Том 14 (Конец XVI - начало XVII века, подступы к решительным переменам)

Чюдодесятое. Некая инокиня поведа имя свое Маремиана Извекова, из Зачатейскаго монастыря,[178] и поведа о себе: болеша у нея очи 2 года, и приидоша помолитися ко царевичеву гробу, — и в том часе прозрела молитвами святаго благовернаго царевича Димитрия.

Чюдо 11. Некая жена поведа имя свое Феодосия, болели у нея очи 15 летъ, и во главе бысть у нея великий лом. И како она притекши ко гробу святаго благовернаго царевича Димитрия и утерши очи и главу покровомъ, который на мощех святаго царевича Димитрия, — и в томъ часе исцеле молитвами его.

Чюдо 12. Некая жена поведа имя свое Фекла, яко не виде она многое время, и пришедъ помолитися ко гробу святаго царевича Димитрия, и приложися к мощем его, — и в томъ часе прозре окомъ единемъ молитвами святаго благовернаго царевича Димитрия.

Чюдо 13. Некая девица поведа имя свое Мавра, не виде она очима света полтора года, и приведоша ю ко гробу святаго благовернаго царевича Димитрия, — и в томъ часе прозре молитвами его.

Чюдо 14. Некий человекъ поведа имя свое Симеонъ Стефановъ, стражь Вознесенского монастыря,[179] одержимъ былъ лютою болезнию, бе бо разслабленъ бывъ полтора года. И вместися ему во умъ: дошелъ бы ко гробу святаго царевича Димитрия, — и поидоша зело понуждаяся, и претерпе от множества народа тесноту, и топтания ножная со благодарением восприятъ. И обнащевалъ у гроба святаго царевича Димитрия, и усну мало, — и виде во сне явление: пришедъ к нему отрокъ младъ во светле одежди и глагола ему з запрещениемъ: «Востани, что седиши!», — и возбну от сна, и ужасеся зело, и обья его страхъ. И от того часа послыша в себе силу, а болезнь забыша. И воставъ, пришед ко гробу святаго царевича Димитрия и бысть совершенно здравъ молитвами его.

Чюдо 15. Некая жена поведа имя свое Евдокия, болеша у нея очи 4 года и 10 недель, и приведоша ю ко гробу святаго царевича Димитрия, — и прозре молитвами его.

Чюдо 16. Некая жена, вдова, поведа имя свое Мавра, а житие ея у Спасского монастыря Новаго,[180] из слободы, что на Крутицах, не виде нимало света от ослепления 7 летъ и велми скорбя, мнеша и умрети от тоя болезни. И приведоша ю ко гробу святаго царевича Димитрия, — и прозре в томъ часе молитвами его, благодаря Бога и святаго благовернаго царевича Димитрия.

Чюдо 17. Некая жена поведа о чюдеси святаго царевича Димитрия: не виде она окомъ единемъ 20 летъ, и приведоша ю ко гробу святаго царевича Димитрия (токмо поведа, что она Иоаннова Мясоедова жена, а имени своего не поведа), — и в кий часъ приведоша ю ко гробу святаго, в томъ часе и прозре молитвами его, и благодаря Бога и святаго царевича Димитрия, и бысть здрава.

Чюдо 18. Некая девица поведа свое имя Анна и поведа житие свое на Москве у Георгиевского священника[181] у Василия, — от рождения ея на 4-мъ году заболеша у нея нога, и многое время пострада от нея. И приведоша ю ко гробу святаго царевича Димитрия, — и в томъ часе исцеле и от тоя болезни бысть здрава молитвами святаго благовернаго царевича Димитрия.

Чюдо 19. Некая жена поведа имя свое Ирина, быша слепа 7 летъ и прозреша молитвами благовернаго царевича Димитрия у гроба его.

Чюдо 20. Некая жена поведа имя свое Мавра, была она глуха многое время, и помолишася ко Господу Богу и святому благоверному царевичю Димитрию у гроба его, — и в той часъ получиша исцеление, и нача слышати по-прежнему.

Чюдо 21. Некая жена поведа имя свое Агафия и поведа о себе: была она слепа многое время, и приидоша ко гробу святаго царевича Димитрия, и помолишася, — и в томъ часе исцеле молитвами его, прозре совершенно.

Чюдо 22. Некая жена поведа имя свое Марфа, Василия Белугина жена, не виде она от слепоты 15 летъ, — и у гроба святаго царевича Димитрия прозре молитвами его.

Чюдо 23. Некая девица поведа имя свое Евфимия и поведа о себе, что была слепа 2 года, — и у гроба святаго царевича Димитрия прозре молитвами его.

Чюдо 24. Некий человекъ именемъ Ануфрий поведа, яко бесновася онъ[182] 10 летъ, зле пострада от тоя болезни, и помолися у гроба святаго царевича Димитрия, — и исцеле молитвами его.

Чюдо 25. Некая девица поведа имя свое Анна, а житие свое поведа: живетъ на Кулишках[183] у посадского человека у Иякова; не виде она многое время, и помолися Господу Богу, предстоя у гроба святаго царевича Димитрия, и помолишася святому царевичю Димитрию, — и в томъ часе прозре молитвами его.

Чюдо 26. Некто отрокъ поведа имя свое Симеонъ, Димитриевъ сынъ, не виде левымъ окомъ, — и у гроба святаго царевича Димитрия прозре молитвами его.

Чюдо 27. Некая инокиня поведа имя свое Улияния, а житие ея в Зачетейском монастыре, не виде 10 летъ, — и у гроба святаго царевича Димитрия прозре молитвами его, и виде совершенно.

Чюдо 28. Некая жена поведа имя свое Ирина, а житие свое поведа — Тимофеева дому Витофтова, болела у нея нога левая 2 годы, — и от гроба святаго царевича Димитрия и исцеление получила, и бысть здрава.

Чюдо 29. Некая жена поведа имя свое Евдокия, а мужь ея именемъ Исидоръ, болели у нея очи 2 годы, и предста у гроба святаго царевича Димитрия, — и исцеле молитвами его.