Путь спасения души. По творениям преподобного Симеона Нового Богослова

Желаете ли знать, как Христос исполнил закон и пророков, как говорит Сам Он? Послушайте. Закон говорит: не убий, а Христос: не гневайся; закон: не прелюбодействуй, а Христос: не похотствуй; закон: не клянись ложно, а Христос: совсем не клянись. Рассуди теперь: кто не гневается, тому как возможно убить? Кто не допускает похотствования, тому как возможно соблудить? Тому, кто совсем не клянется, как можно поклясться ложно? Итак, Христос Господь законом Духа, то есть Евангелием, отсекает от души корни грехов, и это есть исполнение закона, — то, чтоб кто не за какое-нибудь дело оправдывал себя или считал себя праведным, но чтоб во всем и пред всеми был как мертвый, чтоб уж совершенно ничем не смущаться и не тревожиться, и не вздорить с теми, которые опечаливают его чем-либо прискорбным, но жить вполне по заповедям Христа Господа и исполнять ревностно Его повеления. Все заповеди Христовы даны нам в противность грехам; в этих заповедях надлежит жить и их ревностно исполнять всякому, кто желает сподобиться царствия небесного; для всего же прочего надо быть бездейственну и мертву. Христос Господь говорит: аще пребудете во Мне, и глаголы Мои в вас пребудут, егоже аще хощете, просите, и дастся вам (Ин. 15: 7). Последуем же слову Христову с усердием и ревностию, пока достигнем того места, где пребывает Христос. (1, ч.2, с. 99–100.)

Акафист святому Архангелу Михаилу

(чтомый о помощи против диавола — во время вражеских нападений и духовной брани)

Кондак 1

Избрáнный Небе́сных сил воевóдо и рóда челове́ческаго застýпниче, сие́ тебе́, и́же тобо́ю от ско́рбных избавля́еми, благода́рственное прино́сим пе́ние: ты же, я́ко предстоя́й Престо́лу Царя́ Сла́вы, от вся́ких нас бед свобожда́й, да с ве́рою и любо́вию в похвалý тебе́ зове́м: Ра́дуйся, Михаи́ле, вели́кий Архистрати́же, со все́ми Небе́сными си́лами.

Икос 1

Я́ко а́нгельских огнезра́чных ли́ков предстоя́теля, а́нгельскими ýбо и язы́ки подоба́ше восхвали́ти тя, Михаи́ле; но до́ндеже вразумля́емии тобо́ю навы́кнем безпло́тных глаго́лом, услы́ши, а́ще и от челове́ческих, оба́че благода́рных усте́н, сицева́я: Ра́дуйся, звездо́ ми́ра первоо́бразная; Радуйся, све́ще и́стины и пра́вды златоза́рная. Ра́дуйся, луче́й све́та несозда́ннаго пе́рвый во а́нгельских ликостоя́ниях прие́мниче; Ра́дуйся, А́нгелов на́чальниче. Ра́дуйся, в не́мже наивя́щше светле́ется сла́ва Тво́рческия Десни́цы; Ра́дуйся, и мже красýются собо́ры всех суще́ств безпло́тных. Ра́дуйся, Михаи́ле, вели́кий Архистрати́же, со все́ми Небе́сными си́лами.

Кондак 2

Прови́дяще ве́ры оче́сы вели́чие духо́вныя красо́ты и со́лу молниено́сныя десни́цы твоея́, Арха́нгеле Бо́жий, мы, я́ко земни́и и пло́тию обложе́ннии, удивле́нием, ра́достию и благодаре́нием ко Творцý вся́ческих исполня́емся, зовýще со все́ми Небе́сными си́лами: Аллилýиа.

Икос 2

Ра́зум чист и свобо́ден от страсте́й испроси́ нам, пречýдный Михаи́ле, Небе́сных чи́нов нача́льниче, да, возне́сшеся мы́слию от земны́х к Небе́сным, хвале́бную песнь воспое́м ти си́це: Ре́дуйся, Бо́жия неизрече́нныя красоты́ и добро́ты ближа́йший зри́телю: Ра́дуйся, всеблаги́х сове́тов Пресвяты́я Тро́ицы пре́искренний таи́нниче; Ра́дуйся, преве́чных суде́б Тро́ических ве́рный исполни́телю; Ра́дуйся, емýже с любо́вию удивля́ются Небе́сная во́инства. Ра́дуйся, его́же с ве́рою прославля́ют земноро́днии; Ра́дуйся, его же трепе́щут а́дския си́лы. Ра́дуйся, Михаи́ле, вели́кий Архистрати́же, со все́ми Небе́сными си́лами.

Кондак 3

Си́лу необори́мыя ре́вности по сла́ве Бо́жией в себе́ явля́я, стал еси́ во главе́ лико́в а́нгельских, Михаи́ле, проти́ву ды́шащаго зло́бою прего́рдаго Денни́цы, емýже со те́мными клевре́ты его с высоты́ небе́сныя в преиспо́днюю низве́ржену сýщу, во́инства Небе́сная, тобо́ю пресла́вне води́мая, с весе́лием, я́ко еди́ными усты́, пред Престо́лом Бо́жиим возгласи́ша: Аллилýиа.

Икос 3

И́мать тебе́, Арха́нгеле Михаи́ле, весь род христиа́нский вели́ка застýпника и ди́вна во бра́нех с проти́вными помо́щника; сего ра́ди пречýднаго покро́ва твоего́ сподо́битися жела́юще, в день торжества́ твоего́ взыва́ем ти си́це: Ра́дуйся, и мже сатана́, я́ко мо́лния, с небесе́ низве́ржеся; Ра́дуйся, и́мже храни́мый род челове́ческий к небеси́ восхо́дит. Ра́дуйся, всесве́тлаго ми́ра Го́рняго преди́вное украше́ние; Ра́дуйся, па́дшаго ми́ра до́льняго пресла́вное заступле́ние. Ра́дуйся, николи́же си́лами зла побежде́нный; Ра́дуйся, со все́ми А́нгелы Бо́жиими в и́стине и пра́вде на ве́ки благода́тию Бо́жиею утвержде́нный. Ра́дуйся, Михаи́ле, вели́кий Архистрати́же, ее все́ми Небе́сными си́лами.

Кондак 4

Бýри искуше́ний и бед изба́ви нас, А́нгелов первопресто́льниче, с любо́вию и ра́достию пресве́тлое торжество́ твое́ соверша́ющих; ты бо́еси в беда́х вели́кий помо́щник и в час сме́рти от злых духо́в храни́тель и застýпник всех, вопию́щих твоемý и нýшему Влады́це и Бо́гу: Аллилýиа.

Икос 4