Том 17 (XVII век, литература раннего старообрядчества)

Человек города Переславля Залескаго посаду церкви Симеона Столпника, диаконов сын, по имени Иакинф, одержим был болезнию тяжкою и разслаблен был до того, что не мог приподнять главы своея, и был в болезни сей десять месяцов. Отец же его привождаше к себе врачев и ничтоже от врачевания успевшу, но паче в горшая пришедшу, и болезнь тягчае бысть. И слышав о чудесех преподобныя великия княгини Анны, яко подает исцеления ко святому гробу ея прикасающимся с верою многа и различна, и привезе сына своего Иакинфа в Кашин в соборную церковъ Воскресения Христова и ко гробу преподобныя княгини Анны, и положи его у гроба преподобныя. И молебная пения певше Воскресению Христову и преподобной княгине Анне, оному же Иакинфу лежащу на одре своем и молящуся со слезами, милости прося от Бога о исцелении своем. И по окончании молебнаго пения благословиша его крестом, и окропиша святою водою, и приложиша его ко гробу преподобныя княгини Анны. И абие в часе человек той Иакинф здравие получи молитвами преподобныя Анны, и отъиде в дом свой здрав, радуяся и славя Бога и преподобную благоверную великую княгиню Анну.

Чудо 17[3707]

Кашинскаго посацкаго человека, именем Сидора[3708], жена его Екатерина болна была главною болезнию и умом помутилась, и была в той болезни полтора года, и искаше от вречев исцеления, и не возможе получити, но паче тяжчае болезнь бысть. И привезоша ее в соборную церков Воскресения Христова и к мощем преподобныя великия княгини Анны, и певше молебен Воскресению Христову и преподобной. И по окончании молебна оную жену крестом священнику благословившу и святою водою покропившу, и ко гробу приложившу, и в той час Бог дал той Екатерине исцеление молитвами преподобныя княгини Анны, и ум стал цел по-прежнему, и отъиде в дом свой, радуяся и славя Господа Бога и Пречистую Богородицу и преподобную благоверную великую княгину-инокиню Анну.

Чудо 18[3709]

Человек некий Никита Иванов, Кашинскаго уезду села Горки[3710], одержим был зелным недугом, и в том недузе нападе на него падучая болезнь и мучила его чрез неделю и чрез месяц, и той скорби был слеп лет с пять и болши, якоже сам о себе поведа. И во едину нощ явися ему в тонце сне преподобная княгиня Анна и рече ему, глаголя: «Прииди в Кашин в соборную церков Воскресения Христова и ко гробу преподобныя, и исцелееши». Он же возбнув от сна и никого не виде, и разумев посещению Божию быти. И не по мнозе времени иде в Кашин в соборную церков Воскресения Христова и ко гробу преподобныя княгини Анны, и повеле пети молебен Воскресению Христову и преподобной княгине Анне. Сам же Никита прилежно моляся о исцелении своем. И по окончании молебна благослови его священник крестом и окропи святою водою, и приложився ко гробу преподобныя княгини Анны, и абие[3711] здрав бысть. И отъиде в дом свой, радуяся, славя и благодяря Бога и Пресвятую Богородицу и преподобную благоверную великую княгиню Анну.

Чудо 19[3712]

Человек некто, именем Никита Ананьин, града Клина, вотчины болярина князя Петра Иванова Пронскаго, крестьянин деревни Бороздни, сей был одержим черною падучею болезнию лет десять, и много врачем раздан имения своего, и от них искаше исцеления, и не можаше ни от единаго их получити, но паче в горшая пришед, и болезнь тягчае бысть. И слышав о чудесех преподобныя, яко молитв ради ея подает Бог многа и различна исцеления у гроба ея с верою приходящим. И привезоша его в Кашин в соборную церков ко гробу преподобныя, и повелеша пети молебен Воскресению Христову и Пресвятой Богородице Успению и преподобней княгине Анне. Оный же Никита моляся со слезами о исцелении своем. И по окончании молебнаго пения покропиша его святою водою и приложиша ко гробу преподобныя княгини Анны, и в тот час исцеление получи молитвами преподобныя, и отъиде в дом свой здрав, радуяся, славя и хваля Бога и Пречистую Богородицу и преподобную великую княгиню Анну.

Чудо 20[3713]