Избранные сочинения

И обѣ руцѣ рад ти простираю,
400 яко охочо тебѣ работаю.

Господин

Се уже крѣпок раб ми сотворися,
в дом мой на труды абие потщися.
Но вѣждь обычай, яко аз никому
в началѣ службы честны не дам в дому.
405 Иди на село; что велят, трудися,
на честну службу прежде заслужися.
Покажи руцѣ, да могу познати,
в кую тя службу подобает дати.

Посмотрѣв на руцѣ и пощупав, паки глаголет

Господин

О, нѣсть мозолей, зѣло мягки длани!
410 Бодрствуй отселѣ, лѣности престани.
Слышиш, прикажчик! На село возмите,
а свини пасти ему прикажите.

Прикажчик

Добро, государь мой! Творю веление,
прикажу ему свинѣй пасение.

Господин идет за завѣсу, а Прикажчик глаголет

415 Ходи к свинарем, паси купно с ними,
сия сапожки из ног твоих сними.
Премѣни кафтан, в хуждший облецися,
свиней погубити опасно блюдися.

Здѣ ин свинопас изыдет, гоня прасята, к нему же глаголет Прикажчик

Слыши ты, малче! Се товарищ тебѣ,
420 свинѣй сгубити блюдитеся себѣ.
Аз имам вскорѣ к вам ся возвратити
и по заслугам обѣма платити.

Пастух к Блудному

Ну, друже милый! Корито с рожцами
принеси сѣмо, постав пред свинями.

А Блудный принесет и речет

425 И аз есм гладей, а нѣсть ми что ясти,
рожци ми будут за всякия сласти.

Тогда яст, а пастух свиния присадит до корита; он же разгнѣвася, ударит свиния, да разбѣгутся

Пастух

Что дѣлаеши? Свини отгоняет?
Всуе от рожцев оны отбивает,
Се побѣгоша, аще погубити,
430 язвами хребта бѣднѣ заплатити.

Ту приходит Прикажчик

Малци! Что у вас добраго ся дѣет?
Труд ваш о стадѣ еда добрѣ спѣет?

Пастух

Государю мой! Винни пред тобою,
враг се, а не друг у свиний со мною:
435 Сам рожци ял есть, и свини разгнаше,
аз не вѣм, стадо гдѣ поутекаше.

Прикажчик

Возмите врага, плетьми разсѣчите,
а потом свинѣй прилѣжно ищите.

Поведут за завѣсу Блуднаго и биют плетьми, он кричит: „Государь, пощади!“, а Прикажчик глаголет

Бий врага добрѣ, да вѣсть свое дѣло,
440 да пасет бодро, хранит стадо цѣло.

И крикнет: „Полно бити, час пустити!“. Ту приведут Блуднаго убита, к нему же речет Прикажчик

Ищи свинѣй, враже! Блюдис погубити,
ибо до смерти велю тя убити.

И отходит Прикажчик, а Блудный глаголет

Увы мнѣ! Увы! Что имам творити?
Свини погубих, хотят мя убити.
445 Гладом и хладом весма помираю
и бичми лютѣ посѣчен бываю.
О коль бѣ благо в дому отчим быти,
нежели в страны чюждыя ходити!
Хлѣб у наемник тамо избывает,
450 а мое чрево гладом погибает.
Пойду ко отцу, до ног поклонюся,
глаголя сице, пред ним умилюся:
Отче! Согрѣших на небо и к тебѣ,
прими мя поне в наемника себѣ;
465 Нѣсмь бо достоин сын твой нарещися.
О даждь ми, боже, к отцу довлещися!

И пойдет за завѣсу. Ту пѣние и intermedium, по нем пѣние паки.

Часть V