Избранные сочинения

Чуждуся зѣло, вскую болит глава, —
постель бѣ мякка, не твердая лава.
275 К тому не помню, како положихся.
Негли та вина, яко утрудихся,
Вчера играя? А крѣпко стужает
болѣзнь, даже мир весь ся обращает.
Пил есмь опасно, а вѣм, что причина
280 прилѣжный промысл, о чести кручина.
Но, даст бог, будет все по мысли нашей,
вземшу искус благ мнѣ о службѣ вашей.

Слуга 1

Государю наш, тому не чюдися: .
младый нрав, пити не научися.
285 Аз есмь искусен, вѣм, како лѣчити:
изволь скляницу днес вина испити.
О чести всуе трудиши ти главу,
наш лик разширит вездѣ твою славу.

Блудный

Здравый совѣт твой. Вина мнѣ дадите,
290 себѣ по чашѣ того ж наполните.

Пиет, глаголя:

Будите здрави, любезнии друзи!

2 слуга отвѣшает

Пий на много лѣт! Мы ти вѣрни слузи.

Пѣти: „На многа лѣта“.

Блудный

Бог ти заплати за твой совѣт здравый!
Вѣм у лѣкарство от болѣзни главы.
295 Еще на печаль кто врачество знает?
Молю, мнѣ службу в том да изъявляет.

Слуга 3

Утѣхою печаль обычно лѣчити,
сладкоигрателем вели приходити.

Блудный

Сам пригласи их скоро, да играют,
300 и пѣвцы купно сладцѣ воспѣвают.

Здѣ будут играти и пѣти потом глаголет

Блудный

Правда, утѣшно и сладцѣ играют,
и гласы пѣвцов зѣло украшают.
Достойны мзды суть, даждь им, слуго, злата,
да утѣшит их многая заплата.

4 слуга, казначѣй

305 Государю мой, злато расточися,
все сокровище уже истощися;
Не на свирѣли денег есть потреба,
было бы за что утро купить хлѣба.

Блудный

Не буди скорбен, сии мои слузи
310 дадут нам взаим, як добрии друзи;
А мусикием отдаждь ту одежду.
Имам аз в друзѣх извѣстну надежду.

Отдав одежду верхнюю, останеть в единой, что видя,

5 слуга глаголет

Государю наш, хлѣб твой понуждает,
да гортань моя правду ти вѣщает.
315 Господь и мешок — то приятель правы,
людская приязнь токмо для забавы.
Не дам ти взаим, не хощу служити,
не имаши бо чим нам заплатити.

Слуга 6 глаголет

И аз не мышлю болше работати,
320 не можеши мя без злата наяти.
И за сей мѣсяц изволь ми платити,
не хощу к тому аз с тобою быти.

Слуга 7

Рад бых аз служил вѣрно твоей славѣ,
аще бы еси имѣл разум в главѣ.
325 Злато и разум слуги собирает;
кто буй, то трое купно погубляет.
Доволно служих, заплаты не чаю,
тѣмже от тебе днесь ся отдаляю;
А что заслужих, изволь ми отдати.
330 Аще не даси, буду награждати.

Слуга 8

Не надѣяхомся мы того по тебѣ,
егда призвал еси нас служити себѣ.
Много обѣщався, ни мало платиши,
тѣм нас на услугах своих не узриши.

Слуга 9

335 Кто сладко яст, пиет, вскорѣ обнищает,
то нам священное писмо извѣщает.
Кто отцу преслушник, не послушен богу;
за то тя обыдут скорби по премногу.
Не слузи мы тебѣ, сам будешь служити,
340 токмо бы кто хлѣбом изволил кормити.

Слуга 10