«Хождение вкруг». Ритуальная практика первых общин христоверов

1. Мф 3:1–2. «Во дни оны прииде Иоанн Креститель, проповедуя в пустыни иудеистеи и глаголя, покаитеся, приближибося царствие небесное и прочая; на то имеется толкование в Благовестнике, тако: покаяние человеку всех грехов отстати и творити добрая дела; и царствие небесное внутре человека сокровенно: волею человек в царствие небесное входит, волею и в муку»;

2. Мф 6:2–13. «Егда же твориши милостыню, не воструби пред собою, якоже лицемеры [творят] в сонмищах и стогнах, яко да прославятся от человек: да будет милостыня твоя в тайне, и отец небесный, видя в тайне, воздаст тебе яве, и егда молишися, не буди, якоже лицемеры, егда же молишися, вниди в клеть свою и затвори дверь твою, помолися отцу в тайне и отец твои, видяй тя в таине, воздаст тебе яве, молящежеся не много глаголи, но токмо Отче наш иже еси на небесех и прочая»;

3. Мф 6:16–17. «Аще поститеся, не буди, якоже лицемери сетующе, помрачает бо лица своя да явятся человеком постящеся, ты же постяся помажи, главу твою и лице твое умыи, на то в толковании: главу помазати – Христа ради милостыню подавать по силе, главу же умывать слезами – тем есть очищаются греси, на то и в блаженных глаголется тако: блаженны плачущии яко тии утешатся; блаженны милостивыи, яко мии помилованы будут и прочая; и идеже сокровище ваше, ту и сердце будет»;

4. Мф 7:13–14. «Внидите узкими враты, пространная же врата и широк путь вводяй в пагубу и многие суть входящеи им, узкая же врата и тесен путь вводяи в живот вечныи и мало их есть иже обретают его»;

5. Мф 7:19. «Всяко убо древо, не творящее плода добра, посекают и во огнь вметают»;

6. Мф 7:24. «Всяк аще слышит слово Божие и творит его, уподобляется он мужу мудру, иже созда храмину свою на камени и прочая»;

7. Мф 10:16. «Се аз посылаю вас яко овцы посреде волков, будите убо мудры яко змия и цели яко голубие[171] и прочая; на то в толковании глаголется тако: мудру подобает быти и хранити преданные заповеди господни и творити добрая дела, тем прославляется отец, иже есть на небесех, и прочая; а целу быти – то есть просту и не лукаву; аще человек наидет змию ползущу и хощет ее убити, она же главу свою хранит, а все тело отдает на биение и проходит сквозь тесную скважину, совлачается ветхия кожи и бывает вместо ветхой новая, тако человеку подобает ветхого человека, то есть всякого греха, совлачатися, обновлятися же в нового, то есть восходити на добрая дела чрез покаяние и очищати себе от всякия скверны и нечистоты яже суть неугодна Богу»;

8. Мф 10:32. «И всяк иже исповесть мя пред человеки, исповем и аз его пред отцем моим, иже на небесех, и прочая; то есть проповедати слово Божие всякому человеку и прочая»;

9. Мф 10:37–39. «Аще кто любит отца или матерь, жену или чад своих паче Бога, таковый несть Богу достоин и иже не приимет креста своего и в след Божий грядет, несть Богу достоин, обретыи душу свою, погубит ю, а иже погубит душу свою имене ради Божия и Евангелия, в животе вечном обрящет ю»;

10. Мф 16: 24–25. «Аще кто хочет по мне ити да отвержется себе и возмет крест свои, иже бо хощет душу свою спасти, погубит ю, и иже погубит душу свою мене ради и евангелия, тои спасет [в славянском тексте – обрящет. – К.С.] ю; на то в толковании: аще кто питает себя всякими сластьми и ум свои телесными порабощает страстьми, а помышляет так, что он души своеи и телу чинит пользу, тои воистину погубляет ю, а иже погубляет душу свою, сиречь постом, молитвами и прочими добрыми делы питает ю и вождествует яко рабою и свободною, поминая оное слово, аще зерно пшенично пад на землю не умрет, то едино пребудет, аще же умрет, мног плод сотворит, тако и человек аще умертвит вся своя плотския страсти и вожделения, яже суть неугодна Богу, тои наследит царствие небесное».