Вирши

ВИНШОВАНЕ ИМЕНИН ПРЕСВЕШЧЕННОМУ ЕГО МИЛОСТИ ГОСПОДИНУ ОТЦУ АМФИНОГЕНУ КРЫЖАНОВСКОМУ, [134]

ЕПИСКОПУ КОРЕЛЬСКОМУ, ИВАНОГОРОДСКОМУ, ФИНСКОМУ, ЛИВОНСКОМУ, ИНГОМЕРДАНСКОМУ, ВСЕГО ПОМОРЬЯ, ВЕЧЕРНЕГО Ы ПОЛУНОЧНОГО ОКЕАНА, АРХИМАНДРИТУ НАЗАРЕТСКОМУ, ПРОТОСЫНГЕЛЕВИ ГОМЕЛЕЙСКОМУ, ОПАТОВИ РЫМСКОМУ, ПРОБОШЧОВИ ГДАНЬСКОМУ Ы КРОЛЕВЕЦКОМУ, КУСТОШОВИ ДЕНЕМБАРСКОМУ, ИГУМЕНОВИ ДИСЕНСКОМУ... В ДЕНЬ 6 СВЯШЧЕННОМУ АМФИНОГЕНА ОФЯРОВАНЕ. РОКУ 1661

Радуйся светло, отче, преподобие,
Амфиногене, Богу преугодне.
Яко днесь церков лики составляет,
Ангела песнми твого величает.
Во мученицех святых освяшченна
Амфиногена, Богу возлюбленна.
Его же имя на себе носишы,
Як отца чадо усердно любишы.
Он Хрыста ради умре, ты страдати,
Многия раны должен многократи.
Ты, наказуя, на лица не зришы,
Страха изгнаний нимало боишы.
Всякому в лице что ти подобает,
Яко гром гласно, гортань ти рыкает.
Умный мудрцы обуяша тебе,
Всих за уметы вменяешы себе.
Всякая стана сполу ти учений,
За еже много ты страда мучений.
Узы темницы обыча блюдения,
Всегда чаяху ти посешчения.
Нест беда ы скорб, ей же не участен,
Киевских гуслей лепо ты прычастен.
Псалмопевече тебе утешаше,
Егда на гуслех струны пребиваше.
Но кто оповест дела твого чудна?
Аз не возмогу даже до дня судна.
Довлеет решчы: всякий град ы страна
Полна ти чудес паче океана.
Темже почтеся премногими саны;
В земле Корельской епископом званы,
Архимандрыта речен Назарейски,
Ы протосынгел почтен Голилейски.
На Гданьску пробошч також Кролевецки,
Опат на Рыме, апостал Немецки,
В Десне игумен, а у нас ничого,
Ничто имашы, тако имый много.
Вся всим на земли, но что будеш в небе? —
Поне един лик з всих избери себе.
Полны вси лицы, мало юродивых,
Но так не иди в строну, молю, живых.
В ангельском чыне лучше шествовати,
Зде век прежывше, в небе царствовати.
Его же аз есм прысный ти желатель,
За еже буди ты мне благодатель.
Писал бых болей, да слов им не стает,
Чудный жывот твой ум мой превызшает,
А што згрубилем, изволь то простити,
Ы за узел сей меду нам купити.
Если не купиш, не дождеш ы року,
Да варуй пильно ы от кия боку.
Друг твой в пиве, в горелце, в тобаце,
Если тя выдал, налай, як собаце!

ДИАЛОГ КРАТКИЙ [135]