Послания Ивана Грозного

преступлению все человечество прелестию тогда покровено бысть и врагу

поработившуся, сего ради Иизраилты часто заповеди Божия преступаху,

прелыцающеся делы беззаконных язык. Богу же на них овогда гневающуся

193

и предавающу в порабощенье языком иноплеменным, овогда ж милующу и

свобождающу; егда убо отступаху от Бога и поклоняхуся идолом, тогда

предавше их, егда же взыскаху Господа, тогда свобожаше их. Сего ради и

сходя к немощи их и жертвы попусти им творити, не яко хотя от них сего,

но немощий сих попуская быти; аще и жрут, но токмо бы истинному Богу

жертву творили, а не бесом. Тако бысть и до Самоила пророка. Но

человека есть нечисть родственная, не восхотеша Иизраилтяни под

Божиим имянем быти и водими быти праведными слугами его, просиша

себе царя, и Богу вельми на них за сие прогневавшуся и дасть им царя

Саула. И много напасти претерпеша, и Бог милосердова о них и воздвиже

им праведника Давида царя и царьство распространи. Се первое

благословение царству бысть: Бог, сходя к немощи человечестей, и царство

благослови. Таж умножившимся человеком и царьством и властей и

беззаконию растущу, Бог же не презре рода человеча от диявола мучима.

Первое посла пророки провозвещающе пришествия Божия Слова, о гресе

обличающе и о беззаконии; они же немысленнии быша, врагу ими

владущу, и пророкы избиша, и больма нечествоваша. Таж человеколюбия

ради сам Господь-Сын, Слово Божие вопнотитися изволи от пречистыя

Матере, спасение содела посреди земля человеком. И исперва убо царствие

отверже, якоже рече Господь во евангелии, юже есть высоко в человецех,

мерзость есть пред Богом, таж потом и благословие, якоже божественным

своим рожеством Августа кесаря прославив в его же кесарьство родитися

благоизволи, и его и тем вспрослави и распространи его царство, и дарова

ему не токмо римскою властию, но и всею вселенною владети, и Готфы, и

Савроматы, и Италия, вся Далматия и Натолия и Макидония и ино бо - Ази

и Асия и Сирия и Междоречие и Египет и Еросалим, и даже до предел

Перских. И сице обладающу Августу всею вселенною и посади брата

своего Пруса во град глаголемый Малборок и Торун и Хвойницу и

преславный Гданеск по реке глаголемую Неман, яже течет в море

Варяжское. Господу же нашему Исусу Христу смотрения тайну

совершившу, посла божественныя своя ученики в весь мир просветити

вселенную. Оным же яко крылатым всю вселенную обтекше им, и слово

Божие проповедающе. И понеже всюду греху царьствующу и нечестию

обладающу, царие и князи и местоблюстителя и обладатели вси дьяволу

поработившуся и супротившуся, и побита их, таж и учеников, святителей и

священников и простых множество показаша мучеников. И от Августова

царства в Риме даже до лет Максентия и Максимияна Галера сие гонение

бысть на християны. Господь же наш Исус Христос не презре моления раб

своих, еще же и к матерним мольбам ( Испр.; в ркп. больбам. ) призирая, и

свое обетование исполняя, яко же: се аз с вами есть до скончания века сего,

аминь, - и сице воздвиже благочестия корень - великого во благочестии

сияюща Констянтина Флавия, царя правде християнска, священство и

царство во едино, и оттуда повсюду християнская царьствия умножишася.

Тажь по благоволению в Троицы славимого Бога в Росийской земле

воздвижеся царствие сице якоже выше рех, еже Август кесарь римский,

194

обладали всею вселенною, постави брата своего Пруса, иже

вышепомянутый. И живоначалные троицы десницею и милостию

воздвижеся царьство в Руси сице: под Пруса четвертое надесять колено

Рюрик прииде нача княжити в Русии и в Новегороде, иже сам прозвася

великий князь и град Великий Новъград нарече. Сын же его Игор

преселися на Киев и тамо царьствия скифетры Росии положи, и на Грекех

дань емляше и в Переславце Дунайстем живяше, иже есть Бен и Бедна.

Таж что по сих? В Троицы славимый Бог милосердием своим призре на

нашу Росийскую землю, сего Святославова сына великого Владимера в

познание истинны приведе и светом благочестия просвети, славити себя

истинного Бога Отца и Сына и Святого Духа во единстве поклоняемого, и

избра его, якоже второго Павла, в державных сединах и царя правды

християнска во крещение воздвиже, якоже великого Констянтина. Якоже

рече божественный апостол Павел: никая же владычества не от Бога

учинена суть, всяка бо душа владыкам превладущим да повинуется; темже

и противляяйся власти, Божию повеленью противится, и никому же повеле

в чюжая пределы преступати. Мы же хвалим, благословим, покланяемся

Господу в трех лицах, во едином же существе, поем и превозносим его во

веки, якоже воздвиже нам рог спасения, яже в дому Давида раба своего,

тако в дому блаженного великого Владимера во святом крещении Василия.

Сего убо трисиянного единственного Божества милостию и благоволением