Вирши

1

Что в надежде о сыне царском, Алексею? —
Даст Бог, скипетр воспримет над всею землею.
Ким образом? — През разум. Откуду будет мощ? —
Бог будет в помощ.

2

Кто хранитель? — Спаситель. А кто можд? — Даяй дожд.
Кто оброна? — Царь с трона небесна, всечестна.
Чым вестно? — Живет честно; будет же до конца,
Яко свет слонца.

3

Что знамя? — Царско племя. Нрав с урода? — Природа.
Падет овощ близ древа. Так ли чловек? — От век.
Лев ли птенца не родит? — Не плодит. З орлицы
Нест голубицы.

4

Что ж з царя Алексея? — Орел Русси всея.
Кол красен? — Зело ясен. Кол силны? — Предивны.—
Что слава? —Даст Бог будем глава. Ким народом? —
России плодом.

5

А к тому? Литовскому. А еще? И Полше.
Над то кому? Шведскому. А Крыму? И Рыму.
Тем буди царь всем страном, агаряном[139], иным
Народом дивным.

6

Ктож родом? — З царя плодом. Кол благи? — Вседрагий.
Як щедрый? — Милосердый. Нищим? Дател пищы.
Пришелцем? Ест приемцем. Вдовам убогим?
Богатство многим.

7

А миру? Подает веру. Над люде? Цар буде.
Избранный? Богом данный. Христианом? Всим страном.
Тем ему дай Бог век мног и вся концы света
На многа лета.

8

Здравствуй же, Алексею, прийми возраст, облает.
Сияй светло над нами, твоими рабами,
Мы тя будем всим людем всегда прославляти
И величати.

9

Будь славен, Алексею, над землею всею,
Где светят луча слонца во вся земли конца,
Вся страны з Россияны да тя величают
И работают.

10

Дай Бог твоей десницы, где свет ест денницы.
И вся яже на земли щасливе поемлй.
А враги за вси праги и за крайне море
Прожени вскоре.

11

Як молние блистает, имя да сияет
Твое, о Алексею, славы ти лучею.
Щасте, крепост и милост, вславят тя щедроты
И вся доброты.

12

А мы паки имя твое славим пречестное,
Должну ти честь прыносим и о милость просим.
Пощади и огради, да чтеши от Бога
Лета премнога.

ВИНШОВАНЕ НОВООБРАНОМУ ПАТРИАРШЕ [140]