Житие протопопа Аввакума

Ну, как же християном нам быть? Приклони-тко ухо то ко мне и услыши глаголы моя, право, не солгу. Чево себе ищу, тово ж желаю и тебе. Аще не хощешь в стень сию итти господа ради своего, а в существо пойдешь же. Сиречь: стень – огнь сей онаго огня, иже хощет поясти сопротивныя. Сей огнь плоти снедает, души же не коснется; оный же обоя язвит в неистление. Писано есть: восшумит же удоль вся плачевная страшным скрежетанием, вся видящий согрешившия вечнующим мукам судом праведным божиим отпущаемы. А прежде возгласят трубы, и истощаются гробы, и воскреснет человеческое, трепеща, естество все: иже добрая содеявшей – в радости радуются, согрешивший же трепещут, плачюще и люте восклицающе, в муку посылаеми и от избранных разлучаеми во тьму кромешную, во огнь вечный, в пропасть глубокую, в черви лютыя, в скрежет зубный и неусыпный, в болезни беспрестанныя. Страшно бо судище, брате мой, на нем же вси обнажени станем. Несть помошника тогда и несть предстателя, ни отец сыну, ни сын отцу, ни мати тщери, ни друг другу, несть помогающего, кождо от дел прославится или осудится. Сотвори же, брате, дело сие о Христе и не пей пития тово из чаши той скверныя вышереченныя! Воистинно будет добро и впредь слюбится. А хотя и бить станут или жечь, ино и слава господу богу о сем. Достоин бо есть делатель мзды своея *, на се бо изыдохом из чрева матери своея. На что лутче сего? С мученики в чин, со апостолы в полк, со святители в лик, победный венец, сообщник Христу, святей троице престолу предстоя со ангелы и архангелы и со всеми бесплотными, с предивными роды вчинен! А в огне том здесь небольшее время потерпеть, аки оком мгнуть, так душа и выступит! Разве тебе не разумно? Боишися пещи той? Дерзай, плюнь на нея, небось! До пещи той страх-от, а егда в нея вошел, тогда и забыл вся. Егда же загорится, а ты и увидишь Христа и ангельския силы с ним: емлют души те от телес, да и приносят ко Христу, а он, надежа, благословляет и силу ей подает божественную, не уже к тому бывает тяшка, но яко восперенна, туды же со ангелы летает, равно яко птичка попорхивает. Рада, из темницы той вылетела! Вот пела до тово, плачюще: «изведи из темницы душу мою, исповедатися имяни твоему. Мене ждут праведницы, дондеже воздаси мне»*. Ну, а то выплакала! Темница горит в пещи, а душа, яко бисер и яко злато чисто, взимается со ангелы выспрь, в славу богу и отцу, сын божий и святый дух возносят ю в высоту. А темницу никонияня бердышами секут во огне. Да уже не слышит, ни чюет ничево, персть бо есть, яко камень горит или земля. Аще и не горит, ино таков ж до востаннаго дни, нечювственна и несмысленна персть. Аще святых телеса и нетленна суть, не силою естественною содержими бывают, но, благодатию духа святаго укрепляеми, не истлевают, и действует благодать духа святаго в бездушном телеси. Еще живу ему сущу, вселися в него бог, ради веры и добродетелей его, и по смерти телеси его не оставляет бог. Душа же праведных в руце божий, амо же он весть, во всеобъятии его, якоже и Христос распятся на кресте, душу свою в руце отцу предаде, плоть же его три дни во гробе лежа, не истле без души, понеже бог слово в ней бесстрастно пребысть, им же Христова содержима плоть. Егда посла бог-отец душу в телеси*, паки душею оживе, и пожерто бысть мертвенное животом. Сниде во ад, плени адова сокровища. Таже явися ученикам, потом взыде на небеса и седе одесную отца, к тому уже не умрет, смерть на нь к тому не обладает *. Тако и о святых телесех разумей: до востаннаго дни лежат благодатию содержими, в день же последний душами подымутся, и грешничи мертвена телеса оживотворятся тем же духом святым. Во трубах глас божий будет. Егда первая труба вострубит, тогда отверзутся гробы. Егда же вторая труба вострубит, тогда потечет кость к кости, состав к составу своему. Так то созидати дух святый прах телес наших будет. Таже вострубит третьяя труба, крепко, громко, неизреченно. И слышавше души повеление господне, потекут каяждо к своему телеси и подымут своя телеса. Страшно и дивно! Беседует Златауст: тогда дивно и преславно позорище будет. Тамо зрим прах земный на высоту возметающ, онамо также человецы воставают, река же огненная потечет, огнь искусный коегождо дела иск усит, и погнани будут вой небесными. И его же дело пребудет, спасется и просветится, а его же дело сгорит, отщетится. Сам же спасется тако же, якоже огнем *. И Павел апостол так же пишет. Сиречь: каков почернел во огне том – грехи те в нем и о нем горят – таков уж и стал темнообразен, валяется на земли, нет силы крохи. Вот дурак, сластей тех ради земных что над собою сделал! Пропал, погиб, некому пособить! А ужжо еще тебе ж будет указ. Сей же огнь искусит небо и землю, и всю тварь, солнце, и луну, и звезды. Будет небо ново и земля нова, бела, яко хартия, и моря не будет к тому. Ядовит бо сей огнь, понеже потечет от престола господня и пояст соблазны вся. Таже праведницы просветятся и взяты будут на облацех по воздуху на встретение господне. Златаустый пишет: тогда бо плоть святых лехка будет, яко восперенна, носитися по воздуху начнет, яко птицья. Полетим, братия, тогда надежу своего встречать с великою радостию и веселием и с ним воцаримся во веки веком. А никонияня валяются на земли, и валяются, яко огорелыя главни. Таже сядет господь на престоле славы своея судити праведным и грешным и воздаст комуждо по делом его.