палцемь в чашю, б бо имя подъ ногътемь растворение смертьное, и дасть князю, урекъ смерть до осми дний. Оному же испившю, котопанъ же, пришедъ Кьрсуню, повда, яко в сий день умреть Ростиславъ, якоже и бысть. Сего же котопана побиша камениемь людье корсуньстии. Б же Ростиславъ мужь добръ на рать, вьзрастом же лпъ и красенъ лицемь, милостивъ убогимъ. Умре же мсяца февраля вь третий день, и тако положенъ бысть вь церкви святыя Богородица.