Первая Ливонская война, 1480–1481 годы. Документы

Unßen vruntlicken groith, na gehöre. Wettet, erßamen unde vorsichtigen nähere, so unde alße wie denne sodanen groten uncristlicken schaden, roff, morth, branth entfongen, afffanginge der lüde, affdrenginge der lande, watere, ströme unde visscherie so wall yn des stichts Rige, Darppt alse yn unnses ordens landen, unde sonderlicks den klegelicken vorderff, de gescheen is, do gie de Moßkowere leit sageden yn unses ordens lande Harrien, Wirlant alientacken, dar unsen leven unde gtruwen Bertram Walgarden gefangen unde mith iw to Pleßkow upp 1.600 marck geschattet warth mit vorspildinge, damp gdaen, an bescheminge juncfrowen unde frowen, an afsnydinge menlicker könne, stekende in de munde der frowen unde de brüste der frowen yn de munde der menne, an dopinge der unnsen in iwe ее, an afsnydinge der unnßen nesen unde oren, an affhowinge hande unde vote unde hessende, an upsnydinge der swangeren frowen, de vrücht uthme live nemende unde steckende yn de staken, an uthnemynge der dermen uth den luden, de hefftende an de bome unde de lüde dwingende, dat se umb de borne lepen unde ere [ei]gene dermen unde ingeweide uthriten mosten, dat doch noch heiden, Joden, ketter noch Saracenen doen, alles yn gudem frede unde baven de crutczkus singe, unde nemptlick anthovynge unßir baden wall 33 wecken, se schattende im veligen beküsseden frede tegen Goth, ere unde recht, dat sick lopet an schattinge, kost, teringe unde vorspildinge unde schade damp gedaen unde geleden baven dusent Rigesche marck vaken vele unde tho meir tidene vorfordem hebben laten unde uns doch ny recht noch gelick vor ungelick hefft mögen weddirfaren, sien dorch sulcke uncristlicke, unmynßlicke iwe manichvoldige oveldaith gedmngen van naturlicker cristlicker plicht, uns in eigener personen upthomakende, unde hebben sodanen jamerlicken schaden vorgenompt dorch den erewirdigen in Got vader unde herrn, herm Symon van der Borch, der kercken Revall bisschopp, unde de erßamen unse gebedigere Revall unde Margenborch nw laten vorfordern unde ok darna myntlick vorforderth, vorderen unde vormanen iw noch in unde mith crafft dusses breves, dat gie uns den vorgenanten schaden, schattinge, gwalt unde unrecht wedderleggen unde ock sodane gelt, alse gie unnßen baden affschattet hebben, mith allem schaden unde vorspildinge, damp gelopen, mith den ersten senden. So willen wir iwe baden loß geven unde to hwß schicken. Hedden gie unße baden nicht getoveth unde geschattet, wie woldent den iwen node gebaden hebben, angeseen, dat, wie sodane tovynge der bade ny tovoren gedaen, sonder nw van iw gelerth hebben, unde gedencken, ock forder meir nene baden to tovende, so wie solck gelt vorberort unsen baden affgeschattet weddir hebben, unde ock vordermer unse bade ungetoveth unde ungeschattet bliven. Können wall irkennen, dat vögele, wulve noch baren nicht badeschopp twissehen den luden werven mögen, sonnder der lüde, de na inholt der emtezekussinge eren vrien veligen wech sollen hebben, dar to gebmken, morth, dath, gebreck ock nicht an uns, sonder an iw is befunden. Unde wes wie uns hir inne vormoden unde befynden sollen, begern wie mith den ersten iwe schrifftlicke eddir muntlicke antworth, dama wie uns mögen richten, upp dat uns nicht von noden sie, hoger unde forder wrake umb vorgenomder dinge unde sake willen to donde. Wo dem so nicht geschege, gedencken wie mith Gadiß hulpe, uppt aller hogesten wie können unde mögen, wrake to donde unde nicht afftolatende, sodane schade, gefangene unde schattinge so woll der stichte Rige, Darppte alße unss unde unsir lande sie vullenkomelicken weddirlacht, geloset, vomoget unde betalt. Unde latet iw disse klene warninge der wrake nicht to na, sonder eyne vormaninge sien. Geschutt uns nicht gelick unde recht, mothen wie hogern unde fordern vlith also ankeren, dat uns van allen parten desser lande gelick vor ungelick geschee, so woll den stichten Rige, Darppte alse uns unde unnsen landen. Hirinne wettet gentczlick to richten etc.

47

Письмо ливонского магистра Берндта фон дер Борха в Ревель с сообщением, что из Дюнабурга пришло известие о намерении псковичей напасть на Ливонию; следует готовиться к войне и поддержать его, магистра, новые требования к русским. 24 сентября 1480 года.

TLA, ВВ 24 III, f. 69.

Почтенным и осмотрительным мужам, бургомистрам и ратманам нашего города Ревеля, нашим особенным подданным. Денно и ночно без промедления делайте то, о чем здесь сказано.