Древнерусские патерики

Блаженый же рече к нему: «Добро есть уповати²⁵ на Господа, нежели²⁶ надеятися на человека[123]: Господь же весть, како препитает²⁷ всю тварь, могай²⁸ заступати²⁹ и спасти³⁰ бедныа. Брата³¹ же моа, не плачита мене, но плачита себе и³² чад своих. Врачевания же в животе не требовах, //

л. 28 мертвии бо живота не имут¹ видети[124], ниже² врачеве могут воскресити». Исходя же с ним в пещеру³, ⁴ископав⁵ гроб себе⁶ и рече сурянину⁷: «Кто наю паче возлюби⁸?» Сурянин же: «⁹Веде, яко аще кто хощет, но ты ¹⁰живи еще¹¹, мене¹² зде положи¹³». Блаженый же¹⁴: «Буди¹⁵ тобе, якоже восхоте». И тако остригься¹⁶, пребысть¹⁷ плачася день и нощ непрестая за 3 месяци. Блаженый же¹⁸, сего¹⁹ утешая²⁰, глаголаше: «Брате Петре, хощеши ли, пойму тя с собою?» Он же с плачем рече к нему: «Хощу, да мене пустиши, и аз за тя умру, ты же моли за мя». ²¹Блаженый рече²² к нему: «Дерзай, чадо, буди готов, в 3-й бо день отъидеши». Ти тако причастився, ²³и возлег, опрятався²⁴, и простре²⁵ нозе²⁶, предасть душу о Господе.

Блаженый же князь Святошя потом пребысть²⁷ 30 лет, не исходив из манастыря, дóндеже преставися в вечный живот. И²⁸ в день покоа²⁹ его мало не весь град обретеся.

И се уведав, брат его³⁰ посла³¹ с молбою, кланяяся³², прося на благословение хрестьца³³, иже³⁴ у³⁵ переманаткы[125] его, ³⁶и подушки его³⁷, ³⁸и колодкы³⁹, на нейже кланяшеся⁴⁰. Игумен же вда ему, рекый⁴¹: «По вере твои буди ти!» Се же ⁴²приим, честно имяше и⁴³ вда игумену 3 гривны злата, да не туне возмет знамение братне.

Сему⁴⁴ Изяславу некогда разболевшуся, уже в нечаянии ото всех, и⁴⁵ при смерти суща того видевше, //

л. 28 об. приседяху ему жена¹ его, и дети, и вси бояре². Сий³ же, ⁴мало восклонився⁵, проси воды печерскаго кладязя, ⁶ти тако⁷ онеме. Пославше⁸, взяша воды; отерше гроб святаго Феодосиа, вдася⁹ же игумен и власяницу[126] Святошину, брата его, да облекуть и¹⁰ в ню. Преже даже¹¹ не вниде носяй¹², проглагола князь: «Изыдете¹³ скоро¹⁴ пред град на сретение¹⁵ преподобныма Феодосию¹⁶ и¹⁷ Николе». И¹⁸ вшедшу же посланному с водою и со власяницею, возпи князь¹⁹: «Никола²⁰! Никола Святоша!» и давшее ему пити, и облекоша и²¹ во власяницу, — и²² абие здрав бысть. И вси прославиша Бога и его угодникы²³. ²⁴Ту же²⁵ власяницу взимаше на ся, егда ся²⁶ разболяше, и²⁷ здрав бываше²⁸. Сам·же к брату ехати хотяше, но удржан быв от тогда сущих епископ²⁹. Во всяку же³⁰ рать³¹ сию власяницу на собе имяше, ти тако без вреда пребываше. Согрешшу же ему некогда, не сме взяти ея на собя, ти тако убьен бысть ³²на полку³³[127]; и заповеда в той положити ся.

Многа же исправлениа ина о том мужи поведают, иже и доныне вси сведят³⁴ ту³⁵ сущии старии черноризци о блаженем князи Святоши.

Обращу к тобе слово. Что ты таковое содея? Богатство ли остави? — но³⁶ не име его. Славу ли? — но не постиже ея, но от убожества в славу прииде и во все благо. //

л. 29 Помысли¹ сего князя, егоже ни един князь в Руси не створи, волею бо никтоже вниде в чернечество. Воистину сий болий всех князий рускых! Како же сравняются² твоя корзна³ того власяници? Ты бо в наготу позван еси — ты же⁴ порты ся⁵ украшавши, и⁶ сих ради обнажен имаши⁷ быти⁸ нетленныя одежа⁹, ¹⁰яко не имея брачныа одежа¹¹ — осудишися¹²[128]. Но что пишеть божественный Иоан в Лествици: «Жидовин жадаа¹³ брашна, да празнует по закону»[129]. Ты же, им¹⁴ подобяся, попечение твориши¹⁵ о питии и о ядении, сим славен ся творя. Послушай блаженаго Евагрия: «Иже согрешить¹⁶, праздника не имать»[130]. Не питай тела своего, да не супостат ти будеть; ни выше меры¹⁷ начни высоких: егда не возмог, укоризну приимеши. Буди подражатель святых отець, да не будеши лишен божественна славы тоа¹⁸. Аще не постигнеши с свершеными венчан быти, поне со угодившими похвален быти потщися. Вчера пришел еси в чернечество, уже обещеваеши, преже навыкновениа епископьству¹⁹ хощеш²⁰, и законодавец крепок показал ся еси; и²¹ преже своего покорения всех смирити хощеши; мудрствуеши высокая, ²²грдынею повелеваа²³, супротивно²⁴ отвещаа²⁵. Си вся навыкох от уст твоих, оже²⁶ помышля//еш

л. 29 об. о земных, а не¹ о небесных, о плотских, а не о духовных, о похотех, а не о воздержании², о богатстве, а не о нищете. Света отступи³, а во⁴ тму дал ся еси; ⁵жизнь отвръг⁶, муку вечную собе уготовил еси⁷; прием оружие Христово на врага⁸, того в сердце свое вогрузил⁹ еси¹⁰. Воспряни, брате, и разумей ¹¹опасно¹² о своем житии¹³, неподвижну мысль имея и ум от святаго места того.

14 И се ти скажю подобно твоему тщанию 15 о Еразме-черноризци 16