Изборник. Памятники литературы Древней Руси

Манастыреви же свершену, игуменьство же держащю Варламу, Изяславъ же постави манастырь святаго Дмитря,[364] и выведе Варлама на игуменьство кь святому Дмитрею, хотя створити выший сего манастыря, надяся богатств. Мнозии бо манастыри от цесарь и от бояръ и от богатства поставлени, но не суть таци, кации же суть поставлени слезами, и пощениемь, и молитвою, и бдниемь. Антоний бо не им злата, ни сребра, но стяжа пощениемь и слезами, якоже глаголахъ. Варламу же шедшю кь святому Дмитрю, и свтъ створше братья, идоша кь старцю Аньтонию и рекоша: «Постави намъ игумена». Онъ же рче имъ: «Кого хощете?» Они же рша ему: «Кого хощеть Богъ и ты». И рече: «Кто болий есть в вас, акь есть Федосий:[365] послушливъ, и кротокъ, и смиреный, да сьй будеть игуменъ вамъ». Братья же ради бывше и поклонишася старцю, и поставиша Федосья игуменомъ братии сущей числомъ 20. Федосьеви же приимшю манастырь, и поча имти вьздержание велико, пощение и молитвы сь слезами, и совокупляти нача многы черьноризци, и совокупи братьии числомъ 100. И нача иськати правила чернечьскаго, и обртеся тогда Михаилъ, чернць манастыря Студискаго, иже б пришелъ изь Гркь с митрополитомъ Георгиемь,[366] и нача у него искати устава черьнець студийскых. И обртъ у него, и списа, и устави въ манастыри своемъ, как пти пния манастырьская и поклонъ како держати, и чтения почитати, и стояние въ церкви, и весь рядъ церковьный, на тряпез сдание, и что ясти въ кыя дни, все съ уставлениемь. Федосий все то приобртъ и предасть манастырю своему. От него же манастыря прияша вси манастыр уставъ по всемь манастыремь: тмже почтенъ есть манастырь Печерьскый старй всихъ и честью боле всихъ. Федосьеви же живущю в манастыр и правящю добродтелное житье и чернцьское правило, и приимающе всякого приходящего к нему, к нему же и азъ придохъ, худый и недостойны рабъ, и приять мя лтъ ми сущю 17 от рожения моего.[367] Се же написахъ и положихъ, и в кое лто почалъ быти манастырь, и что ради зоветься Печерьскый манастырь. А о Федосьев житьи паки скажемь.

В лто 6560. Преставися Володимрь, сын Ярославль старйший, в Новгород и положенъ бысть вь святй Софьи, юже б самъ создалъ.

В лто 6561. У Всеволода родися сынъ Володимиръ от цесариц грчькое.[368]

В лто 6562. Преставися великый князь рускый Ярославь. И еще живу сущю ему, наряди сыны своя, рекы имъ: «Се азъ отхожю свта сего, а вы, сынов мои, имйте межи собою любовь, понеже вы есте братья одиного отца и единой матере. Да аще будете в любви межи собою, и Богъ будеть в васъ и покорить вы противныя подь вы. И будете мирно живуще. Аще ли будете ненавистьно живуще, вь распряхъ, которающеся, то и сами погибнете, и землю отець своихъ и ддъ погубите, иже налзоша трудомъ великомъ; но послушайте братъ брата, пребывайте мирно. Се же поручаю в себе мсто столъ свой старйшому сынови своему, брату вашему Изяславу — Кыевъ, сего послушайте, якоже послушасте мене, да ть вы будеть вь мене мсто.[369] А Святославу — Черниговъ, а Всеволоду — Переяславль,[370] а Вячеславу — Смолнескь». И тако раздли городы, заповдавъ имъ не преступати предла братня, ни сгонити, рекь Изяславу: «Аще кто хощеть обидити своего брата, то ты помогай, егоже обидять», И тако наряди сыны своя пребывати в любви. Самому же болну сущю и пришедшю ему к Вышегороду, разболся велми. Изяславу тогда в Туров князящю, а Святославу вь Володимер, а Всеволодъ тогда у отца, б бо любимъ отцемь паче всея братья, егоже имяше у себе.

Ярославу же присп конць житья, и предасть душю свою мсяца февраля вь 20, в суботу 1 недели поста, вь святаго Федора день. Всеволодъ же спрята тло отца своего, вьзложивъ на сани и повезоша Кыеву, попов по обычаю псни пвше, и плакашеся по немь людье. И принесъше и положиша и в рац мороморян вь церкви святй Софья. И плакася по немь Всеволодъ и людье вси. Житъ же всхъ лтъ Ярославъ 70 и 6.

Начало княжения Изяславля вь Киев. В лто 6563, пришедъ, Изяславъ сде Кыев, а Святославъ в Чернигов, Всеволодъ же в Переяславл, Игорь в Володимер, Вячеславъ въ Смолньсц. В тое же лто иде Всеволодъ на торкы зим къ Воиню и побди торкы.[371] Того же лта приходи Болушь с половци, и створи Всеволодъ миръ с ними, и вьзвратишася вьсвояси.

Въ лто 6564.

Въ лто 6565. Преставися Вячеславъ, сынъ Ярославль, Смоленьский. И посадиша Игоря вь Смолньсц, изъ Володимеря выведше.

В лто 6566. Побди Изяславъ голядь.

В лто 6567. Изяславъ, и Святославъ и Всеволодъ высадиша стрыя своего Судислава ис поруба, сдвша 20 и 4 лта, и водивше и ко кресту, и бысть черньцемь.

В лто 6568. Преставися Игорь, сынъ Ярославль. Того же лта Изяславъ, и Святославъ, и Всеволодъ и Всеславъ, совокупивше воя бещислены, и поидоша на конихъ и в лодьяхъ, бещисленое множьство, на торкы. И се слышавше, торци, убоявьшеся, пробгоша и до сего дни, и помроша, бгающе, Божиимъ гнвомъ гоними, овии от зимы, друзии же гладомъ, инии же моромъ и судомъ Божиимъ. И такъ Богъ избави крестьяны от поганыхъ.