Путь спасения души. По творениям преподобного Симеона Нового Богослова

Ви́дяще твое́ проти́ву по́лчищ сатани́нских дерзнове́ние, вси́чи нове́ а́нгельскии с ра́достию подвиго́шася во след тебе́ на брань за и́мя и сла́ву своего́ Влады́ки, вопию́ще: кто я́ко Бог? Мы же, ве́дуще сатанý под нога́ма твои́ма пове́ржена, тебе́, я́ко победи́телю, зове́м: Ра́дуйся, и́мже мир и тишина́ на небеси́ водвори́шася; Ра́дуйся, от него́ же дýхове зло́бы да́же до а́да низложи́шася. Ра́дуйся, а́нгельския во́инства и си́лы ми́ра неви́димаго ко истребле́нию зла направля́яй; Ра́дуйся, прю и возмуще́ние стихи́й ми́ра ви́димаго незри́мо укроща́яй.

Ра́дуйся, подъе́млющих брань к духово́м зло́бы поднебе́сным ди́вным спобо́рниче; Ра́дуйся, изнемога́ющих во искуше́ниих и напа́стех ве́ка сего́ кре́пкий и помо́щниче. Ра́дуйся, Михаи́ле, вели́кий Архистрати́же, со все́ми Небе́сными си́лами.

Кондак 5

Богото́чный исто́чник превели́ких чуде́с яви́лся еси́ во хра́ме твое́м, и́же в Хо́нех; не то́чию бо змий вели́кий и стра́шный, на ме́сте том пребыва́вый, си́лою твое́ю потреби́ся, но и струи́ во́дныя, вся́кий недуг теле́сный врачýющия, откры́шася, да вси прославля́ ющему тя Влады́це А́нгелов с ве́рою зовýт: Аллилýиа.

Икос 5

Слы́шаще и ве́дуще тя, я́ко свети́ло вели́кое, посреде́ лико́в а́нгельских блиста́ющася, пречýдный Михаи́ле, к тебе́, по Бо́зе и Пресвяте́й Ма́тери Бо́жией, прибегае́м: озари́ луча́ми све́та твоего́ всех нас, вопию́щих ти си́це: Ра́дуйся, вождю́ и храни́телю в пусты́ни наро́да богоизбра́ннаго; Ра́дуйся, высо́кий посре́дниче зако́на, рукою́ Моисе́я на Сина́и да́ннаго. Ра́дуйся, у него́ же судии́и вожди́ Израилевы́ си́лу и покро́в обрета́ху; Ра́дуйся, чрез него́ же проро́цы и первосвяще́нницы иуде́йстии дар ве́дения от всеве́дущаго Бо́га приима́ху. Ра́дуйся, богобоя́зненныя законода́вцы та́йною премýдростию снабдева́яй; Ра́дуйся, суд и пра́вду творя́щим бла́гость на се́рдце полага́яй. Ра́дуйся, Михаи́ле, вели́кий Архистрати́же, со все́ми Небе́сными си́лами.

Кондак 6

Провозве́стника тя Бо́жиих суде́б егда́ ýзре не́когда Мано́е, недоуме́ния и стра́ха испо́лнися, мня не жи́ти ктомý на земли́; науче́н же от жены́ своея́ о бла́гости явле́ния и кро́тости слове́с твои́х, в ра́дости о име́вшем роди́тися, по словеси́ твоемý, сы́не свое́м Сампсо́не, благода́рне возопи́ Бо́гу: Аллилýиа.

Икос 6

Возсия́л еси́ пречýдно сла́вою, Михаи́ле, егдо́во о́бразе челове́честе пред Иисýсом Нави́ном стал еси́, глаго́ля: иззýй сапо́г с ногý твое́ю, — аз есмь Архистрати́г си́лы Госпо́дни. Таково́му явле́нию твоемý чудя́щеся, с любо́вию вопие́м ти: Ра́дуйся, богове́нчанных глав неусы́пный охрани́телю; Ра́дуйся, противля́ющихся вла́сти, я́ко Бо́жию пове́лению проти́вящихся, ско́рый низложи́телю. Ра́дуйся, усмири́телю наро́дных треволне́ний; Ра́дуйся, незри́мый упраздни́телю злочести́вых обы́чаев. Ра́дуйся, я́ко ты просвеща́еши сомня́щихся в час лю́тых недоуме́ний; Ра́дуйся, я́ко ты исхища́еши искуша́емых от пагубоно́сных наважде́ний. Ра́дуйся, Михаи́ле, вели́кий Архистрати́же, со все́ми Небе́сными си́лами.

Кондак 7

Хотя́й Влады́ка вся́ческих показа́ти, я́ко жре́бии сыно́в челове́ческих не самослуча́йнии суть, но в Десни́це Его вы́ну соде́ржатся, да де́тя ца́рствам земны́м застýпника и храни́теля, да племена́ и наро́ды к ве́чному Ца́рствию Бо́жию уготовля́еши; сего́ ра́ди вси, ве́дущии о вели́цем служе́нии твое́м спасе́нию челове́ческому, благода́рне зовýт Бо́гу: Аллилýиа.

Икос 7

Но́вая чудеса́ показа́ нам, Архистрати́же, тобо́ю на земли́ всех чуде́с Творе́ц и Влады́ка, егда́ храм, во и́мя твое́ созда́нный, от потопле́ния вода́ми ре́чными ди́вно спасл́еси стрýям пото́ка в не́дра земна́я устреми́тися повеле́вый; е́же ви́дя блаже́нный Архи́пп с духо́вными ча́ды свои́ми, благода́рне к тебе́ возопи́: Ра́дуйся, святы́х хра́мов Бо́жиих несокруши́мая огра́до; Ра́дуйся, враго́м ве́ры Христо́вы необори́мая прегра́до. Ра́дуйся, его́же веле́нию стихи́ и покоря́ются; Ра́дуйся, и мже вси зло́бнии за́мыслы сокруша́ются. Ра́дуйся, ве́рным ра́дость от Престо́ла Вседержи́теля износя́щий; Ра́дуйся, неве́рных на стезю́ пра́вды и и́стины приводя́щий. Ра́дуйся, Михаи́ле, вели́кий Архистрати́же, со все́ми Небе́сными си́лами.

Кондак 8

Стра́нное чýдо си́лы твоея́, Архистрати́же Бо́жий, уве́де на себе́ Аввакýм, егда́ по ма́нию Бо́жию восхи́тив, прине́сл еси́ его́ скороте́чне от Иуде́ и в Вавило́н, да́ти пи́щу Дании́лу, в ро́ве со львы заключе́ну; те́мже уди́влься превели́ кому́ де́йствию си́лы твоея́, возопи́ с ве́рою: Аллилýиа.

Икос 8

Весь еси́ в вы́шних, Михаи́ле, Престо́лу Царя́ Сла́вы предстоя́й, не дале́ к еси́ и от ни́жних, ра́туя вы́ну со врага́ми спасе́ния челове́ческаго; те́мже вси, вожделе́ннаго Оте́чества Небе́снаго дости́гнути хотя́щии, согла́сно тебе́ зовýт: Ра́дуйся, нача́льниче трисвята́го а́нгельскаго пе́ния; Ра́дуйся, земноро́дных при́сно гото́вый предста́телю и храни́телю. Рáдуйся, прего́рдаго фарао́на с неве́рными египтя́ны порази́вый странноо́бразно; Ра́дуйся, ве́рныя иуде́и путеводи́вый в пусты́ни пресла́вно. Ра́дуйся, и́мже угаси́ся пла́мень пещи́ вавило́нския; Ра́дуйся, Михаи́ле, вели́кий Архистрати́же, со все́ми Небе́сными си́лами.

Кондак 9