История татар. Том IV. Татарские государства XV-XVIII вв.

Божиею помощию одолеша православнии Татар. Богу же помогающе православным, поверх хоромходящим христианом сверху побивающе Татар, к государю же из всех мест воеводы прикавывают: „воини твои крепце биются и Бог помогает по тебе, царе благочестивом, но многие слабые емлют съкровища Казаньские, и ты, царю помогай нам“. Царь же посылает бояр [217] своих и многых ближних забивати тех, да не падают на съкровищех, такожде и помогают своим; и головы своего царьскаго полку посылает с людми в все места помагати. И приближа христиане к мечите х Кулшерифу х Тезитьскому врагу, и тут с Кулшерифом-молною многие неверные совокупившеся и зле биющеся, — убиша Кулшерифа с его полком — и Божиим милосердием одолеваху православнии Кулшерифа, со всеми его побиша. Татарове же побегоша вси на царев двор, воини же православнии приближшеся х цареву двору и сечаху нещадно нечестивых, мужей и жен, по удолием крови течаху. И Татаром събравшимся на цареве дворе, и видеша свою конечную погибель и реша друг к другу: бежим убо из города скоро от них, яко Бог поборает с ними, множество наших умроша». И побегоша все к Елбугиным воротам, и нача с града метатца и в ворота пробиватца, и многие к лесу на бегство устремишася. И в той час поведаша благочестивому царю, что з города многие люди сметалися и за Казань на бежание устремилися. И в том месте были воеводы боярин князь Петр Михайловичь Щенятев, и напустил на них полком своим, и многих у них убиша; а воевода князь Андрей Михайловичь Курбьской выеде из города и вседе на конь и гна по них, и приехав в всех в них; они же его с коня збив и его секоша множество и преидоша по нем замертво многие, но Божиим милосердием последи оздравеле. Татарове же побежаша на рознь к лесу. Царь же благочестивый послал к Бежьболде боярина князя Семена Ивановича Микулиньскаго да оружничево Лва Андреевича Салтыкова, а за Казань болярина князя Михаила Василиевича Глиньскаго да болярина дворовово воеводу Ивана Василиевича Шереметева; и там за Казанию были голова царского полку Михайло Вороной да княже Владимиров Андреевича воевода Иван Угримов. Бояре же и воеводы Божиим милосердием побили множество поганых, и тамо они толико множество побили: от реки от Казани и до леса и в лесе многие мертвии лежаще, и немногие утекли, многыми ранами ранены.

О избиении поганых. И уже помощию всесилнаго Господа нашего Иисуса Христа, молитвами нашея Владычицы и Богородицы, и пособлением и заступлением великого Архистратига Михаила и прочих сил бесплотных, и великих чюдотворцов молитвами и сродников царя нашего православнаго и всех святых молитвами — одоление царьское над враги — благочестивый и Богом венчанный наш царь православний и великий князь Иван Василиевичь самодръжец всеа Русии брався с нечестивыми, и одоле их до конца, и царя Казаньского Едигер-Магметя изыма, и знамена их взяша, и царство и град многолюдной Казаньской въсприат. В полон же повеле царь имати жены и дети малые, а ратных за их измены избити всех, и стол множество взяша полону Татарьскаго, якоже [218] всем полком Рускым наполнится: у всякого человека Рускаго полон Татарьской бысть; христианьского же полону множество тысящь душь свободи. А побито их в граде толико множество лежаша, яко по всему граду не бе где ступати не на мертвых; за царевым же двором, где на бегство предалися ис стен градскых, и по улицам костры мертвых лежаще с стенами градными ровно; рвы же на той стороне града полны мертвых лежаше; и по Казань по реку и в реке и за рекою по всему лугу мертвии погании лежаша.

Царь хвалу Богу въздает. Видев же благочестивый царь и великий князь Иван Василиевичь всея Русии таковое милосердие Божие на собе и на всем своем христолюбивом воиньстве, и руце возведе ко Господу, благодарный молитвы приношаше […]

Здравствуют царю государю на царстве Казаньском. И тут князь Владимир Андреевичь и вси бояре и воеводы здравствовали государю: «радуйся, царю православный, Божиею благодатию победивый сопостаты! буди государь, здрав на многие лета на Богом дарованном тебе царстве Казаньском! ты еси во-истинну по Бозе нашь заступник от безбожных Агарян, тобою ныне бедные христиане свобожаются на векы и нечестивое место благодатию освящается; и впред у Бога милости просим умножити лета живота твоего, и покорить всех съпостат твоих под нозе твои и даст ти сынове наследники царству твоему, да и мы в тишине и покои поживем».

Ответ царьской. Государь же им со умилением отвеща: «Бог сиа содеял твоим, брата моего попечением и всего нашего воиньства [219] страданием и всенародною молитвою; буди Господня воля!»

Царю и государю здравствует царь Шигалей. Такожде, приехав, и царь Шигалей здравствует государю: «буди, государь, здрав, победив съпостаты и на своей вотчине на Казани в векы».