Хожение за три моря Афанасия Никитина (другой перевод и текстологическая обработка)

А Гурмызъ есть на островѣ, а ежедень поимаеть его море по двожды на день ⁵⁵. И тут есми взялъ 1 Великъ день ⁵⁶, а пришел есми в Гурмызъ за четыре недѣли до Велика дни. А то есми городы ⁶не всѣ писалъ, много городовъ великих. А в Гурмызѣ есть варное солнце, человѣка съжжеть.

А в Гурмызѣ былъ есми мѣсяць, а изъ Гурмыза пошелъ есми за море Индѣйское по Велице дни в Фомину недѣлю ⁵⁷, в таву с коньми ⁵⁸.

* Прим. 30 см. в Летописном изводе.

ВО

-х-

л. 372 и шли есмя моремъ до Мошката ⁶⁹10 дни; а от Мошката до II Дѣгу ⁸⁰4 дни; а от Дѣга Кузряту ⁶¹, а от Кузрята Конбату ⁸², а тутъ ся родить краска да лекъ ⁸³. А от Канбата к Чивилю ⁶⁴, а от Чивиля есмя пошли в семую недѣлю по Велицѣ дни, а шли есмя в тавѣ 6 недѣль моремъ ⁸⁵до Чивиля.

И тутъ есть Индѣйскаа страна, и люди ходятъ нагы всѣ, а голова не покрыта, а груди голы, а волосы в одну косу плетены. ⁶⁸А всѣ ходят брюхаты, дѣти родятъ на всякый год, а детей у них много. А мужы и жены всѣ черны, яз хожу куды — ино за мною людей много, дивятся бѣлому человѣку. А князь их — фота ⁶⁷на головѣ, а другаа на бедрах ⁸; а бояре у них ходить — фота на плещѣ, а другыя — на бедрах; а княгыни ходятъ — фота на плечемъ обогнута, а другаа на бедрах. А слугы княжия и боярьскыя — фота на ⁶бедрахъ обогнута, да щит, да мечъ в руках, а иныя с сулицами ⁸, а ины с ножи, а иныя с саблями, а иныи с лукы и стрелами, а всѣ нагы, да босы, да болкаты ⁶⁸; а жонки ходят — голова не по- л. 372 об. крыта, а груди голы; II а паропкы да девочкы ходят нагы до 7 лѣт, а сором не покрытъ.

А изъ Чювиля пошли есмя сухом до Пали 8 дни до индѣйскыя горы ⁶⁹. А от Пали до Умри ⁷⁰10 дни, то есть городъ индѣйскый. А от Умри до Чю- нейря ⁷¹6 дний, и тут есть Асатъхан Чюнерьскыя индѣйскыя, а холопъ меликътучяровъ ^{8 72}, а держить, сказываютъ, седмь темь от меликтучара. А меликтучаръ сѣдит на 20 тмах, а бьется с кафары 20 лѣт есть, то его побиють, то он побивает ⁶ихъ многажды ⁷³. Ханъ же езди на людех ⁷⁴, а слоновъ у него и коний много добрых. А люде у него много хорозап- цевъ ⁷⁶. А привозятъ их ⁷⁶изъ Хоросаньскыя земли, а иныя из Орабань- скыя земли, а иныя ис Тукърмескыя земли, а иныя ис Чеготаньскыя земли ⁷⁷, а привозить все моремъ в тавах — Индѣйскыя земли корабли, л. 373 и _язъгрѣшный привезлъ жеребьца в ЬІндѣйскую II землю, дошел есми до Чюнеря богъ дал поздорову все, а стал ми сто рублевъ ⁷⁸. Зима же у них стала с Троицина дни ⁷⁹. А зимовали есмя в Чюнѣйрѣ, жили есмя два мѣсяца; ежедень и нощь 4 мѣсяца, а всюда вода да грязь. В тѣ же дни у них орють да сѣютъ пшеницу, да тутурганъ, да ногут, да все съяст- ное. Вино же у нихъ чинятъ в великы орѣсех — кози гундустаньскаа, а брагу чинят в татну ⁸⁰. Кони кормить нохотом, да варять кичирисъ ⁸с сахаромъ да кормить кони да с масломъ, порану же даютъ шьшени ⁸¹. Во Индѣйской же земли кони ся у нихъ не родят, въ их земли родятся волы да буволы, на тѣх же ѣздѣть и товаръ иное возить, все дѣлаютъ.

Чюнеръ же град есть на острову на каменомъ, не дѣланъ ничим, бо- гомь сътворенъ; а ходить на гору день ⁸²по единому человѣку, дорога тѣсна, пойти нелзя.

Во Индѣйской земли гости ся ставятъ по подворьемъ, а ѣсти варять л. 373 об. на гости господарыни ⁸³, и постелю стелють, и спять с гостьми. || Сикишь илересънь ду житель ⁸⁴берсень, достурь авратъ чектуръ, а сикишь му- футъ; а любятъ бѣлых людей.

Зимѣ же у них ходятъ люди фота на бедрах, а другаа на плещем, а третья на головѣ. А князи и бояря тогда въздевають на собя порткы, да сорочицу, да кавтанъ ⁸, да фота по плечемъ, да другою ся опояшеть.

а третьею фотою главу обертить; а се оло, оло абрь, оло акъ, оло керимъ, оло рагымъ ⁶.

А в томъ Чюнерѣ ханъ у меня взял жерепца, а увѣдал, что яз не бесер- менинъ, русинъ. И онъ молвит: «И жерепца дам, да тысячю золотых ⁸⁶дам, а стань в вѣру нашу в Махмѣт дени. А не станешь в вѣру нашу в Махмет дени, и жерепца возму и тысячю золотых на главѣ твоей возму». А срокъ учинил на 4 дни, въ говѣйно Успении на Спасовъ день ⁸⁸. И господь богъ смиловася на свой честный праздникъ, не отстави от меня милости своея грѣшнаго, и не поіівелѣ погыбнути в Чюнерѣ с нечестивыми. И канун ^л- ³⁷⁴Спасова дни приѣхал хозяйочи Махмет хоросанець ⁸⁷, билъ есми челомъ ему, чтобы ся о мнѣ печаловалъ; и он ѣздилъ к хану в город, да мене отпросил, чтобы мя в вѣру не поставили, да и жерепца моего у него взялъ.

Таково господарево чюдо на Спасовъ день! ^аИно, братья ⁶русьстии христи- яне, кто хочеть пойти в Ындѣйскую землю, и ты остави вѣру свою на Руси, да въскликну® Махмета, да пойди в Густаньскую землю.

Мене залгали псы бесермена ^г, а сказывали всего много нашего товару, ано нѣтъ ничего на нашу землю; все товаръ бѣло на бесермьньскую землю: перець да краска ⁸⁸, то дешево; ино возят аче моремъ, иныи пошлины не дають ⁸⁹. А люди иные намъ провести пошлины не дадут, и пошлины много, а разбойников на море много, а розбивають все кофары ⁹⁰, ни кристияне, ни бесерьмена, а молятся каменнымъ болваномъ, а Христа не знають.