Том 17 (XVII век, литература раннего старообрядчества)

Душе моя, душе моя, востани, что спиши! Конец приближается, и хощеши молвити. Воспряни убо, да пощадит тя Христос Бог, иже везде сый и вся исполняяй. Душе, яже зде, — времянна, а яже тамо — вечно. Подщися, окаянная, и убудися; уснула сном погибелным, задремала еси в пищах и питии нерадения. Виждь, мотылолюбная[1021], кто при тебе: бояроня Федосья Прокопьевна Морозова и сестра ея Евдокея Прокопьевна, княгиня Урусова, и Даниловых дворянская жена Марья Герасимовна с прочими! Мучатся в Боровске, в землю живы закопаны, по многих муках и пытках, и домов разорении, алчют и гладуют. Такие столъпы великие, имже не точен[1022] весь мир, жены, немощнейшая чад, а со зверем борются по человеку! Чудо, да толко подивитися лише сему! Как так? 8000 християн имела, домовово заводу тысящ болши двух сот было, — дети мне духовные, ведаю про них. Сына не шадела, наследника всему, и другая такожде детей. А ныне — вместо позлащенных одров в земли закопана седит, за старое православие мучатся.

А ты, душе, много ли имеешь при них? Разве мешок, да горшек, а третие — лапти на ногах. Безумная, ну-тко опрянися[1023], исповеждь сына Божия явственна, полно укрыватися-тово. Добре рече некто от святых отец, яко всем нам един путь предлежит. Иного времени долго такова ждать, само Царство Небесное валится в рот, а ты откладываешь, говоря: «Дети малы, жена молода, разоритися не хочется». А тово не видишь, какую честь бросили боярони-те, да еще жены суть. А ты мужик, да безумние баб, не имеешь цела ума: дети те переженишь и жену ту утешиш, а затем что? Не гроб ли? Таже смерть, да не такова, понеже не Христа ради, но общее всемирной конец.

Блажени умирающим о Господа! (Апокалипсис): «Блажени творящии заповеди его, да будет область им на древо животное, и враты внидут во град. Вне же — пси и чародей, и любодей, и убийца и идолослужитель, и всяк любяй и творяй лжу»[1024].

Вот, смотри: люди же были и померли, да не Христа ради, плюнуть на них, нет им части со агньцем во граде Бога живаго, и на древо животное области не имут, понеже зде любили ложь и творили ю́, а о правде агньца не подвизалися, но ища здешния сласти и жития отрадново, не радели о будущем, и от скорбей ради Христа всяких отклонишася, лицемеришася с миром сим, Христа не послушавше, якоже речено во Евангелии: «Рече Господь: аминь, аминь, глаголю вам, яко восплачетеся вы и возрыдаете, а мир возрадуется, вы же печални будете, но печаль ваша в радость будет. Жена, егда раждает, скорбь имат, яко прииде год ея, егда же родит отроча, тогда не помнит скорби за радость, яко родися человек в мир. И вы же печаль убо имате ныне. Также узрю вы — и возрадуется сердце ваше, и радости вашея никтоже возмет от вас, и в той день мене не вопросите ничесоже»[1025].

Вот, су, любяй сласти и отраду мира сего, вонми Господем реченное. Не на одрех слоновых почивати ученикам своим приказал, ниже радостию мира сего веселитися; якоже и жена беремянна пред родинами день и нощь, бедная, мается, как бы розродитися, ожидает, яко часа смертнаго, а егда родила ребенка, так все забыла. Так то и християнское Христа ради терпение и мучение: скорбно ныне кажется, а тогда в радости все забудет, егда надежа наша Христос явится нам, знаеш ли, когда? Тогда, егда оживотворит мертвенная телеса наша Духом Святым, что робенок из брюха вылезет паки из земли, матери нашей. А ныне Божиим изволением отходит в матерь свою, в землю и место.

Входяй — всяк абие отъидет прияти муки или почести по живших. Тако Дамаскин поет в Степеннах[1026]. Добро, братия моя и любимцы светы, помните Христов приказ и апостольское учение и святых отец наказание. Всякого добра добрейши суть книжное поучение, яко в них обретается живот вечный и радость оная бесконечная. А ходяй во тме невесть камо идет, сиречь о суетных упражняется, назирая, где пирове бывают, и глумы, и неудобные кличи, якоже писано: «Беседы злы тлят обычая благи»[1027].

Всякому християнину подобает в молитве и трудех пребывати, и в книжном пропитании, и в милости, и любви нелицемерной, в словеси истинном, а не льстивом. Мира не стыдитися: аще и поносят, аще и ненавидят, аще и укоряют, аще и напаствуют, но побеждай благим злое, сиречь терпи, поминай Господню заповедь.

Евангелие, Иоанн 52: «Рече Господь своим учеником: „Си заповедаю вам, да любите друг друга. Аще мир вас ненавидит, видите, яко прежде вас мене возненавиде. Аще от мира бысте были, мир убо своя любил бы, якоже от мира несте, но аз избрах вы от мира, сего ради ненавидит вас мир. Поминайте слово, еже аз рех вам: несть раб болий господина своего. Аще мене изгнаша — и вас изженут; аще слово мое соблюдоша — и ваше соблюдут”», и прочая, до сего: «Сия глаголах вам, да не соблазнитеся от сонмищ. Изжденут вы, но приидет час, да всяк, иже убиет вы, мнится службу приносит Богу. И сия сотворят, яко не познаша Отца, ни мене. Но сия глаголах вам, да егда приидет час, поминайте слово, яко аз рех вам»[1028].