Избранные сочинения

Амире вѣрный! В том прилѣжен буди,
да всяких санов днесь предстанут люди
Почтити образ; а вели играти
200 в трубы, органы и свирѣлствовати,
Во еже бы гласом небес доходити,
и в то бы время всѣм поклон творити;
Аще же чести кто не схощет дати,
в пещ таковаго вели повергати,
105 Яже в седмеро буди распаленна,
изгребей, смолы, нафы исполненна.

Амир к царю

Непобѣдиме царю! Здрав ты буди!
На полѣ Дейрѣ вси предстоят люди
И вся готова: изволь соглядати,
110 како вси будут образ почитати.

Навходоносор

Убо есть время, повели трубити
и златый образ наш поклоном чтити.

Тогда помаает Амир, глаголя

Слышите, гудци! Гласно вы свиряйте!
Вы же, людие, образу честь дайте!

Гудец речет

115 Повеления токмо ожидахом,
ко писканию вся уготовахом.

И начнут трубити и пискати, народи же поклонятся, а трие отроцы не поклонятся, что видя, Амир велит их поимати, глаголя сице

Поймите, поймите людей беззаконных,
образу царскому ни мало поклонных!

Тогда их поймут и приведут пред царя. И речет Амир

Пречестный царю! Се людие злии,
120 не преклониша образу ти выи.
Повелѣние твое укоряют,
на честный образ хулы испущают.

Навходоносор с гнѣвом глаголет к отроком

Седрах и Мисах, Авденаго и ты!
Бысте вы у нас зѣло нарочиты, —
125 Что слышим о вас? Вы ли обругаете
Нас и образу поклона не даете?
Сам хощу зрѣти, вы правду явите,
со гласом трубным главы поклоните.
Аще поклона не хощете дати,
130 лютѣ имате в пещи пострадати.
Кто бог есть, могущ вас мук свободити,
от рук пресилных наших исхитити!

Седрах глаголет

Нѣсть требѣ, царю, нам ти отвѣщати.
Бог всемогущий силен нас изъяти
135 Из огня люта силою своею
и свободити от руку твоею.

Мисах

К тому вѣждь, царю, яко прещение
огня не введет нас во прелщение;
Аще же огню бог хощет ны дати,
140 мы за честь его готови страдати.

Авденаго

Живаго бога небеснаго знаем,
бездушный образ смѣло обругаем.
Не подобает твари почитати:
творец есть бог наш, того хощем знати.

Навходоносор, разъярився, крикнет

145 Оле злых врагов! Како суть прелщени!
Скоро будут во огнь вовержени.
Крѣпции вои! Скоро похитите,
посредѣ пещи враги вовержите.

Тогда вои похитят и, вяжуще я, глаголют

1

Благо вам бяше царя послушати,

150 в сицеву бѣду себе не врѣвати.

2

Зол род еврейский; крѣпко их вяжите,

непокоривых ни мало щадите.

3

Кто врага царска хощет пощадити,

сам есть достоин смертно казним быти.

4

155 Аз и двѣ кожѣ готов есмь издрати

с едного хребта, а сам не страдати.

5

Мнѣ евреина толь сладко убити,

яко же меда сладка чашу пити.

6

Вержите во пещь, мало глаголите;

160 еже велят вам, то скоро творите.

И вергнут в пещь, абие же да снидет к ним аггел и тако да глаголет к отроком

Аггел