Изборник. Памятники литературы Древней Руси

Святополкъ же оканьный помысли в себе, рекъ: «Се уже убихъ Бориса, а еще како бы убити Глба?» И приимъ смысль Каиновъ, с лестью посла кь Глбу, глаголя сице: «Поиде вборьз, отець тя зоветь, нездоровить бо велми». Глбъ же, всдъ на конь, поиде с маломъ дружины, б бо послушьливъ отцю. И пришедшю ему на Волгу, на пол потъчеся конь вь рв, и наломи ему ногу мало. И приде ко Смоленьску, и поиде от Смоленьска, яко зрима, и ста на Смядин в корабли.[316] В се же время пришла б всть от Передьславы кь Ярославу о отни смерти, и посла Ярославъ кь Глбу, глаголя: «Не ходи, отець ти умерлъ, а братъ ти убитъ от Святополка». И се слышавъ, Глбъ вьспи велми сь слезами и плачася по отци, паче же и по брат, и нача молитися со слезами, глаголя: «Увы мн, Господи! Луче бы мн умрети с братомь, нежели жити вь свт семь. Аще бо быхъ, брате, видилъ лице твое ангелское, умерлъ быхъ с тобою. Нын же что ради остахъ азъ единъ? Кде суть словеса твоя, яже глаголаше ко мн, брате мой любимый? Нын уже не услышю тихаго твоего наказания. Да аще еси получилъ деръзновение у Бога, молися о мн, да и азъ быхъ ту же приялъ страсть. Луче бы ми с тобою умрети, нежели вь свт семь прельстнемь жити». И сице ему молящюся сь слезами, и внезапу придоша послании от Святополка на погубленье Глба. И ту абье послании яша корабль Глбовъ и обнажиша оружья. И отроци Глбовы уныша. Оканьный же Горясръ повел вборз зарзати Глба. Поваръ же Глбовъ, именемь Торчинъ, выньзъ ножь, зарза Глба, аки агня непорочно.

Принесеся на жерътву Богови, вь воню благоухания, жерьтва словесная, и прия внць, вшед в небесныя обители, и узр желаемаго брата своего, и радовашеся с нимь неизреченьною радостью, юже улучиста братолюбьемь своимь. «Се коль добро и коль красно еже жити братома вкуп!»[317] А оканни же вьзвратишася вьспять, якоже рече Давидъ: «Възвратишася гршници въ адъ».[318] И пакы: «Оружье изьвлкоша гршници и напрягоша лукы своя истрляти нища и убога, заклати правыя сердцемь, и оружье ихъ вниде вь сердца ихъ, и луци ихъ скрушаться. Яко гршници погибнуть изьщезающе яко дымъ погибьнуть».[319]

Онм же пришедшимъ, повдающимъ Святополку, яко «Створихомъ повленое тобою». Он же, се слыша, и вьзвеселися сердце его болма, и не вды Давида, глаголюща: «Что ся хвалиши о злоб, силный? Безаконье умысли языкъ твой, яко бритва изострена. Створилъ еси лесть, вьзлюбилъ еси злобу паче благостыня, неправду, неже глаголати правду. Возлюбилъ еси вся глаголы потопныя, языкъ льстивъ. Сего ради Богъ раздрушить тя до конца и вьстерьгнеть тя от села твоего и корень твой от земля живущихъ».[320] Якоже и Соломонъ рче: «Азъ вашей погибели посмюся, порадую же ся, внегда грядеть на вы пагуба. Тмже сндять своего труда плоды и своея нечести насытяться».[321]

Глбу же убьену и повржену бывшю на брез межю двима кладома. По сем же вьземше и везоша и, и положиша и у брата своего Бориса у церькви святаго Василья.