Избранные сочинения

Аз иду; ты, государь, изволь ожидати,
230 имам ти со слугами абие предстати.

Слуга за завѣсу, а блудный сядет на столцѣ и к слугам глаголет

Не добро богатому мало слуг имѣти.
С ким имам ясти, пити? Кто нам будет пѣти?
Прискорбно ми есть без слуг. Вина чашу дайте,
сами по десяти чаш полных испивайте.

Он будет пити, и слуги, наполнивши, держат в руках, и един от них глаголет

235 Тѣ чаши испиваем мы за тебе, свѣта.
Буди, государь наш, здрав на многа лѣта!

Здѣ, пивше, запоют: „На многа лѣта!“. В то время приидет слуга, искавый новых слуг, с многими слугами и речет

Радуйся, государю! Свѣтло веселися!
Се раб твой со многими слуги возвратися.

Блудный

Добрѣ, о благий рабе! Прими себѣ за то,
240 яко же обѣщах ти, сребро или злато.
Но повѣждь ми, что сии искусни творити.
Аз готов комуждо сто рублев платити.

Слуга, искавый слуг, глаголет

За мзды воздаяние ручку ти цѣлую,
о сих людѣх искусных вѣрно извѣствую,
245 Яко вси суть потребни в пути, в людех, в дому:
пити, ясти, шутити обычай всякому.

Блудный

Ха! ха! ха! ха! Ха! ха! ха! То добрии люди.
Слыш! Даждь им по сту рублев. Дай же, не забуди!

Слуга новый глаголет

Преблагий государю! За то ся кланаем,
250 а во услугах наших вѣрность обѣщаем.

Блудный

Добрѣ, слузи вѣрнии! Ну ж возвеселимся!
Общая днес нам радость, вином прохладимся.
Сядите, слузи мои! Вина наливайте,
а за наше здравие до дна испивайте!
255 Кто из вас в зерни умѣет, той сяди со мною;
прочий в карты, в тавлѣи играйте с собою;
Аще кто пройграется, та на мнѣ утрата;
а кто добре выйграет, за труд гривна злата.

Слуга зернщик

Аз бывах искусен зернию играти,
260 с тобою, государь, не хощу дерзати.

Блудный

Сяди, брате, со мною; дерзай, як у брата;
аще обыграеши, сто рублев заплата.
А вы, прочии друзи, весело играйте,
мои богатства, вземше, смѣло пройгравайте.

И тако сядут играти, и будут похищати добро Блуднаго и пройгравати, а Блудный речет к зернщику

265 Добрѣ игравши, се сто рублев тебѣ;
но щастия ради напиймыся себѣ.

И напиются.

Зернщик

Еще ли, государь, изволиш играти?

Блудный

Подвеселил есм себѣ, лучше пойду спати.

Зернщик к прочиим играющим

Востаните, братие, добрѣ послужите,
270 государя своего на постель ведите.

Един от игравших речет

Встаним, друзи, и пойдем: время почивати,
уже благодѣтель наш изволил престати.

И тако Блудный сын пойдет, сланяяся, а за ним вси.

Пѣвцы поют, и буди intermedium.

Часть III

Изыдет Блудный сын похмѣлен, слуги различно утѣшают; он обнищает

Блудный