Том 18 (XVII век, силлабическая поэзия)

Алверт Великий зело премудр бяше,[408]
тайны естества дивны исписаше.
Егда же века старости дожил есть,
мудрости всея конечно[409]

забыл есть.Феодорик же, Канисий реченный,
о смерти брата Петра увещенный,
Толь ужасеся, даже забы всего:
книг писания, имене своего.
Подобне Корвин, ветий[410] преученный,
недугом долгим люте удрученный,
Забы имене своего вещати.
Коль память слаба, мощно по сих знати.

ЗЕМЛЯ

Земли три части мокнуть под водами,
четверта токмо суха под ногами
всех есть ходящих и разум имущих,
и зверей сущих.

<ИЗ ЦИКЛА «ЗЛАТО»>

Краль галлийский Бреун[411]

деву возлюбил естьи яко с женою с нею нечто жил есть.
Она же не право онаго любяще,
но точию злато лестию взимаше.
Позна лицемерство краль хитрыя жены,
уразуме, яко бе ею прелщенны.
Умысли ю златом довле насытити
и лесть[412] не без казни должныя пустити.
Повеле воинству злато ей метати,
ей же седшей от них оно приимати.
Метающе убо, купу[413] сотвориша
толь велику, даже жену завалиша,
Яже не стерпевши тяготы от нея —
и злата лишенна, и жизни своея.
Златый гроб стяжала любившая злато,
но горе бяше ей тогда зрети на то.

ИСТИННА