Изборник. Памятники литературы Древней Руси

Въ лто 6508. Преставися Малъфридь.[297] В се же лто преставися и Рогъндь, мати Ярославля.

Въ лто 6509. Преставися Изяславъ, отець Брячьславль, сынъ Володимрь.

Въ лто 6510.

Въ лто 6511. Преставися Всеславъ, сынъ Изяславль, внукъ Вълодимрь.

Въ лто 6512. Въ лто 6513. Въ лто 6514.

Въ лто 6515. Принесени святии вь святую Богородицю.

Въ лто 6516. Въ лто 6517. Въ лто 6518.

Въ лто 6519. Преставися цесарици Володимеряа Анна.

Въ лто 6520. Въ лто 6521.

Въ лто 6522. Ярославу сущу в Новгород и урокомъ дающю 2000 гривенъ от года до года Кыеву, а тысящю Новгород гридемъ раздаваху. И тако дааху вси посадниц новьгородьстии, а Ярославъ поча сего не даяти Кыеву, отцю своему. И рче Володимиръ: «Теребите путь и мосты мостите» — хотяше бо ити на Ярослава, на сына своего, но разболся.

Въ лто 6523. Хотящю ити Володимру на Ярослава, Ярослав же, посла за море и приведе варягы, бояся отца своего. Но Богъ не дасть дьяволу радости. Володимеру же разболвшюся, в се же время бяше у него Борисъ, а печенгомъ идущимъ на Русь, и посла противу имъ Бориса, а самъ боляше велми, в нейже болести и скончася мсяца иуля въ 15 день. Умре же Володимиръ, князь великый, на Берестовъмь, и потаиша и, б бо Святополкъ в Кыев.[298] И нощью же межи клтми проимавъше помостъ, в ковьр опрятавши и ужи свсиша и на землю, и възложивъша и на сани, и везоша,[299] и поставиша и вь святй Богородици церкви, юже б самъ создалъ. Се же увидвше людье и снидошася бе-щисла, и плакашася по немь, бояре аки заступника земли ихъ, убозии акы заступника и кормителя. И вложиша и вь гроб мраморяни, спрятавше тло его с плачемь великим, блаженаго князя.

Се есть новы Костянтинъ великаго Рима, иже крести вся люди своа самъ, и тако сий створи подобьно ему.[300] Аще бо б преже в поганьств и на скврную похоть желая, но послди прилежа к покаянью, якоже вщаше апостолъ: «Идеже умножися грхъ, ту изобильствуеть благодать».[301] Аще бо прже в невжьств, етера быша сгршения, послди же расыпашася покаяньемь и милостнями, якоже глаголеть: «В нем тя застану, в том ти и сужю».[302] Якоже пророкъ глаголеть: «Живъ азъ, Аданай Господь, якоже не хощю смерти гршника, якоже обратитися ему от пути своего и живу быти, обращениемь обратися от пути своего злаго».[303] Мнози бо праведнии творяще и по правд живуще, и кь смерти совращаються праваго пути и погыбають, а друзии развращено пребывають и кь смерти вьспомянуться и покаяньемь добрымь очистять грхы. Якоже пророкъ глаголеть: «Праведный не возможе спастися вь день грха его. Егда рекуть правдному: Живъ будеши, сьй же уповаеть правдою своею и сотворить безаконье, вся правда его не въспомянеться, в неправд его, юже створи, и в ней умреть. И егда рекуть нечестивому: смертию умреши, ти обратиться от пути своего и створить судъ и правду. И заимъ судъ, лъжю отдасть, и вьсхищение възвратить. Вси грси его, яже сгршилъ есть, не помянутся, яко суд и правду створилъ есть, и живъ будеть в них. Комужьто вас сужю по пути его, доме Израилевъ!»[304]

Сьй же умеръ во исповдании добрьмь, покааньемь расыпа грхы своя, милостнями, иже есть паче всего добрй. «Милостыни бо хощю, а не жерьтв».[305] Милостьни бо есть всего луче и вышьше, възводящи до самого небеси пред Богъ». Якоже ангелъ Корнильеви рече; «Молитвы твоя и милостня твоя взиидоша в память предъ Богомь».[306] Дивно есть се, колико добра створи Руской земли, крестивь ю. Мы же, крестьяни суще, не вьздаемь почестья противу оного възданью. Аще бы онъ не крестилъ насъ, то и нын быхомъ был въ прельсти дьявол, якоже и прародители наши погибнуша. Да аще быхомъ и мы потщание и молбы приносили к Богу за нь, вь день преставления его; видя бы Богъ тщание наше кь нему, прославилъ бы и. Намъ бо достоить Бога молити за нь, понеже тмь Бога познахомъ. Нъ дай же ти Господь по сердцю твоему и вся прошения твоя исполни, егоже желаше царства небеснаго. Дажь ти Господь внць с правдными, в пищи райстий, весельи, ликъствованье сь Аврамомь и с прочими патрархы, якоже Соломонъ рче: «Умершю правдному, не погибнеть упованье».[307] Сего бо в память держать рустии людье, поминающе святое кресщение и прославляюще Бога вь молитвах и вь пснхъ и вь псалмихъ, поюще Господеви, новии людье, просвщени Духомъ Святымь, чающе надежа великаго Бога, Спаса нашего Иисуса Христа вьздати комуждо противу трудомъ неизреченьную радость, юже буди улучити всимь крестьяномъ.