Изборник. Памятники литературы Древней Руси

В лто 6605. Приидоша Святополкъ и Володимеръ, и Давыдъ Игоревичь, и Василко Ростиславичь, и Давыдъ Святославичь и братъ его Олегъ, и сняшася Любчи на строенье мира.[502] И глаголаше к соб, рекуще: «Почто губимъ Рускую землю, сами на ся котору <…> имуще? А половци землю нашю несуть роздно и ради суть, оже межи нами рать донын. Отсел иммься въ едино сердце и съблюдмь Рускую землю. Кождо держить очьчину свою: Святополку — Киевъ Изяславль, Володимеръ — Всеволожю, Давыдъ и Олегъ, Ярославъ — Святославлю, имьже раздаялъ Всеволодъ городы: Давыдови Володимерь, Ростиславичема — Перемышль Володареви, Теребовлъ <…> Василькови». И на томъ цловаша хрестъ: «Да аще отсел кто на кого вьстанеть, то на того будемъ вси и честьный крестъ». И рекоша вси: «Да будеть на нь хрестъ честный и вся земьля Руская». И цловавшеся и поидоша усвояси.[503]