Том 8 (XIV - первая половина XVI века, переводная литература)

Подобаше убо намъ, богопочтеный нашь владыко святый, писаниемъ присно и нарековати тебе, и лобзовати, и долъжное еже по Бозе твоему свершению въздати поклонение, яко святыя твоя въсприимати молитвы и от тебе благословлятися. Но прилучьшаяся нам напасти и бывшее вещем пременение от подобаюшаго нас пресецаютъ и полезнаго, понеже и бес пастыря пребываемъ[244] и несть иже нас сберег, разъсеяныя суща, и зверем удобь емлемый бьшающа ловъ. Нъне же нову в уши наши въпадшюю слышанию настоящее писание къ святыне твоей послахом, ово убо долъжное то и въздаюше поклонение и еже от нею благословление просяще, ово же и о слышанемъ сказающе; еда бо се въ твою не вънесено бысть слухы. Слышахом бо яко цятом арменом некым рекше отшелником арменьскыя службы ту сътворше жилище и безмольствовати ту произволивше, неции всяко от доброненавистнаго беса нападают на них и яко неправославны облыгуют и всячьскыми образы оскорьбляютъ их. Но убо таковии приятне бяху от прежде бывших патриархъ наших, и некая от них братья суть въ честней обители святаго Чюдтворца Симеона учинене и въ иных монастырих, в нихже и служат и Причистымъ Таинам съ православными причящаются, и ниже от древних лет дажде доныне възниче съмнинье некое о славе их. Сия убо мы яко ведуще възвестихом; твоего же хотенья есть или нраву предварших патриархъ последовати, или инако некако помянувшемуся и угодному Богови створити. Честныя убо и святыя молитвы твоя да дароване будут нам въ всемъ житии.

РАВНОЕ ПОСЛАНЬЕ ПОСЛАНАГО ОТ СВЯТАГО ЧЮДОТВОРЦА СИМЕОНА К КИРЪ ЕУФИМЬЮ ПАТРИАРХУ ИЕРУСАЛИМЬСКОМУ С ПАТРИАРХОВЕМ ПОСЛАНЬЕМ.

Надписанье. Блаженейшему и святому владыце моему треблаженому патриарху Иерусалимьскому Петръ последнии мних прозвитеръ и игуменъ и архимандритъ честныя обители иже на Дивнеи горе святаго и чюдотворца Семеона, рабъ молитвы твоея.

Блаженийший и владыко и святеиший, слышание некое приде въ наша слухы о ту сущих и ошелникох цятох, ту негде жилище створшим и безмольствовати произволившим. Неции всяко наваждением добруненавистника врага нападают на них и яко неправославны облыгаютъ и всяцем образом опечялеют их. Тии же, владыко святый, приятни бяху от предварших святыхъ старець и святийших патриархъ, и нецеи от них съчтани суть въ братья нашея обители и служити и съпричящатися с нами и въ всем от святыхъ старець онех и съвъдворятися повелени быша яко православнии. И аще не быша опасно испытале и праве мудрествующе въ православний вере обретошася, и не быша тех прияле. И мы убо, ведуще яже о них, възвестихом твоему блаженству, и твое же есть хотение по воле угодному Богови сътворити. Нас же, недостойныя рабы твоя, молим яко да всегда к Богу службы твориши, в молитвах твоих не забываеши, яко рабе бо недостоинии дерьзнувше написахом.

СЛОВО 36. ТОГОЖДЕ КЪ ОТЦЮ ГЕРАСИМУ[245] О ТЕХ ЖЕ. И РАВНОЕ ПОСЛАНЯ ИЖЕ ВЪ ЕРУСАЛИМЕХЪ ПОСЛАНАГО КЪ ОТЦЮ ГЕРАСИМУ ЯКО ДА ПРОЧТЕНО БУДЕТ ПОСРЕД С ДВЕМА ПОСЛАНИЦЕМА, ПАТРИАРХОВЕМЬ ЖЕ И ОБИТЕЛИ СВЯТАГО СЕМЕОНА ЧЮДОТВОРЦА.