История татар. Том IV. Татарские государства XV-XVIII вв.

О розрядстве воеводском, как приступати ко граду. И посем благочестивый царь повеле всем людем готовым быти в полцех, хотя приступати ко граду, и отобра множество воиньства своего и повеле боярьскым людем всем по предиреченному головы устроити, выборных детей боярьскых и наученых ратному делу, всякому сыну боярьскому по сту человек. И напред велел приступати со всех сторон атаманом с казакы и головам з боярьскыми людми да головам с стрелцы; и как, даст Бог, люди у города будут и на стенах, государь велелпомогати другим воеводам изо всех полков з детьми боярьскыми; такоже учреди всякому сту сынов боярскых царьскаго полку выборная голова; последи же повеле и болшим воеводам ис полков пособляти со всеми людми. Царю благочестивому и брату его с ним князю Владимиру Андреевичю с своими полки стати против Царевых ворот на посаде от кладбища и помогати на все стороны, как Бог устроит. А от сторон государь с лесов велел беречи полков, и для силной вылазкы из города и пробиваниа на лесы, на Арьском поле и на дорогах на Арскых и на Чювашьскых велел государь быти царю Шигалею, а с ним все князи и мурзы Городецкые, да боярину и воеводе князю Ивану [214] Феодоровичу Мстиславьскому своим полком, да горним людем велел с ними же быти. А на Нагайской дороге велел быти боярину княже Владимирову Андреевича князю Юрью Оболеньскому с полком да голове з дворяны своего царьского полку князю Григорию Феодоровичю Мещерьскому. А на Галицкой дороге за Казанию-рекою велел государь быти воеводе своему князю Ивану Ромодановьскому с людми, близко Бежеболды, да княже Володимирову Андреевича воеводе Ивану Угримову Заболотцкому; да за Казанию же рекою велел быти голове з дворяны же своего царьского полку Михаилу Ивановичю Вороному; а вверх по Казани у Старово городища голову Михаила Петрова Головина. Того же дни розрядя государь по местом, где кому быти, и отпустил, да всяк готовится и строит, где кому повелено быти.

О поможении воводам друг другу. А воевадам гасударь велел приступати, как, еже даст Бог, взорвет подкоп; избашни и в пролом поити по времени, как государь приказал, слуге князю Михаилу Ивановичю Воротыньскому да околничему Алексею Даниловичю Басманову; да и в пробитые в все места велел им устроити и послати головы по царьскому розряду; а в другой пролом за Аталыковыми вороты велел от князя Михаила же казначею Ивану Фоме Петровичю; а помагати им царю и великому князю своим полком. А в Кабатцкие ворота воеводам передовово полку; наперед князю Дмитрию Ивановичю Хилкову, а помогати ему боярину князю Ивану Ивановичю Проньскому. А в Збойливые ворота яртоулу: наперед князю Феодору, а помогати князю Юрью Ивановичю Шемякину. А в Елбугины ворота от Казани-реки воеводе князю Андрию Михайловичю Курбьскому, а помогати боярину князю Петру Михайловичю Щенятеву. А в Муралеевы ворота воеводе Семену Василиевичю Шереметеву, а помогати боярину князю Ваеилио Семеновичю Серебряному. А в Тюменьскые ворота воеводе Дмитрию Михайловичю Плещееву, а помоати воеводе князю Дмитрию Ивановичю Микулиньскому. И всем государь приказал готовится х третиему часу дни въскресениа.

О бытии царском наедине со отцом духовным и о въоружании. И в суботы на неделю в нощи той был государь наедине с отцом своим духовным Андреем протопопом; и нача въоружатися, юмшан на себя класти, и слышит звоны многые и ближним своим говорит: „звоны де слышю, как бы Симонова монастыря звон“. И внят царь в сердцы своем, яко быти благодати Божии на нем, и иде государь в церковь и нача заутреню пети.

О подставлении зелиа под город. И прислал к государю князь Михайло Воротыньской: „Размысл деи зелие под город подставил, а з города деи его видели, и невозможно деи до третиаго часу мешкати“. Царь же благочестивый посылает по всем полком възвестити, да вскоре вси уготовятся на брань.

Иде государь в церковь. Сам же государь иде в церковь и повеле [215] правило поскору совершити, а самому государю многиа слезы от очию своею испущающи и у Бога милости просяще; свету же приближившуся, и отпустил царь воевод своего полку царьскаго боярина князя Володимера Ивановича да боярина Ивана Василъевича Шеремьтева и всех полков, а велел на урочном месте стати у города, а своего царьскаго приходу ожидати.

О слушании божественыа литоргии. А сам царь литоргию велел начати, хотяше 6о святыни коснутися и, съвръша литоргию, отдати Божиа Богови и поехати в свой полк. Литоргию же наченшу, страшно же убо и умилению достойно в то время благочестиваго царя видети в церкви въоружена стояща… доспеху убо на нем ничимъже прикрыту, но тако и всем сущим с ним въоруженым и тщащимся к смертному часу за благочестие […]