Том 17 (XVII век, литература раннего старообрядчества)

Егда же бысть патриархом злый вождь, и начат казити[1003] правоверие, повелевая трема персты креститися и в посты великии во церкви в пояс творити метание[1004].[1005] Мы же, со отцы и братнею, не умолчав, почали говорить, еретика обличать и предотечу антихристова. Он же нас муча много и разослав в сылки всех. И разсеяни Быша, яко от скорби, бывшия при Стефане апостоли[1006]. Так, отцы и братию мою, епископа Павла Коломенскаго[1007], муча, и в новогородских пределех огнем сожег; Данила, костромскаго протопопа, муча много, и в Астрахани в земляной тюрьме заморил[1008], также стриг, как и меня, во церкви, посреди народа; муромскаго протопопа Логина, — остригше и муча, в Муром сослал[1009], тут и скончался; Гаврилу, священнику в Нижнем, приказал главу отсечь; Михаила священника без вести погубил: за Тверскими служил в монастыре Богородичне, и перевел к тюрме, да и не стало вдруг; двух священников вологжан — безвестно же и сих дел; со мною 60 человек у всенощново взяв, муча их, бив и проклиная, в тюрьме держал, малии в живых обретошася. А меня в Даурскую землю сослал, от Москвы, чаю, тысящ будет з дватцать[1010], за Сибирь, — и волоча впредь и взад 12 лет[1011], паки к Москве вытащили, яко непогребеново мертвеца. Зело там уподчивали палками по бокам, и кнутом по спине 72 удара. А о прочих муках потонку неколи говорить, — всяко на хребте моем делаша грешницы. Егда же выехал на Русь — на старые же чепи и беды попал.

Видите, видите, яко аз есмь наг, Аввакум протопоп, в землю посажен, и жена моя, протопопица Анастасия з детми в земли же седит[1012], и старец Соловецкой пустыни Епифаний[1013], наг, в земли же седит; два языка у него никонияна вырезали за исповедание веры, да и руку отсекли, да и паки ему третей язык Бог даровал. И Лазарь поп наг же, седит в земли, казнен, говорит также. И диякон Феодор и Киприян[1014], нагие же, с нами мучатся, в тюрьме за православие же пытан в прошлом году. А Соловецкой монастырь в осаде седмь лет от никониян седит[1015]. На Мезени из дому моего двух человек удавили на виселицы никонияна еретики. На Москве старца Аврамия, духовнаго сына моего, и Исаию Салтыкова в костре сожгли, старца Иону-казанца[1016] в Коломенском, разсекли напятеро. На Колмогорах Ивана уродиваго сожгли. В Боровске Полиекта священника и с ним 14 человек; паки в том же Боровске 30 человек сожгли. В Нижнем человека сожгли. В Володимере человек 6 сожгли. В Казани тритцеть человек сожгли. В Киеве стрелца Илариона сожгли. А по Волге той живущих во градех, и селех, и в деревнях тысяща тысящами положено под мечь не хотящих печати прияти антихристовы. А иные ревнители закону суть, уразумевше лесть отступления, да не погибнут зле духом своим, собирающеся во дворы з женами и з детками, и сожигахуся огнем своею волею[1017]. Блажен извол[1018] сей о Господе!

Мы же, оставшии и еще дышущеи, о всех сих поминание творим жертвою, со слезами, из глубины воздыханьми неизглаголанными, вспеваем, радующеся, Христа славяще: «Упокой, Господи, раб своих, всех, пострадавших от никониян на всяком месте, и учини их идеже присещает свет лица твоего[1019], в селех со святыми избранными твоими, яко благ и человеколюбец. Рабом Божиим побиенным вечная память 3-жды. Почивайте, миленькие, до общаго воскресения, о нас молитеся Богу, да же и мы и ту же чашу испием о Господе, которую вы испили и уснули вечным сном».

Пряно вино, хорошо умели никонияне уподчивать!

Да не тужите о здешнем-том окаянном житии, но веселитеся и радуйтеся, праведнии, о Господе, понеже преидошал от злаго во благое и от темнаго в житие светлое. Мы же еще в мори пловем пучиною и не видим своего пристанища. Не вемы бо, доколе живот наш протянется, умилосердит ли ся Владыко и даст ли нам ту же чашу пить, есяже сам пил, и вас, рабов своих, напоил. Вемы, яко милостив Господь, желает всех нашего спасения.

Разумею по Писанию, якоже Богослову показано. (Апокалипсис): «И егда отверзе агнец 5 печать, видех под олтарем душа избиенных за слово Божие и за свидетелство, еже имеяху, и возопиша гласом великим, глаголюще: „Доколе, Владыко святый и истинный, не судиши и не мстиши крови нашея от живущих на земли?” И даны Быша комуждо их ризы белы, и реченно бысть им, да почиют еще время мало, дондеже скончаются и клеврети их и братия их, хотящии избиени быти, якоже и тии»[1020].

Видите, вси страждущии за слово и за свидетелство старопечатных книг, а то ожидает и нас, Господь избиенных утешает ризами белыми, а нам дает время ко исправлению. Подщимся и нелестно подвигнемся, но потецем ныне, яко время есть.