Том 17 (XVII век, литература раннего старообрядчества)

<...> Молю убо и аз, юзник[1108], вас всех, страждущих о Христе: претерьпим мало здесь от никониян, да вечно возвеселимся. С ним и мы возрадуемся: ныне же в зерцале и гадании[1109], таможе со Христом лицем к лицу. Ныне нам от никониян огнь и дрова, земля и топор, и нож и виселицы, тамо же — аггельския песни и славословие, хвала, и радость, и честь, и вечное возрадование. Яра[1110] ныне зима, но тамо сладок рай. Болезненно терпение, но блаженно восприятие. Да не смущается сердце ваше, ни устрашаетъся. Слышите Господем реченное: «Блажени плачющии, яко тии утешатся[1111] и многими скорбми подобает нам внити во Царство Небесное»[1112]. Не начный блажен, но скончавый[1113]: претерпевый до конца, той спасен будет[1114].

Всяк верный не развешивай ушей-тех и не задумывайся: гряди со дерзновением во огнь, и с радостию Господа ради посътражи, яко добр воин Исус Христов, правости ради древних книг святых! И мы с тобою же, вкупе Бога моля и пречистую владычицу нашу, Богородицу, и всех святых уповаем: конечно: не оставит нас Господь и Богомати. Аще нас и мучат и губят, а сами дрожат, шлюсь на их совесть нечистую. А праведник, уповая, яко лев рыкая, ходит[1115], не имать попечения ни о чем, токмо о Христе.

Станем, братия, добре, станем мужески, не предадим благоверия! Аще и покушаются никонияна нас отлучить от Христа муками и скорбьми; да статочное ли дело изобидить[1116] им Христа? Глава наша Христос, утверъжение наше Христос, прибежище наше Христос.

Апостол рече: «Вы тело Христово и уди отчасти»[1117]. Слыши, что оне сделают нам?

<...> А я, братия моя, видал антихриста тово, собаку бешеную, — право, видал, да и сказать не знаю как. Некогда мне печалну бывшу и помышляющу, как приидет антихрист, враг последней, и коим образом, да сидя, молитвы говоря, и забылся, понеже не могу стояти на ногах, — сидя молюсь окаянной. А се на поле на чистом много множество людей вижу. И подле меня некто стоит. Я ему говорю: «Чего ради людей много в собрании?» Он же отвеща: «Антихрист грядет, стой, не ужасайся!» Я подперся посохом двоерогим своим, протопопским, стал бодро, ано ведут ко мне два в белых ризах нагова человека — плоть-та у него вся смраду и зело дурна, огнем дышет, изо рта, из ушей и из ноздрей пламя смрадное исходит. За ним царь наш последует и власти со множеством народа. Егда ко мне привели его, я на него закрычал и посохом хошу его бить. Он же мне отвещал: «Что ты, протопоп, на меня кричишь? Я нехотящих не могу обладать, но по воле последующих ми, сих во области держу». Да изговоря, пал предо мною, поклонился на землю. Я плюнул на него, да и очютился[1118], а сам вздрогнул и поклонился Господеви. Дурно силно мне стало и ужасно, да нечево на то глядеть. Знаю я по писанному о Христе без показания: скоро ему быть. А выблядков тех ево уже много, бешеных собак. Нас же да избавит от них Христос, Сын Божий, емуже слава ныне и присно, и во веки веком. Аминь.

ИЗ БЕСЕДЫ ДЕСЯТОЙ. БЕСЕДА О НАЯТЫХ ДЕЛАТЕЛЕХ

<...> В Луке, 83: «Нищ же бе некто именем Лазарь, иже лежаше пред враты его гноен, и желаше насытитися от крупиц, падающих от трапезы богатаго. Но и пси, приходяще, облизаху гной его. Бысть же умрети нищему, и несену быти аггели на лоно Авраамле. Умре же богатый, и погребоша его. И во аде возвед очи свои сый в муках, узре Авраама издалеча и Лазаря в недрех его. И той возглаш, рече: „Отче Аврааме, помилуя мя, и посли Лазаря, яко да омочит конец перъста своего в воде и устудит язык мой, яко стражду в пламени сем”. Рече же Авраам: „Чадо, помяни, яко восприял еси благая твоя в животе твоем, и Лазарь такожде злая: ныне же зде утешается, ты же страждеши. И над всеми сими между нами и вами пропасть велика утвердися, яко да хотящий преити отсюду к вам не возмогут, ниже оттуду к нам преходят”. Рече же богатый: „Молю тя, отче, да послеши его в дом отца моего, имам бо пять братий, яко да засвидетелствует им, да не и тии приидут на место се мученное”. Глагола ему Авраам: „Имут Моисея и пророки, да послушают их”. Он же рече: „Ни, отче Аврааме, но аще кто от мертвых идет к ним, покаются”. Рече же ему: „Аще Моисея и пророк не посълушают, ниже аще кто от мертвых воскреснет, не имут веры”»[1119].

Видите ли, братия, како смири его мука? Прежде даже пред очима не видел Лазаря гнойна, а ныне зрит издалеча, и мил ся деет ко Аврааму, а Лазарю говорит сором, понеже не сотворил добра ничтоже. Возьми — пойдет Лазарь в огонь к тебе с водою! Каков сам был милостив! Вот твоему праздьнеству отдание! Любил вино и медь пить, и жареные лебеди, и гуси, и рафленые[1120] куры: вот тебе в то место жару в горло, губитель душе своей окаянной! Я не Авраам — чадом не стану звать: собака ты! За что Христа не слушал, нищих не миловал? Полно-то милостивая душа Авраам-от миленькой — чадом зовет, да розговаривает бутто з добрым человеком. Плюнуль бы ему в рожу ту и в брюхо-то толстое пнул бы ногою!