Изборник. Памятники литературы Древней Руси

Яко се бысть другый черноризець, именемь Исакий, яко еще сущю в мирьскомъ житьи и богату сущю ему, б бо купець, родомъ торопчанинъ,[426] и помысли быти мнихомъ, и раздая имние свое трбующимъ и по манастыремь, иде кь великому Антонию в пещеру, моляшеся ему, дабы створилъ черьноризьцемь. И приятъ и Антоний, и возложи на нь порты чернцьки и нарече имя ему Исакий, б бо имя ему мирьское Чернь. Сий же Исакий вьсприя житье крепко: облчеся въ власяницю,[427] и повел купити соб козелъ и одерти мшькомь козелъ, и возьвлече и на власяницю, и осъше около его кожа сыра. И затворися в пещер, вь единой улици, вь кльиц мал, яко 4 лакотъ, и ту моляше Бога беспрестани день и нощь со слезами. Б же ядение его проскура[428] одина, и та же чресъ день, и воды в мру пьяше. Приношаше же ему великий Антоний и подаваше оконьцемь ему, яко ся вмстяше рука, и тако приимаше пищю. И того створи лт 7, на свтъ не вылазя, ни на ребрехъ лежа, но, сдя, мало приимаше сна. И единою, по обычаю, наставшю вечерю, и поча кланятися, поя псалмы оли до полунощи, и яко трудяшеться, сдяше же на сдал своемь. И единою же ему сдящю по обычаю и свщю угасившю, и внезапу свтъ восия, яко солнце, вь пещер, яко зрак вынимаа человку. И поидоста дв уноши к нему прекрасьна, и блистася лице има, яко и солнце, и глаголаста к нему: «Исакье! В есв ангела, а се идеть к тоб Христосъ, сь ангелы». И, вьставъ, Исакий вид толпу, и лица ихъ паче солнца, и единъ посред ихъ и сьяху от лица его паче всихъ. И глаголаста ему: «Исакье, то ти Христосъ, падъ, поклонися ему». Онь же не разум бсовьскаго дйства, ни памяти прекреститися, выступя поклонися, акы Христу, бсовьскому дйству. Бси же кликнуша и ркоша: «Нашь еси уже, Исакье», и вьведоша и в кльицю, и посадиша и, и начаша садитися около его — полна келья и улица печерьская. И рече единъ от бсовъ, глаголемый Христосъ: «Возмите сопли и бубны и гусли, и ударяйте, ать ны Исакье сьпляшеть». И удариша в сопли и вь гусли и вь бубни и начаша имъ играти. И утомивше и, оставиша и еле жива сущи, и отъидоша, поругавшеся ему.

Заутра же бывши свту и приспвшю вкушению хлба, и приде Антоний кь оконцю по обычаю и глагола: «Благослови, отче Исакье!» И не бысть гласа, ни послушания. И многажды глагола Аньтоний, и не бысть отвта. И глагола Антоний: «Се уже яко преставилъся есть». И посла в манастырь по Федосья и по братью. И откопавше, гд б загражено устье, и пришедше и взяша и, мняще и мертваго, и вынесьше, положиша и предъ пещерою. И узрша, яко живъ есть. И рече игуменъ Федосий, яко «Се имать от бсовьскаго дйства». И положиша и на одр, и служаше около его Антоний. В то же время приключися Изяславу прити из Ляховъ, и нача гнватися Изяславъ на Антония изо Всеслава.[429] И приславъ Святьславъ нощью, поя Антония к Чернигову. Антоний же, пришедъ кь Чернигову, и вьзлюби Болъдину гору,[430] и ископавъ пещеру, и ту вселися. И есть манастырь святоі Богородиц на Болдинахъ горахъ и до сихъ дний.

Федосий же, увда, яко Антоний шелъ кь Чернигову, и, шедъ с братьею, вьзя Исакья и принесе кь соб в клью, и служаше около его. Б бо раслабленъ тломъ и умомъ, яко не мощи ему обратитися на другую страну, ни вьстати и ни сдити, но лежа на единой стран и подъ ся поливаше многажды, и червье кыняхуся подъ бедру ему с мочения. Федосий же самъ своима рукама омываше и спряташе и, за 2 лт створи се около его. Се же бысть чюдно и дивно, яко, за дв лт лежа, сий ни хлба вькуси, ни воды, ни от какаго брашна, ни от овоща, ни языкомъ проглагола, но нмъ и глухъ лежа за 2 лт. Федосий моляшеть Бога за нь и молитву творяшеть над нимь нощь и день, дондеже на 3-ее лто проглаголавъ и слыша, и на ногы нача вьставати акы младенць, и нача ходити. И не брежаше кь церкви ити, но нужею привлечахуть его кь церкви, и тако по малу научиша и. И по семь научися и на тряпезницю ходити, и посажаше и кром братья и положаху пред нимь хлбъ, и не взимаше его, олны вложити будяше в руц ему. Федосий же рече: «Положите хлбъ пред нимь и не вькладайте в руц ему, ать самъ ясть», и не бреже за недлю ясти и, помалу оглядавься, кушавше хлба, и тако научися сти, и тако избави и Федосий от козни дьяволя и от прелсти.