Изборник. Памятники литературы Древней Руси

Исакий же вьсприя дерьзновение и вьздержание жестоко. Федосью же преставившюся и Стефану в него мсто бывшю, Исакий же рече: «Се уже прельстилъ мя еси, дьяволе, сдяща на единомъ мст, а уже не имамъ затворитися в пещер, но имамъ тя побдити, ходя в манастыр». И облечеся въ власяницю, и на власяницю свиту вотоляну, и нача уродьство творити, и помагати нача поваромъ и варити на братью. И на заутренюю ходя преже всихъ, и стояше крпко и неподвижно. Егда же приспяше зима и мрази лютии, и сьтояше вь прабошняхъ, вь черевьихъ и вь протоптаныхъ, яко примрьзняше нози его кь камени, и не двигняше ногами, дондеже отпояху заутренюю. И по заутрени идяше в поварницю и приготоваше огнь, и воду, и дрова, и приходяху прочии повари от братья. Единъ же поваръ, такоже б именемь Исакий, и рече, посмихаяся: «Исакьи! Оно сдить вранъ черьный, иди, ими его». Онъ же, поклонився ему до земли и, шедъ, я врана и принесе ему предо всими повары. И ужасошася и повдаша игумену и братьи. И начаша и братья чтити. Онъ же, не хотя славы человчскыя, и нача уродьствовати и пакостити нача ово игумену, ово братьи, ово мирьскымь человкомъ, друзии же раны ему даяху. И поча по миру ходити, тако же уродомъ ся творя. И вселися в пещеру, в нейже преже былъ, уже бо б Аньтоний преставилъся, и совокупи соб уныхъ и вьскладаше на нь порты чернцькыя, да ово от игумена Никона раны приимаше, ово ли от родитель дтьскыхъ. Се сь же то все терпяше и подъимаше раны и наготу, и студень день и нощь. Вь едину бо нощь вьжегъ пещь во истопц у пещеры, и яко разгорся пещь, б бо утла, и нача палати пламень утлизнами. Оному же нчимь заложити, и вьступле на пламень ногама босыма, ста на пламени, дондеже изгор пещь, и слезе. Ина много повдаху о немь, а другому и самовидци быхомъ. И тако взя побду на бсовьскыя силы, яко и мухъ ни во что же имяше устрашения ихъ и мечтания ихъ, глаголашеть бо к нимъ: «Аще бо мя бсте первое прельстил, понеже не вдахъ козний вашихъ и лукавьства. Нын же имамъ Господа Иисуса Христа, Бога нашего, и молитву отца нашего Федосья, надюся на Христа, имамъ побдити васъ». И многажды бси пакости даху и глаголаху ему <…>: «Нашь еси, поклонилъся еси нашему старйшины и намъ». Онъ же глагола имъ: «Вашь старйшина есть антихрьсть, а вы бси есте». И перекрстися, и тако ищезняху. Овогда же ли пакы в нощи прихожаху к нему, и страхъ ему творяще ово вь мечт, яко се многъ народъ с мотыками и с лыскари, глаголюще: «Раскопаемы пещеру сию и се зд загребемь». Инии же глаголаху: «Бжи, Исакье, хотять тя загрести». Онъ же глаголаше к нимъ: «Аще бысте человц был, то вь день бысте ходили, а вы есте тма, во тм ходите». И знаменася крестнымь знамениемь, они же ищезняху. А другоичи страшахуть и во образ медвжьи, овогда же лютомь звремь, овогда же воломь, ово ли змия ползаху к нему, ово ли жабы, и мыши и всякъ гадъ. И не возмогоша ему ничьтоже створити. И рекоша ему: «Исакий! Побдилъ ны еси». Онъ же рече: «Якоже и вы перве мене побдили есте вь образ Исусъ Христов и вь ангелскомъ, недостойн суще того видния, топервое являстеся вь образ звриномъ и скотьемь, змиями и гадомь, аци же и сами бысте скврни, зли вь видньи. И абье погыбоша бси от него, и оттол не бысть ему пакости от бсовъ, якоже самъ повдаше, яко «Се бысть ми за три лта брань си». И потомь нача крпле жити и вьздержание имти, пощенье и бдние. И тако живущу ему, сконча житье свое. И разболся в пещер, и несоша и болна в манастырь, и до осмога дни скончася о Господ. Игумен же Иванъ и братья спрятавше тло его и погребоша и.

Таци же бша чернорисци Федосьева манастыря, иже сияють и по смерти, яко свтила, и молять Бога за зд сущюю братью, и за приносящия в манастырь, и за мирьскую братью. Вь нем же и нын добродтельно житье живуть и обыце вкуп, вь пньихъ, и вь молитвахъ и в послушаньихъ на славу Богу всемогущому, и Федосьевами молитвами сблюдаеми, ему же слава вь вкы, аминь.

В лто 6583. Почата бысть церкви печерьская надъ основаньемь Стефаномъ игуменомь, изъ основанья бо Федосий поча, а на основаньи Стефанъ поча; и кончана бысть на третьее лто мсяца июля въ 1 день.

В се же лто придоша посл из немець къ Святославу. Святослав же, величашеся, показа имъ богатьство свое. Они же, видивьше бесщисленое множество злата, и сребра и паволок, рша: «Се ни во что же есть, се бо лежить мертво. Сего суть кметье лучьше. Мужи бо доищуться и болша сего».[431] Сице ся похвали Езекий, царь июдйский, к послом царя асурийска, егоже вся взята быша въ Вавилонъ.[432] Тако и по сего смерти все имнье расъсыпашася раздьно.

В лто 6584. Ходи Володимеръ, сынъ Всеволожь, и Олегъ Святъславль ляхомь в помочь на чехы.[433] В се же лто преставися Святославъ, сынъ Ярославль, мсяца декабря въ 27, от рзанья желве, и положенъ бысть у Спаса. И сде по немь Усеволодь на стол мсяца генваря въ 1 день. В се же лто родися у Володимера сынъ Мьстиславъ, внук Всеволож.[434]