Изборник. Памятники литературы Древней Руси

Убьенъ бысть князь Изяславъ мсяца октября въ 3 день. Вземше же тло его, привезоша в лодьи, и поставиша противу Городчю, и изидоша противу ему всь городъ Киевъ, и възложиша на сан, повезоша и с псньми попове и черноризци, и понесоша въ градъ. И не б лз слышати пнья въ плач велиц и вопл, плакася о немь весь городъ Киевъ. Ярополкъ же идяше по немь, плачася съ дружиною своею: «Отче, отче мой! Что еси бес печали пожил на свт семь, многи напасти приемь от людй и от братья своея? се же погибе не от брата, но за брата своего положи главу свою». И, принесъше, положиша тло его въ церкв святыя Богородица, уложиша и в раку камяну и мраморяну.[439] Б же Изяславъ мужь взоромъ красенъ, тломъ великь, незлобивъ нравомь, кривды ненавидя, любя правду. Клюкъ же в немь не б, ни льсти, но простъ умомъ, не воздая зла за зло. Колко бо ему створиша киян: самого выгнаша, а домъ его разграбиша, и не възда противу тому зла. Аще ли кто деть: киян исклъ, котори же высадили Всеслава ис поруба, то сь того не створ, но сынъ его. Паки же брата своя выгнаста и, и ходи по чюжей земл, блудя. И сдящу ему паки на своемь стол, Всеволоду пришедшю побжену к нему, не рече ему: «Колко подьяхъ от ваю». Не вдасть зла на зло, но утши и рекъ ему: «Елма же ты, брате мой, показа ко мн любовь, уведе мя на столъ мой, нарекъ мя старйши себе, се азъ не помяну злобы перво, ты мн еси братъ, а я тоб, и положю главу свою за тя», еже и бысть. Не рече бо ему: «Колко зло створиста мн, и се нын тоб ся приключи», не рече: «Сего кром мене», но на ся перея печаль братню, показа любовь велику, свершая апостола, глаголюща: «Утшайте печалныя».[440] По истин, аще что створилъ есть на свт семь, етеро согршенье, отдасться ему, зане положи главу свою за брата своего, ни желая болшая части, ни имнья хотя болшаго, но за братню обиду. О сяковыхъ бо и Господь рече: «Да кто положить душю свою за други своя».[441] Соломонъ же рече: «Братье, в бдахъ пособиви бывайте».[442] Любовь бо есть выше всего. Яко же Иоан глаголеть: «Богъ любы есть, и пребывая у любви, у Бози пребываеть, и Богъ в немь пребываеть». О семь свершаеться любы, да достоянье имамъ въ день Судный, да якоже онъ есть, и мы есмы в мир семь. Боязни нсть в любви, но свершена любы вонъ измщеть боязнь, яко боязнь мученье имать. «Бояй же ся нсть свершенъ у любви. Аще кто речеть: Бога люблю, а брата своего ненавидя — ложь есть. Не любяй брата своего, егоже видить, Бога, егоже не видить, како можеть любити? Сию заповдь има от него, да любяй Бога любить и брата своего».[443] У любви бо все свершаеться. Любви бо ради грси расыпаються. Любви бо ради и Господь сниде на землю и распятся за ны гршныя и вземь грхи наша, пригвозд на крест, давъ намъ крестъ свой на помочь и на прогнанье бсомь. Любви ради мученици прольяша кровь свою. Любве же ради и сий князь пролья кровь свою за брата своего, свершая заповдь Господню.

Начало княженья Всеволожа в Киеви. Всеволодъ же сде Киев на стол отца своего и брата своего, переемь всю власть рускую. И посади сына своего Володимера в Чернигов, а Ярополка — Володимер, придавъ ему Туровъ.

В лто 6587. Приде Романъ с половц к Воиню. Всеволод же став у Переяславля и створи миръ с половц. И възратися Романъ въспять, и бывшу ему…[444] убиша и половц мсяца августа 2 день. И суть кости его и до сего лта тамо лежаче, сына Святославля и внука Ярославля. А Олга емше козар, поточиша за море Царюгороду.[445] Всеволодъ же посади посадника Ратибора Тмутороканю.

В лто 6588. Заратишася торци переяславьстии на Русь. Всеволод же посла на н сына своего Володимера. Володимер же, шедъ, побил торки.

В лто 6589. Бжа Игоревич Давыдъ с Володаремь Ростиславличем мсяца мая въ 18 день. И придоста Тмутороканю, и яста Ратибора, и сдоста Тмутороканю.

В лто 6590. Оснь умре половцький князь.

В лто 6591. Приде Олегъ изъ Грек Тмутороканю; и я Давыда и Володаря Ростиславича и сде Тмуторокани. И исче козары, иже бша свтници на убьенье брата его и на самого, а Давыда и Володаря пусти.

В лто 6592. Приходи Ярополкъ[446] ко Всеволоду на Великъ день. В се же время вбгоста Ростиславича два от Ярополка и, пришедша, прогнаста Ярополка, и посла Всеволодъ сына своего Володимера, и выгна Ростиславича и посади Ярополка Володимер. В се же лто Давыдъ зая грчнки во Олешьи и зая в них все имнье.[447] Всеволодъ же, пославъ, приведе и и вдасть ему Дорогобужь.[448]

В лто 6593. Ярополку хотящю на Всеволода, послушавшю ему злых свтникъ. Се увдавъ, Всеволодъ посла противу ему сына своего Володимера, а Ярополкъ же, оставивъ матерь свою и дружину свою в Лучьск,[449] а самъ бжа в Ляхи. Володимеру же пришедшю к Лучску, дашася лучане. Володимеру же посадившю Давыда въ Володимер, у Ярополка мсто, а матерь Ярополчю и жену его и дружину его приведе Киеву, имнье его вземь.