Колдовство на Руси. Политическая история от Крещения до «Антихриста»

«Правило 61 и 62 святаго шестаго собора святых отец возбраняет к волхвом ходити и запрещает православным христианом поганских и еллиньских скверных обычаев и игр, и плесаниа, и плесканиа, и над делвами, сиречь над бочками, и над корчагами квас призывающе и грохочюще, и прочих неподобных дел творити.

И о всем о том толк 61 правила. Иже последуют поганьскым обычаем и к волхвом или ко обавником ходят, или в домы своя тех призывают, хотящей уведати от них некая неизреченнаа, тако же и кормящий и хранящей медведи или иная некая животнаа на глумление и на прелщение простейших человек, и иже в получай веруют и в родословие, рекше в рожданица, и во обояника и иже глаголются облаки гонящей – таковая творящим повеле святый собор 6 лет запрещение даяти. Якоже за 4 лета – да стоят с припадающими. Друзии же и два лета – да стоят с верными. И тако да сподобятся божественных даров. Аще же неисправлении будут и по запрещении еллинских сих хитростей не останутся – от церкви всячески всюду да ижденутся. О волсвех же и обавницах реша богоноснии отцы и церковнии учителие <…> яко: волшествующеи и обавление творящей <…>, бегати подобает от них и отвращатися.

О том же еллинском бесовании. Того же правило 62. Каланды и вота, и врумалиа еллиньскы и по греческым языком глаголется <…> празднование велие торжественно сотворяюще и играния многаа содевашеся по еллиньскому обычаю. Се же собор <…> запрещает. Сице же и женская в народех плясаниа <…>, неподобных одеяний и песней <…> Егда же вино топчют или егда вино в сосуды проливают <…> гласование и вопль велий творят неразумнии по древнему обычаю еллиньская прелести. Еллиньскаго бога Диониса, пианьству учителя, призывают <…>. Се же святый собор сих всех не повелевает творити. Неповинующих же ся – запрещает. Пребывающих же в том, аще причетницы суть – изметает, аще мирьстии суть – отлучает. <…>

О том же еллиньском бесовании правило 65 шестаго собора. Вжизаемыя огнища в новыя месяца от неких пред своими делательницами и пред домом, яже и прескакати неции по некакому древнему обычаю блядут, отселе престати повелеваем. Иже убо таковое что сотворит, аще клирик будет – да извержется, аще простец – да отлучится. <…> Тако же и сиа, иже марта месяца и в прочия новыя месяцы волхвованиа сотворяющая или в Великий четверг труд полагают в древо, и то древо, иже имать в обоих концах труд, концы полагают в два древа, и трыют дондеже огнь изыдет, и той огнь вжызают во вратех или пред враты домов своих, или пред торговищи своими сюду и сюду. И тако сквозе огнь проходяще с женами своими и с чады своими по древнему обычаю волхвующе, якоже писано есть в Четвертом царствии о Манасии цари, иже сквозе огнь проведе чада своя, вражаше и волхвуяше, и разгневи Бога. Всякое бо волхвование отречено есть Богом, яко бесовское служение есть. Сего ради собор сей отныне таковаа творити не повеле есть и запрещает причетником – извержением, простым же – отлучением»[176].