Избранные сочинения

Благороднии, благочестивии,
600 государие премилостивии!
Видѣсте притчю, Христом изреченну,
по силѣ дѣлом днесь воображенну,
Дабы христовым словам в сердцах быти
глубже писанным, чтобы не забыти.
605 Юным се образ старѣйших слушати,
на младый разум свой не уповати;
Старим, да юных добрѣ наставляют,
ничто на волю младых не спущают.
Найпаче образ милости явися,
610 в нем же божая милость вобразися,
Да и вы богу в ней подражаете,
покаявшимся удобь прощаете.
Мы в сей притчи аще согрѣшихом,
ей, огорчити никого мыслихом;
615 Обаче, молим, изволте простити,
а нас в милости господстей хранити,
За что хранени будете от бога
в милости его на лѣта премнога.

Ту вси, изшедше, поклонятся, а мусикия запоет, и тако разыдутся гости.

Конец и богу слава.

ТРАГЕДИЯ О НАВХОДОНОСОРѢ

О НАВХОДОНОСОРѢ ЦАРѢ,ОТѢЛЕ ЗЛАТѢ И О ТРИЕХ ОТРОЦѢХ, В ПЕЩИ НЕ СОЖЖЕННЫХ

Предисловец

Благовѣрнѣйший пресвѣтлѣйший царю,

многих царств и князтв правый государю,
Пречестным вѣнцем богоувѣнчанный,
всѣм православным яко солнце даный,
5 Да нам свѣтиши яснѣ добротами,
яко же солнце свѣтлыми лучами!
Велий есть свѣт твой, тмѣ одолѣвает,
мрак безвѣрия весма отгоняет.
Адамант в златѣ нѣсть толико красен,
10 яко вѣрою дух твой свѣтло ясен.
Бога в троицѣ ты едина чтиши
и должный поклон любезно твориши,
Под нозѣ его главу ти смиряя,
со смирением кротость соблюдая.
15 Что либо сану царску приличствует,
то святая ти душа державствует;
Доброты гнѣздо положиша в тебѣ,
во сердцѣ твоем живут, яко в небѣ.
Навходоносор не тако живяше,
20 аще и скипетр в десницѣ держаше:.
Тмою невѣрства бѣ он помраченны,
велиим чудом едва просвѣщенны.
К тому гордости в сердци исполнися,
всѣх богов паче сам быти возмнися.
25 Образ свой людем повелѣл бѣ чтити,
не послушавшых во пещи спалити.
Трие отроцы во огнь вовержени,
но от аггела цѣло сохранени,
Имже царь чюдом к вѣрѣ приведеся,
30 честь же отроком велика дадеся.
То комидийно мы хощем явити
и аки само дѣло представити
Свѣтлости твоей и всѣм предстоящым,
князем, боляром, вѣрно ти служащым,
35 Во утѣху сердец. Здрави убо зрите,
а нас в милости своей сохраните.

По сем да играють.

Изыдет Навходоносор с боляры и слугами шестию человѣк, а вооруженных вой за ними станет шесть же человѣк. Царь убо, сѣд на мѣстѣ уготованном, начнет глаголати