Изборник. Памятники литературы Древней Руси

В лто 6594. Всеволодъ заложи церковь святаго Андря при Иван преподобномь митрополит, створи у церкви тоя манастырь, в нем же пострижеся дщи его двою, именемь Янька. Сия же Янка, совокупивши черноризици многи, пребываше с ними по манастырьскому чину.[450]

В лто 6595. Приде Ярополкъ из Ляховъ и створи миръ с Володимеромъ, и иде Володимеръ опять Чернгову, а Ярополкъ сде Володимер. И пересдивъ мало днй, иде Звенигороду.[451] И не дошедшу ему города, прободенъ бысть от проклятаго Нерядьца, от дьяволя наученья и от злыхъ человкъ. Князю же Ярополку лежащу на санках, а онъ с коня саблею прободе я мсяца ноября въ 22. Тогда въздвигнувся Ярополкъ, выторгну исъ себе саблю, и рече великимъ гласомъ: «Охъ, тот мя вороже погуби». И бжа Нерядець проклятый до Перемышля к Рюрикови,[452] а Ярополка взяша отроци на конь передъ ся — Радко и Воикина и инии отроци, несоша к Володимерю, а оттуду Киеву. И изииде противу ему благоврный князь Всеволодь со сынома своима, Володимеремь и Ростиславомь, и вси бояре, и блаженый митрополитъ Иванъ и чернорисци и прозвутер. И вси кияне великъ плачь створиша над нимь, со псалъмы и пснми проводиша и до манастыря святаго Дмитрия,[453] съпрятавше тло его, съ честью положиша и в рац у церкви святаго апостола Петра, юже бо самъ началъ здати, мсяца декабря въ 5 день. Многы бды приемь, без вины изгонимъ от братья своея, обидимъ и разграбленъ, наконець и смерть горку прия, но вчнй жизни и покою сподобися. Такъ бо бяше блаженый князь Ярополкъ кротокъ, смиренъ, братолюбивъ и нищелюбець, десятину дая от всихъ скотъ своих святй Богородици и от жита на вся лта, и моляше Бога всегда, глаголя: «Господи Боже мой Иисусъ Христ! Приими молитву мою и дай же ми смерть таку, якоже вдалъ еси брату моему, Борису и Глбови, от чюжюю руку, да омыю грхи вся своею кровью, избуду суетнаго свта и сти вражии». Его же прошенья не лиши его благий Богъ: усприя благая она, ихже ни око не види, ни ухо слыша, ни на сердце человку не взиде, яже уготова Богъ любящим его.[454] В се же лто ходи Всеволодо къ Перемышлю.

В лто 6596. Священа бысть церки святаго Михаила манастыря Всеволожа митрополитомь Иоаномь и епископы Лукою, Исаемь, игуменьство тогда держащу того манастыря Лазореви. Том же лт иде Святополкъ из Новагорода Турову на княженье. У се же лто умре Никонъ, печерьски игуменъ. В се же лто взяша болгаре Муромъ.

В лто 6597. Священа бысть церкви печерьская святыя Богородица манастыря Федосьева Иваномъ митрополитомь, и Лукою, Блогородским епископомь, и епискупомь Ростовьским Исаиемь, и Иваномь Черниговьскымь епискупомь, и Антоньемь, гурьговьскимь игуменомь, при благоврном князи Всеволод, державному Руския земля, и чадома его, Володимера и Ростислава, воеводьство держащю киевьской тысящи Яневи, игуменьство держащу Ивану. В се же лто преставися Иоанъ митрополитъ. Бысть же Иоанъ си мужь хитръ книгамъ и учнью, милостивъ убогимъ и вдовицамъ, ласкав же всякому, к богату и къ убогу, смиренъ же умомъ и кротокъ, и молчаливъ, рчистъ же книгами святыми, утшая печальныя, и сякова не бысть преже в Руси, ни по нмь не будеть такий. В се же лто иде Янъка въ Греки, дщ Всеволожа, нареченая прже.

В лто 6598. Приведе Янка митрополита Иоана скопьчину, егоже видивши людье вси рекоша: «Се мертвець пришелъ». От года бо до года пребывъ, умре. Б же се мужь не книженъ и умомъ простъ и просторкъ. В се же лто священа бысть церкви святаго Михаила переяславлеския Ефрмомъ, тоя церкви митрополитомъ, иже ю есть создалъ велику сущю, и пристрою в нй велику створи, украсивь ю всякою красотою, церковьными съсуды. Сий бо Ефрмь в си лта много зданье въздвиже: докончавъ церковь святаго Михаила, заложи же церковь на воротехъ святаго Федора, и святаго Андря у церкве у воротъ, и город каменъ, и строенно банное камяно, сего же не бысть в Руси.[455] И въкраси городъ Переяславьскый зданьи церковными и прочими зданьи.