Избранные сочинения

Изыдет отец Блуднаго сына, печаляся о сынѣ; сын возвращается и проч.

Отец блуднаго

Туга велика сердце ми смущает,
лютая печаль душу исполняет.
Не вѣм, гдѣ сын мой юнший обратися,
460 иже от мене древле удалися.
Жив или умре, никто же вѣщает,
отчее сердце толма умирает.
Сыне мой драгий! Сыне возлюбленный!
Коль ты от мене еси удаленный!
465 Кая тя страна, сыне мой, питает?
Кто тя на разум правый наставляет?
Кто тя утѣшит, во печали суща,
никого сродна в тых странах имуща?
Кто бы ми дал то сына созерцати,
470 хотя бы нага в дом мой восприяти!

Вѣстник

Радуйся, государь наш, и возвеселися!
Сын твой, иже погибл бѣ, к тебѣ приближися.
По благодати божей возвратися цѣло,
токмо не скорбен буди, что обнища зѣло.

Отец

475 Нага от бога приях того сына;
аще и днес наг, то мнѣ не кручина.
Кто его видѣ, идѣте, срѣтайте,
мнѣ о приходѣ абие вѣщайте.

Пойдут нѣции слузи, и абие другий вѣстник.

Вѣстник другий глаголет

Во вратѣх сын твой идет со слезами,
480 встыдится лютѣ худыми ризами.

Ту покажется Блудный от завѣс, а Вѣстник речет

Се идет в двери,
что не даш вѣры?

Отец двигнется далече и, напад на выю сыновню, цѣлует

и глаголет

Сыне мой милы, отнюд нечаянный,
днесь паки богом ты ми дарованный!

Блудный

485 Согрѣших, отче, на небо и к тебѣ,
прими мя поне в наемника себѣ.
Нѣсм удостоин сын твой нарещися,
ты яко отец умилостивися.

Отец к рабом

Одежду перву сыну изнесите,
490 честно на плеща его возложите.

И одѣют его.

Отец

Дадите перстень, на руку взлагайте,
первую почесть ему сотворяйте.

Взложат перстень и поклонятся.

Отец

Сапоги дайте и взуйте на нозѣ,
вижду и, яко бяше в скорби мнозѣ.

Обуют и поклонятся.

Отец

495 Идите, телца тучна заколите,
со мною ядше, вси ся веселите,
Яко сын мой сей, иже мертв вмѣнися,
се, слава богу, жив к нам возвратися.
Иже погибл бѣ, обрѣтеся нынѣ.
500 Возвеселися всяк о моем сынѣ!

Пойдут за завѣсу, и тогда играют органы и прочая, и поют мало, токмо един слуга на феатрѣ останет, котораго, пришед, сын старший вопрошает

Сын старѣй к слузѣ

Слушай, отроче! Кия в дому лики?
Кая пѣния и пир превеликий?

Отрок

Брат твой прииде, а отец заклати
повелѣ телца и всим ликовати,
505 Яко жив и здрав к нему возвратися,
аще всѣх благих в конец отщетися.

Сын старѣй

Аще брат в дому, аз не хощу внити,
при нем и с отцем мнѣ отнюд не жити.

Отрок

Государю наш, изволь здѣ пождати,
510 аз отцу тайно имам вѣсть, подати.

Пойдет отрок за завѣсу. Отец, изшед к сыну старшему,

молит

Сыне мой прелюбезный! Гнѣвен ми не буди,
вниди в дом, обрадуй мя, и брата, и люди.

Сын старѣй к отцу