Изборник. Памятники литературы Древней Руси

Яко се скажемь о взор ихъ и о омрачении их. В си бо времена и в с лта приключися нкоему новгородьцю прити в чюдь. И приде кудесьнику, хотя волъхвования от него. Онъ же по обычаю своему нача призывати бсы вь храмину свою. Новгородцю же сдящю на пороз тоя храмины вь сторон, кудесникъ лежаше оцпъ, и шибе имъ бсъ. Кудесникъ же, вьставъ, рече новгородцю: «Бози наши не смють внити, нчто имаши на соб, егоже бояться». Онъ же помяну кресть на соб и, отъшедъ, повси кром храмины тоя. Онъ же нача изнова призывати бсы. Бси же, метавше имъ, повдаша, что ради пришелъ есть. По сем же нача просити его: «Что ради бояться его, егоже носимъ на соб — крестъ?» Онъ же рече: «То есть знамение небеснаго Бога, егоже наши бози бояться». Онъ же рече: «То каци суть бози ваши, кде живуть?». Онъ же рече: «Бози наши живуть вь безднахъ. Суть же образомъ черни, крилати, хвостъ имущи; вьсходять же и подъ небо, слушающе вашихъ боговъ. Ваши бози на небес суть. Аще кто умреть от вашихъ людий, то возносимь есть на небо, аще ли от нашихъ умираеть, но носимъ есть к нашимъ богомъ вь бездну». Якоже гршници вь ад суть, ждуще мукы вчныя, а правдници вь небеснемь <…> жилищи вьдворяються съ ангелы.

Сица ти есть бсовьская сила, и лпота и немощь. Тмьже и прельщають человкы, велящи имъ глаголати виднья, являющеся имъ, несвршенным врою являющеся вь сн, инмь вь мчт, и тако волъхвують научениемь дьяволимъ. Паче же женами бсовьская волъхвованиия бывають: искон бо бсъ жену прельсти, жена же — мужа, тако в си роди много волъхвують жены чародйствомь, и отравою, инми бесовьскыми козньми, Но и мужи прельщени бывають от бсовъ неврнии. Яко и се вь первый родъ при апостолхъ бо бысть Симонъ волъхвъ, иже вълъшествомъ творяше, повел псомь человчьскы глаголати и самъ премняшеться ово старъ, ово молодъ, ово ли иного пременяше въ иного образъ в мечтаньи.[409] Сице творяшеть Аньний, Замврий, волъшвеньемь чюдеса творяшеть противу Моисеви, но въскор не возмогоста. Но и Кунопъ творяшеть мьчтаниемь бсовьскымъ, яко и по водамъ ходити, и ина мчтания творяше, бсомъ льстимь, на пагубу соб и инмь.[410]

Сице бысть волъхвъ вьсталъ при Глб в Новгород; глаголашеть бо людемь и творяшеть бо ся аки богъмъ, и многы прельсти, мало не весь городъ, глаголаше бо, яко «Все ведаю», хуля вру крестьяньскую, глаголашеть бо, яко «Преиду по Волъхову предъ всими». И бысть мятежь в город, и вси яша ему вру и хотя побдити епископа. Епископъ же, вземь крестъ и оболкъся в ризы, ста, рекъ: «Иже хощеть вру яти волъхву, да за нь идеть, аще ли вруеть кто кресту, да идеть к нему». И раздлишася надвое: князь бо Глбъ и дружина его сташа у епископа, а людье вси идоша за волъхва. И бысть мятежь великъ вельми. Глбъ же, возма топоръ подъ скутъ, и приде к волъхву и рече ему: «То веси ли, что утр хощеть быти, что ли до вечера?» Онъ же рече: «Все вдаю». И рече Глбъ: «То вси ли, что ти хощеть днесь быти?» Онъ же рече: «Чюдеса велика створю». Глбъ же, выня топоръ, и ростя и, и паде мертвъ, и людие разиидошася. Он же погибе тломъ и душею предався дьяволу.

В лто 6580. Принесоша святая страстотерпца Бориса и Глба. Совокупившеся Ярославличи — Изяславь, Святъславъ и Всеволодъ, митрополитъ же б тогда Георгий, епископъ Петръ Переяславьскый, Михаилъ Юрьевьскый, Федосий же игуменъ Печерьскый, Софроний же святаго Михаила игуменъ, Герьманъ святаго Спаса игуменъ и Никола, игумень Переяславьский,[411] и прочии игумени вси, створивше праздникъ свтелъ и преложиша я в новую церковь, юже здла Изяславъ, яже стоить и <…> нын. Вземше бо первое Бориса в деревяний рак Изяславъ, и Святославъ и Всеволодъ, вземше на плещи своя и понесоша и, предъидущимъ черноризьцемъ, свща держаще в рукахъ, и по нихъ дьякони с кандилы, и по семь прозвутери, и по нихъ епископи с митрополитомъ, и по нихъ с ракою идяхуть. И принесъше и в новую церковь, отверзоша раку, исполнися церкви благоухания, вон благы; видивше се, прославиша Бога. И митрополита ужасъ обииде, бяше бо не твердо вруя к нима; и падъ ниць, прося прощения. И цловавше мощи его, вложиша и в раку камену. По сем же вземше Глба в рац камени, и вьставиша и на сани и, емше за вужа, везоша и. Яко быша вь дврехъ, ста рака, не поидущи. И повелша народу звати: «Господи помилуй», и повезоша. И положиша я мсяца мая вь 20.[412] И отпвше литургию, обдаша братья си вся накупь, когождо с бояры своими и с любовью великою. Б бо тогда держа Вышегородъ Чюдинъ, а церковь Лазорь. И по семь разиидошася вьсвояси.